မုန့်ဖက်ထုပ်

မနက်ခင်းရုံးကားအတူစောင့်တဲ့ သူငယ်ချင်းတစ်ယောက်က
ုမုန့်ဖက်ထုပ်တစ်ထုပ်ပေးပါတယ်။
ချက်ချင်း ကျွန်မတို့အမေရဲ့အမေ အဘွားကို သတိရလိုက်တယ်။
သူက မြန်မာမုန့်တွေကြိုက်တတ်ပြီး သင်္ကြန်တွင်းတိုင်း
မုန့်ဖက်ထုပ်လုပ်ပြီး အိမ်နီးနားချင်းတွေကို ဝေလေ့ရှိပါတယ်။
ကျွန်မလဲ စားမယ်လေဆိုပြီး ငှက်ပျောဖက်ကို ဖွင့်လိုက်ပါတယ်။
ငှက်ပျောဖက်အောက်မှာ ပလပ်စတစ်နဲ့ကောက်ညှင်းကို ထပ်ထုတ်ထားတာ
တွေ့လိုက်ရတော့ အော် မုန့်ဖက်ထုပ်ဖီလင်အောက်သွားပါတယ်။
ကျွန်မအထင်ပြောတာပါ။ ကောက်ညှင်းကို ငှက်ပျောဖက်ကလေးနဲထုပ်ပြီး
ပေါင်းလိုက်တော့ ငှက်ပျောဖက်ကရတဲ့ အနံ့သင်းသင်းလေးကို
အဓိကထားခံစားပြီးစားတာမို့
ကောက်ညှင်းနဲ့ ငှက်ပျောဖက်ကြား ပလပ်စတစ်ခံထားတာကို စိတ်အလိုမကျတော့ပါဘူး။
ကျွန်မက အပျိုကြီးပီပီ အတွေးကြောင်တဲ့ထဲမှာပါပါတယ်။
ငှက်ပျောဖက်နံ့မရတဲ့ မုန့်ဖက်ထုပ်ကို မစားဘဲ အသာပြန်ထုတ်ထားလိုက်ပါတယ်။
အဲ့သလိုပါဘဲ လူတွေတစ်ယောက်နဲ့တစ်ယောက်ဆက်ဆံတဲ့အခါမှာလဲ
မလိုအပ်ဘဲ ပလပ်စတစ်ခံသလို ကြားခံထားတာတွေ အများကြီးတွေ့လာရတယ်။
ကျွန်မကတော့ အဲဒီလိုအရသာပေါ့စေတဲ့ ကြားခံတွေကို ဖျက်ပစ်ချင်နေတာကြာပေါ့။
ကြောင်တယ်နော်........

