so simple

ဒီနေ့ ကျွန်မရုံးက ဒါရိုက်တာနဲ့စာရင်းတစ်ခုကိစ္စဆွေးနွေးရင်း
သူမက ကျွန်မကို မှတ်ချက်ပေးပါတယ်။
Your thinking is so simple. တဲ့
အကောင်းမြင်စိတ်နဲ့တွေးမယ်ဆိုရင်တော့
မင်းအတွေးက သိပ်ရိုးတယ်ပေါ့လေ။
တဖက်က ပြန်တွေးရင် မင်းသိပ် အ တယ်ပေါ့။
လူကြီးဆိုတော့ ပြုံးပြီးပြန်ကြည့်ခဲ့ပါတယ်။
မြန်မာစကားမှာ ရိုးလွန်းတော့ အ တယ်လို့ရှိပါတယ်။
ဂျာနယ်ကျော်ဦးချစ်မောင်အကြောင်းကို ဖတ်ရတုန်းက
ဂုဏ်တွေထဲမှာ ရိုးဂုဏ်ကို အကြိုက်ဆုံးပါတဲ့။
သူ့ဘ၀တစ်လျှောက်လုံးမှာလဲ ရိုးရိုးလေးနေသွားတာကိုဖတ်ပြီး
အားကျခဲ့ဘူးပါတယ်။
ကျွန်မတို့အသက်တွေက 40 ကျော်တွေမို့
အတွေ့အကြုံတချို့ကိုဖြတ်သန်းရင်း
လှည့်ကွက်တွေကို သိခဲ့ရသလို ကိုယ်တိုင်လည်းမသိစိတ်နဲ့
လှည့်ကွက်တစ်ချို့လုပ်ခဲ့မိတာတွေရှိခဲ့ပါတယ်။
ကိုယ်လုပ်ရပ်တွေကို ပြန်စောင့်ကြည့်တတ်တဲ့အရွယ်က စပြီး
သိစိတ်နဲ့မလုပ်မိဘို့ အမြဲတမ်းကျိုးစားခဲ့ရပါတယ်။
တခါတလေမှာ အမှန်ဘက်က ရပ်ဘို့ကိုလည်းတော်တော်လေး
စဉ်းစားရခက်တာတွေ ကြုံခဲ့ရဘူးပါတယ်။
ကျွန်မတို့အရွယ်တွေမှာ လူတွေက ရိုးသားဘို့ကျိုးစားနေသူတွေနဲ့
ရိုးသားချင်ယောင်ဆောင်သူတွေ ဆိုပြီး
အုပ်စုနှစ်ခုသာရှိကြောင်း သူငယ်ချင်းတွေနဲ့ အပြင်းအထန်ဆွေးနွေးခဲ့ဘူးပါတယ်။
ကျွန်မကတော့ ရိုးသားဘို့ကျိုးစားနေပါတယ်လို့ အမြဲပြောခဲ့မိပါတယ်။
ရိုးသားပါတယ်လို့တော့ အာမရဲရဲခံနိုင်တဲ့ အခြေအနေကိုမရောက်သေးပါ။

ကျွန်မ ပထမဦးဆုံးစာရင်းကိုင်လုပ်ရတဲ့ဘ၀ကို ပြန်စဉ်းစားမိပါတယ်။
ဘ၀ စကတည်းက ပြောင်းပြန်ပါ။
စာရင်းကို သေချာမဆွဲတတ်ခင်ကတည်းက ပြောင်းပြန်စာရင်းနဲ့ စတင်ခဲ့ရပါတယ်။
စာရင်းမှာ နောက်ဆုံးမှ အရှုံးအမြတ်ဆိုတာဖြစ်လာပြီး လက်ကျန်ရှင်းတမ်းနဲ့ပိတ်သွားတာ
စာရင်းကိုင်လုပ်သူတိုင်းသိပါတယ်။
ကျွန်မအဖြစ်က အမြတ်ကစဆွဲရတဲ့အဖြစ်ပါ။
ဒီနေ့ အမြတ် ဘယ်လောက်ပြမယ်လို့ ဆိုင်မန်နေဂျာရဲ့အဆုံးအဖြတ်ကို မူတည်ပြီး
Sales/Purchase/Costing ကို ပြန်တွက်ခဲ့ရတဲ့ အစိုးရဌာနတစ်ခုပါ။

နောက်ပြီး ကျွန်မစာရင်းကိုင်လုပ်သက် 20ကျော်အတွင်းမှာ
Myanmar Company လောကရဲ့ ထုံးစံအတိုင်း
Actural
Audit
Bank Loan
MICB.............etc
ဆိုပြီး လုပ်ငန်းတစ်ခုတည်းအတွက် စာရင်းပေါင်းများစွာပေးခဲ့ရဘူးပါတယ်။

တနေ့တည်းမှာ Audit နဲ့ Bank Loan အတွက် သွားရတဲ့နေ့ဆိုရင်
စိတ်ထဲမှာ ရီချင်နေပါတယ်။
Audit အခွန်နည်းအောင် အရှုံးပြပြီး။
Bank Loan ရအောင် အမြတ်ပြရတာမို့။
အင်း................Your thinking is so simple ဖြစ်အောင်
ကျွန်မ ဘယ်လောက်ကျိုးစားထားရတယ်ဆိုတာ...............