ကျောင်းသား

ကျောင်းသားနဲ့ပတ်သက်ရင် ကျွန်မ အမြဲတမ်းအကောင်းမြင်လေ့ရှိပါတယ်။
ကျွန်မတို့ခေတ်မှာရော ကျွန်မတို့မတိုင်ခင် နှစ်များမှာရော ကျောင်းသားဆိုတာ
သမိုင်းမှာ နံမည်ကောင်းနဲ့ နေလာခဲ့တာပါ။
သူတို့က မိသားစုတာဝန်မရှိသေးဘူး။ ရိုးသားတယ်။
ကိုယ်ကျိုးစွန့်ဘို့အများအတွက် အနစ်နာခံဘို့ ၀န်မလေးတဲ့သူတွေပါ။
ကျွန်မတို့ တက္ကသိုလ်တက်တုန်းက လူမှု့အဖွဲ့အစည်းတွေမှာ
တကယ့်ကို စံပြထားရမဲ့ကျောင်းသားတွေကိုလဲ တွေ့ခဲ့ဘူးတာအများကြီးပါ။
ကျွန်မ ပြည်မှာ တုန်းက ဘေးခြံက ဂျီတီအိုင်ကျောင်းသားအဆောင်မို့
သူတို့အားကိုးနဲ့ တစ်ယောက်တည်း နေလာခဲ့တာ။
အဲဒီအမြင်တွေကို ဒီမနက်မှာတော့ နည်းနည်းဝေေ၀၀ါးဝါးဖြစ်လာပါတယ်။
အခုကျွန်မတို့ရွာရဲ့ကျောင်းတော်ကြီးတွေက သိတော်မူတဲ့အတိုင်း မြို့ပြင်မှာလေ။
ကျောင်းရောက်တဲ့အထူးကားတွေပြေးပေမဲ့ ခရီးသည်တွေနဲ့ ရောတင်တဲ့ကားတွေပေါ့။
အခြားအရာတွေထူးတာထက် ကားက နည်းနည်းသန့်ပြီး ဈေးပိုပေးရတာပေါ့။
ကျွန်မဖယ်ရီဂိတ်ကိုရောက်ဘို့ 5မှတ်တိုင်လောက် လိုင်းကားစီးရတယ်။
ကျွန်မ ကားပေါ်တက်တော့ နှစ်ယောက်ထိုင်ခုံမှာ ကျောင်းသားတစ်ယောက်ထိုင်နေတယ်။
ကျောင်းသားမှန်းသိတာက သူတို့ Uniform ကြောင့်ပါ။
တက္ကသိုလ်ကျောင်းသားကြီးပေါ့။
ကျွန်မက သူ့အမေလောက်ရှိတာမို့ ထိုင်လို့ရအောင် ဟိုဘက်တိုးပေးလို့ပြောလိုက်တယ်။
အဲဒါကို တိုးမပေးဘဲ ကျွန်မကို ခပ်တည်တည် ခပ်ရိုင်းရိုင်းပြန်ကြည့်တယ်။
ကျွန်မက နီးနီးလေးစီးတာမို့ အတွင်းကို မ၀င်ချင်တာနဲ့
အပေါက်နားနီးအောင် သူ့ခုံကို ရွေးလိုက်တာပါ။
ကျွန်မတို့ဖြစ်နေတာကို စပါယ်ယာကောင်းလေးကသိတော့
အစ်မ အတွင်းကို ၀င်စီးလိုက်ပါတဲ့။
ကျွန်မလဲ နောက်ဘက်ကို ၀င်သွားထိုင်လိုက်ပါတယ်။
ဒါပေမဲ့ စိတ်ထဲတော့ ခပ်တင်းတင်း။
ဦးဇောတိက ဟောဘူးတယ်။
အမေရိကန်မှာ ဂါဝရတရားဆိုတာ မရှိဘူးတဲ့။
ဘာလို့ ဂါဝရရှိရမှာတုံးလို့ပြန်မေးတယ်တဲ့။
ဆရာတော်ကို လျှောက်ချင်ပါတယ်။
မြန်မာပြည်မှာလဲ ဂါဝရတရားမရှိတော့ပါဘူးလို့။
အဘ အဘ နဲ့အခွင့်အရေးပေးနိုင်တဲ့လူတွေရှေ့မှာ ကိုယ်လေးယို့ပြီးနေကြတဲ့
ဂါဝရတရားဘဲရှိပါတော့တယ်လို့။
ကဲထားပါ ဇတ်လမ်းက မပြီးသေးဘူး။
နောက် 3မှတ်တိုင်လောက်ရောက်တော့ ကောင်မလေးတစ်ယောက်တတ်လာတယ်။
ကောင်လေးက ပြာပြာသလဲနဲ့ အတူတူထိုင်ကြတယ်ဆိုပါတော့။
အော် အခုမှ သဘောပေါက်လိုက်တယ် သူ့ကောင်မလေးနဲ့အတူထိုင်ဘို့အတွက်
ကျွန်မကို နေရာ ရွေ့မပေးတာကိုးလို့
အင်း အတွေးတွေက ရှည်သွားပါတော့တယ်။
ကျွန်မဆင်းခါနီးမှာ အဲဒီကောင်လေးရှေ့ကိုသွားရပ်ပြီး
ခပ်တည်တည်နဲ့ကြည့်ခဲ့ပါတယ်။
ကိုယ်ချစ်ခင်တဲ့ မိန်းခလေးအတွက် နေရာပေးချင်တဲ့စိတ်ထားက ကောင်းပါတယ်။
ကျွန်မသာအဲဒီကောင်လေးနေရာမှာဆိုရင် ဘာလုပ်မလဲလို့ ကိုယ့်ကိုတွေးဖြစ်ပါတယ်။
ကျွန်မထိုင်စီးလာခဲ့မယ် ဘေးမှာမလွတ်ရင်လည်း မိန်းခလေးတက်လာရင်
ကိုယ့်နေရာကို ဖယ်ပေးမယ်။
မိန်းခလေးတက်မလာခင် ကလေး၊အသက်ကြီးတဲ့လူ၊
ကိုယ်ဝန်သည်တွေတက်လာရင် ဖယ်ပေးမယ်။
အင်း အဲဒီကောင်လေးလို အကြင်နာတရားမရှိလို အပျိုကြီးဖြစ်ရတာလို့ပြောရင်လဲ
ခံရမှာပါဘဲ။
အော် .....ဒါတို့ခေတ်တုန်းက ကျောင်းသားမှ မဟုတ်တာ တောထဲသွားကျောင်းနေရပြီး
လူ့လောကကိုမသိတဲ့ လူမှုရေးဆိုတာနားလည်ခွင့်မရတဲ့
ခေတ်သစ်ကျောင်းသားတွေဆိုတော့......

အော်နောစနော့ (1)

ခေါင်းစဉ်ကို အရင်ရှင်းပြမှဖြစ်မယ်။
1987 Dec ကျွန်မ အလုပ်စ၀င်တဲ့ဌာနက အပြင်ဝင်ငွေရတယ်လို့ နံမည်ကြီးနေတဲ့
စားသောက်ဆိုင်နဲ့ အဖျော်ယမကာဌာန လို့ နံမည်လှလှလေးပေးထားပြီး
အရက်ကို အဓိကထားရောင်းတဲ့ အစိုးရဌာနတစ်ခုပါ။
လစာထုတ်တဲ့နေ့မှာဘဲ အပိုရတဲ့ငွေကို တခါတည်းပေးနိုင်အောင် အစီအမံကောင်းတဲ့
ဌာနတစ်ခုပါ။
အရက်ရောင်းရတဲ့လုံးရေပေါ်မူတည်ပြီး မြို့နယ်တွေက ရုံးချုပ်ကို အပိုငွေပေးရပါတယ်။
ကျွန်မက စာရင်းကိုင်ဆိုတော့ အရက်ရောင်းရတဲ့အရေအတွက်ကိုသိနေပြီး
တို့တော့ ဒီလ အပိုငွေဘယ်လောက်ရမယ်ဆိုတာ ကြိုသိနေတဲ့ဘ၀ပေါ့။
လူတွေက ငွေရရင်ပျော်တတ်တာသဘာဝပေမဲ့
ကျွန်မကတော့ အော်နောစနော့တွေနဲ့ မပျော်ခဲ့ဘူးထင်ပါတယ်။
အဲဒါကြောင့်လဲ အဲဒီဌာနကနေ ထွက်ပြေးခဲ့တာပေါ့။
ထွက်ပြေးဘို့ဆိုတာလဲ တော်တော်လေး အားယူခဲ့ရသလို
သတ္တိလည်းမွေးခဲ့ရတယ်။
ကျွန်မလိုဘဲ စိတ်သဘောထားရှိတဲ့ သူငယ်ချင်းတစ်ယောက်လဲ အဲဒီဌာနမှာရှိတယ်။
ကျွန်မတို့နှစ်ယောက် အဲဒီ အပိုငွေကို အော်နောစနော့ လို့ စပေးခဲ့တာပေါ့။
ကျွန်မတို့နဲ့အတူလုပ်ခဲ့တဲ့အသိုင်းအ၀ိုင်းကလူတွေကတော့ အော်နောစနော့ ကိုသိကြတာပေါ့။

ကျွန်မတို့အစိုးရအလုပ်စ ၀င်ခါစက လဘက်ရည်ဘိုးတောင်းတယ်ဆိုရင်
ရှက်စရာလို့ထင်တဲ့ အခြေအနေမျိုးပါ။
ဒါပေမဲ့ နောက်ပိုင်းမှာတော့ လဘက်ရည်ဘိုးတင်မကတော့တဲ့ အတိုင်းအတာတွေက
ကမ္ဘာမှာရင်ဘောင်တန်းနိုင်ခဲ့တယ်။ ဒုတိယ လာဘ်အစားဆုံးနိုင်ငံဆိုလားဘဲ
ဘာလို့များ ပထမ ရအောင် မလုပ်ပါလိမ့်နော်။
ဒီနေရာမှာလဲ အများထက်သာရင်ကောင်းမှာနော်။

ကျွန်မလဲ အော်နောစနော့တွေကို ရှောင်ရင်း အစိုးရအလုပ်ကနေ ထွက်ရတဲ့ဘ၀ရောက်ရော
တကယ်ဘဲ ကျွန်မရတဲ့ ဒုမန်နေဂျာဆိုတဲ့လစာက ရုံးမှာ လဘက်ရည်သောက်လိုက်ရင်
ကုန်သွားတာကိုး
နယ်မှာတုန်းက ချွေတာသုံးလို့ အဆင်ပြေပေမဲ့ ရန်ကုန်မြို့တော်ကြီးကို ရောက်လာတော့
ကျွန်မအတွက် အစိုးရအလုပ်မှာ 2လဘဲ ခံလိုက်တယ်။
ထွက်တဲ့အခြေအနေကိုရောက်ရော
မြန်မာ့သစ်လုပ်ငန်းဆိုတာ နံမည်ကြီးတယ်တဲ့ ဘယ်နေရာမှာလဲတော့မသိ
အဲဒီဌာနက ဘဏ္ဍာရေး ဒုမန်နေဂျာအလုပ်ကနေထွက်ဘို့
ကျွန်မအတွက် နာရီဝက်ထက်ပို မစဉ်းစားခဲ့ရပါဘူး။
ဘာလို့လဲဆိုတော့ အော်နောစနော့ တွေကို ကျွန်မကြောက်တယ်လေ။

နောက်ကုမ္ပဏီလောကရောက်တော့ လစာက စားဝတ်နေရေးအတွက် လောက်နေတော့
ကျွန်မ အော်နောစနော့ နဲ့ ဝေးနေရတာပေါ့
ဒါပေမဲ့ ကိုယ်တိုင် မပတ်သက်ခဲ့ရပေမဲ့ အခြားလူတွေကို ပေးခဲ့ရတဲ့ အော်နောစနော့စာရင်းတွေက
ကျွန်မဆီရောက်လာပြန်ရော
အဲဒီစာရင်းတွေကို ကျွန်မ ဘယ်ခေါင်းစဉ်အောက်ကနေ ကျခံရမလဲ
အခြားလူတွေတော့ ဘယ်လိုလုပ်တယ်မသိပေမဲ့
ကျွန်မကတော့ C.Money ဆိုပြီးနံမည်လှလှလေးပေးထားခဲ့တယ်။
လဘက်ရည်ဘိုးမဟုတ်ဘူးလေ ကော်ဖီဘိုးပေါ့။ Coffee Money
ကိုယ့်လူမျိုးတွေ ဂုဏ်မငယ်အောင်ပါ။

ကျွန်မတစ်နှစ်ခွဲလောက် အပြင်လောကကိုရောက်သွားပြီးမှ ပြန်လာတော့
အားပါးပါး ကျွန်မတို့ ရွာကလေးရဲ့ ကော်ဖီစာရိတ်တွေက အရမ်းကို ကြီးမားလာတာဘဲ။
ဒါဆိုရင်တော့ C.Money ခေါင်းစဉ်နဲ့မလိုက်ဖက်ဘူးလေဆိုပြီး
နံမည်အသစ်စဉ်းစားရပြန်တယ်။
Research & Development Expenses ဆိုပြီး လဘက်ရည်ဘိုးကြီးကြီးတွေကို
ထည့်ပစ်လိုက်ရတယ်။
ကဲ စာရင်းကိုင်အပေါင်းသူတော်ကောင်းတို့
အသင်တို့ရော ဘယ်လိုတွေ စာရင်းထည့်ကြပါလိမ့်။

မနေ့က ကျွန်မတို့ ကုမ္ပဏီနဲ့ဆက်သွယ်ရတဲ့အစိုးရဌာနတစ်ခုက ငွေရပြီဆိုလို့
စာရင်းကိုင်ကျွန်မ ချက်လက်မှတ်သွားယူပါတယ်။
အဲဒီဌာနကို ပထမဦးဆုံးသွားရတာဖြစ်ပြီး အတွင်းလူတစ်ယောက်က လိုက်ပို့ပါတယ်။
ငွေစာရင်းဌာန ဒု-ညွှန်ကြားရေးမှူး ဆိုတဲ့ အမျိုးသမီး ကျွန်မထက်အသက်နည်းနည်းဘဲကြီးပုံရတယ်
ရွယ်တူလားတောင်မသိနိုင်ပါဘူး သူတို့က အဟန့်ကောင်းတာကိုး။
ချက်ကိုလှမ်းယူလိုက်ချိန်မှာ ကျွန်မကို မေးခွန်းတစ်ခုမေးပါတယ်။
ဒီဌာနနဲ့ဆက်သွယ်တာ ပထမဦးဆုံးထင်တယ်တဲ့။
ကျွန်မက ယဉ်ယဉ်ကျေးကျေးဘဲ ဟုတ်ပါတယ်မမလို့ဖြေလိုက်ပါတယ်။
အဲဒီအချိန်မှာ ကျွန်မကို လိုက်ပို့တဲ့ သူတို့ဌာနအတွင်းလူက ကျွန်မပေါင်ကို လက်နဲ့တို့လိုက်ပါတယ်။
လုပ်သက်အနှစ် 20ကျော်လာတော့ သူဘာဆိုလိုတယ်ဆိုတာ ကျွန်မ သဘောပေါက်လိုက်ပါတယ်။
အော်နောစနော့ပေါ့
ဒါပေမဲ့ အပြင်မှာ ကြိုပြောထားရင်တော့ ကျွန်မတစ်ခုခု စီစဉ်ခဲ့မှာပေါ့
အခုတော့ ငွေပါလာပေမဲ့ စာအိတ်လဲမပါ နောက်ပြီး ကိုယ်နဲ့ရွယ်တူလောက်ရှိတယ်
ဘဏ္ဍာရေးဌာန ဒုညွှန်ကြားရေးမှူးကို ကျွန်မ ဘယ်လိုမျက်နှာနဲ့ပေးရမလဲ
မဆုံးဖြတ်နိုင်တာကြောင့် ကျေးဇူးတင်ကြောင်း နောက်လိုတာရှိရင် ကုမ္ပဏီကိုဖုံးဆက်ပါပြောပြီး
ကျွန်မထထွက်လာတာပေါ့။
အပြင်ကိုရောက်မှ သူတို့အတွင်းလူကို ဟောက်ရတယ်။
စောစောတုန်းကတော့ ကြိုမပြောဘဲနဲ့ အတွင်းခန်းရောက်မှ ဘယ်လိုဖြစ်တာတုန်းပေါ့။
ငါ့မှာစာအိတ်လဲ ပါမလာဘူးဆိုတော့
အစ်မရယ်တဲ့ အခြားလူတွေလည်း ဒီအတိုင်း စာအိတ်ထဲမထည့်ဘဲ ပေးနေတာဘဲတဲ့။
အော် ဟုတ်လားပေါ့။
ဘယ်လောက်ပေးရမှာတုန်းမေးတော့။
မြန်မာငွေ 5000 ကျပ်ပါတဲ့။
ကဲ တို့ရွာကလေးရဲ့ ဘဏ္ဍာရေး ဒုညွှန်မှူးမမတစ်ယောက်ကို ကျွန်မ ဘယ်လိုမျက်နှာမျိုးနဲ့
ငွေအလွတ်ပေးရပါ့မလဲ။
ပေးရမဲ့ကျွန်မ သတ္တိမရှိတာမို့ သူတို့အတွင်းလူကို ငါထမီတစ်ထည်လောက်ထွက်ဝယ်ပြီး
ပြန်လာပို့ပေးမယ်ပြောလိုက်မိပါတယ်။
ကျွန်မနဲ့အတူသူငယ်ချင်းတွေလည်း ဒုညွှန်မှူးတွေဖြစ်ကုန်တာမို့
ကျွန်မလည်း အစိုးရအလုပ်မှာ ဆက်လုပ်နေရင် စားဝတ်နေရေးနဲ့ မိသားစု တောင်းဆိုမှုတွေကြောင့်
ဒီလိုဘဲ အော်နောစနော့တွေကို မျက်နှာပြောင်တိုက်ပြီးလက်ခံနေရမှာလား။
တော်သေးတယ် ကံတရားက မျက်နှာသာပေးပေလို့ပေါ့။
အလုပ်ပိုလုပ်ရပေမဲ့ အပိုငွေမတောင်းရတဲ့ လစာနဲ့လောက်တဲ့ဘ၀မျိုးကို
ရောက်နေခဲ့လို့ပေါ့။
မဟုတ်ရင်တော့ အော်နောစနော့တွေနဲ့ကျွန်မလို ကြောက်တတ်ပုံနဲ့ဆိုရင်
အင်း.............

ရွှေစက်တော်သွားတောလား

အိမ်ကညီမ ဆွေမျိုးစုခေါင်းဆောင်က တပေါင်းလပြည့်နေ့ပိတ်ရက်မှာ ရွှေစက်တော်သွားကြမယ်တဲ့။
အဲဒါနဲ့အရင်အခေါက်တွေသွားခဲ့တာကို စိတ်က ပြန်လွမ်းသွားမိတယ်။
ပထမဦးဆုံးတစ်ခေါက်က ပုဂံကနေအပြန်မှာဝင်တာ။ 1995လောက်ကဖြစ်မယ်။
အသည်းထဲစွဲနေတာကတော့ ဆောင်းတွင်း ပုဂံတစ်ပတ်အအေးခံလာတာ ရွှေစက်တော်ရောက်မှဘဲ
လက်မြှောက်အရှုံးပေးလိုက်ရပါတယ်။
ချမ်းလွန်းလို့ တစ်ယောက်နဲ့တစ်ယောက်ဆေးတွေလိမ်းပေးလေ ပိုချမ်းလေနဲ့ တစ်ညလုံးမအိပ်ခဲ့ရဘူး။
တောတောင်ကြားထဲမှာရှိတာ စမ်းချောင်းကလေးဘေးမှာ နောက်ပြီး ၀ါးတဲလေးတွေမို့ လေတိုးတာ
အားပါးအေးချက်ကတော့ ကမ်းကုန်ပါဘဲ။
မြတ်စွာဘုရားခြေတော်ချခဲ့တဲ့နေရာမို့ အေးချမ်းမှုကတော့ အပြည့်ရှိပါတယ်။
စမ်းချောင်းကလေးရေက အေးပြီးကြည်စိမ့်နေတာပါဘဲ။
ညဘက်အထက်စက်တော်ရာကိုတက်ပြီး ကြည်ညိုရတာလဲ စိတ်ထဲမှာကျေနပ်မိတယ်။
ပထမတစ်ခေါက်က အလုပ်ခွင်က အဖွဲ့တွေနဲ့လေ။

ဒုတိယအခေါက်ကတော့ ဆွေမျိုးစုခေါင်းဆောင်က စီစဉ်တာပါ။
Mini Bus တစ်စီးငှားပြီး ညီမလုပ်သူရဲ့နှစ်ဖက်ဆွေမျိုးများနဲ့ပေါ့။
အိမ်က ဟင်းတွေချက်သွားပြီး လမ်းမှာ ထမင်းဝယ်စားတဲ့အစီအစဉ်ပေါ့။
အိမ်က မနက် 4နာရီမှာထွက်သွားတာ ပြည်ကို မနက်9နာရီကျော်လောက်ရောက်နေပြီ
ပြည်အင်းမဆိုင်မှာ ထမင်းဝင်ဝယ်ကြတာလေ။
နေ့ခင်း(11)နာရီလောက်မှ ကားကို လမ်းထိုးရပ်ပြီး လမ်းဘေးမှာ တာလဘတ်ခင်းစားကြတာ
အရမ်းကို စားကောင်းတာပါဘဲ။

ရွှေစက်တော်ကို ညနေ(3)နာရီလောက်မှာရောက်သွားတယ်။ အသွားကို ပြည်တဖက်ကမ်းဆင်တဲဘက်က
သွားတာလေ။
ရောက်တာနဲ့ နေပူထဲကလာတာပေမဲ့ အထုပ်ကလေးတွေအသာချပြီး စမ်းချောင်းလေးထဲ ရေဆင်းချိုးလိုက်ကြတာ
တူမလေးဆို နှုတ်ခမ်းတွေပြာမှဘဲ တက်လာတာတွေ့တော့တယ်။
ကျွန်မကတော့ အအေးမခံနိုင်သူမို့ စတိပေါ့
ခဏနေ ချမ်းလာတာဘဲ။

မနက်စောစောထတာရော ခရီးပမ်းတာရော မီးမှောင်တာရောနဲ့ ည(8)နာရီမထိုးခင်ကတည်းက
အိပ်နေလိုက်ကြတာ
ဒါပေမဲ့ ည(10)နာရီလဲကျော်နေရာ ချမ်းလွန်းလို့ ဘယ်သူမှ မအိပ်နိုင်တော့ဘူး မီးပုံလေးဘေးမှာ
အားလုံးငုတ်တုတ်ကလေးတွေလေ။ မိုးလင်းထိဘဲ။

မနက်ထမင်းစားပြီး မကွေးဘက်ကို ကူးလာခဲ့တာပေါ့။
အညာမှာ တည်းခိုခန်းတည်းရတာ ပုဂံလိုအဆင်မပြေတာမို့
မကွေးမြသလွန်ဘုရားစောင်းတန်းတစ်ခုကို အလှူငွေထည့်ပြီး တည်းပါတယ်။
ကျွန်မတို့က ကိုယ့်ကားနဲ့သွားရင် အိပ်ယာလိပ်က ပါနေကြမို့အဆင်ပြေတယ်လေ။
ဖျာလေးတွေငှားရုံပေါ့။
မှတ်မိတာကတော့ ညနေစာကို အထမ်းနဲ့လာရောင်းတဲ့ တို့ဖူးသုပ်ကို ပုတ်ပြတ်ဝယ်လိုက်တာပါဘဲ။

ညဘက်မှာ မြသလွန်ပေါ်ကနေ ဧရာဝတီမြစ်ကြီးကို ထိုင်ငေးနေမိတယ်။

နောက်နေ့မနက်မှာတော့ နံနက်စာစားပြီး ရန်ကုန်ပြန်ပေါ့။

အခုလည်းအဲဒီလမ်းကြောင်းအတိုင်းသွားကြမယ်ပြင်ဆင်နေလေရဲ့။

ကျွန်မလား ဒီနှစ်တော့ လိုက်ဖြစ်မယ်မထင်တော့ဘူး။
ကျန်းမာရေးသိပ်မကောင်းတာ
အပင်ပန်းမခံနိုင်တာ
လူတွေအများကြီးနဲ့မနေချင်တော့တာ
ပိတ်ရက်တွေမှာ စိတ်ရောလူပါနားချင်တာကြောင့်
ဆွေမျိုးစုခေါင်းဆောင်ကို တောင်းပန်ထားရပါတယ်။
ဒါပေမဲ့
အထွေထွေရန်ပုံငွေတော့ ထည့်ရပါလိမ့်မယ်။