အခန်းငယ်များ

ကျွန်မဘ၀မှာ အခန်းငယ်ကလေးများမှာ နေခဲ့ရပါတယ်။
1984-ပထမဦးဆုံးအခန်းကတော့ စီးပွားရေးတက္ကသိုလ်စတက်တော့
RC2 ၀န်းထဲက ကံကော်ဆောင် အခန်း(24)ပါ။
မြေညီထပ်မှာဖြစ်ပြီး အ၀င်လမ်းဘက်ကို မျက်နှာပြုထားတဲ့အခန်းပါ။
တစ်ယောက်ခန်းအဖြစ်ဖွဲ့စည်းထားပေမဲ့ နေခွင့်ပေးတဲ့လူတွေများနေလို့
(2)ယောက်တခန်းနေရပါတယ်။
ကုတင်(2)လုံးချထားပြီးရင် လူသွားလမ်းကလေးဘဲ ကျန်တော့တာမို့
ကျွန်မတို့ရဲ့သေတ္တာတွေထားဘို့ ကုတင်တွေကို အုတ်ခဲ(3)ခုလောက် ဆင့်ထားရလို့
အဆင့်အတန်းမြင့်မြင့်ကလေး အိပ်ခဲ့ရပါတယ်။
ဒုတိယနှစ်၊တတိယနှစ်တွေကိုလည်း ကံကော်ဆောင်မှာလဲ ဆက်နေရပြီး အခန်းတွေသာပြောင်းခဲ့ရပါတယ်။
တတိယနှစ်မှာတော့ တစ်ယောက်တခန်းနေခွင့်ရလို့ ကျောင်းဆောင်နေခဲ့ရတဲ့သက်တမ်းမှာ အပျော်ဆုံးပါဘဲ။
နောက်ကျွန်မတတိယနှစ်အခန်းက တတိယထပ်မှာရှိပြီး အေးတဲ့နောက်ဘက်အခန်းမို့
အမြဲတမ်းတိတ်ဆိတ်နေခဲ့ပါတယ်။
1987-နောက်ဆုံးနှစ်မှာတော့ မာလာဆောင် ကိုပြောင်းခဲ့ရပြီး မာလာတစ်ဆောင်လုံး နောက်ဆုံးနှစ်ကျောင်းသူတွေချည်းမို့
လူရည်လည်နေတဲ့မမများနဲ့ အမြဲဆူညံနေပါတော့တယ်။

ကျောင်းပြီးလို့ အိမ်ပြန်ရတော့ လွတ်လပ်တဲ့အခန်းငယ်တွေနဲ့ခဏဝေးခဲ့ပြန်ပါတယ်။
သိပ်မကြာပါဘူး 1991-ကျွန်မအလုပ်ဝင်တော့ ကျွန်မမိဘတွေ အိမ်ဖျက်ရတာနဲ့ ကျွန်မတို့မြို့က
အပြင်ဆောင်ကလေးကိုရောက်သွားရပြန်ပါတယ်။
အစိုးရကျောင်းဆောင်တွေမှာ ကျပ်ပေမဲ့ လေ၀င်လေထွက်ကောင်းကောင်းနဲ့နေခဲ့ရပေမဲ့
ရွေးချယ်ခွင့်မရတဲ့အခြေအနေအရ ကျွန်မနေခဲ့ရတဲ့အပြင်ဆောင်က ပြတင်းပေါက်မရှိပါဘူး။
အ၀င်အထွက်တစ်ပေါက်သာရှိပြီး။
အခန်းတွေကို သုံးထပ်သားနဲ့ကာထားပါတယ်။
မှတ်မှတ်ရရ ကျွန်မနဲ့ကပ်ရက်အခန်းက နယ်ကနေ အထက်တန်းကျောင်းလာတက်တဲ့
ညီအစ်မနှစ်ယောက်ဖြစ်ပြီး သူတို့က အချိန်အခါမရှိ စာကျတ်သံတွေက
အမြဲတမ်း အိပ်ရေးမ၀ ဖြစ်ခဲ့ရပါတယ်။

1992-ကျွန်မနောက်ထပ်ပြောင်းနေဖြစ်တဲ့အခန်းကလေးကတော့
ကျွန်မအမေသူငယ်ချင်း အပျိုကြီးငှားထားတဲ့ အခန်းကလေးပါ။
အိမ်ကြီးရဲ့အောက်ထပ်ကို အခန်းသုံးခန်းခွဲကန့်ထားပြီး
ကျွန်မတို့က ခေါင်းရင်းဆုံးအခန်းမှာ နေခဲ့ရပါတယ်။
ကျွန်မအဲဒီအိမ်မှာ စိတ်ကြိုက်ချက်စားခွင့်ရခဲ့ပြီး
အမေ့သူငယ်ချင်းအပျိုကြီးရဲ့ အပြုအမူတွေကိုမသိစိတ်က အတုယူထားလို့ထင်ပါရဲ့
အခုကျွန်မ အသက်ကြီးလာတဲ့အချိန်မှာလည်း သူ့တုန်းကလို ပြုမူနေထိုင်တတ်လာတာတွေကို
အံသြတကြီးတွေ့နေရပါတယ်။
အဲဒီခေတ်က ကျွတ်ကျွတ်အိတ်တွေပေါ်ခါစဖြစ်ပြီး သုံးပြီးရင် ဆပ်ပြာနဲ့သေချာဆေးပြီး
နောက်တစ်ခေါက်ထပ်သုံးနိုင်အောင် နေလှန်းပြီးသပ်သပ်ယပ်ယပ်ခေါက်ထားတတ်ပါတယ်။
သူဆေးနေချိန်မှာ ကျွန်မက အော် သုံးပြီးလွင့်ပစ်လိုက် နောက်ထပ်ဝယ်တာပေါ့လို့
စိတ်ထဲက ပြောမိပေမဲ့ ကျွန်မအရေးပေါ်ထည့်စရာလိုရင် သူ့ခြင်းတောင်းထဲက
အိတ်ကလေးတွေ ထုတ်ပေးတာကို ကျွန်မ ယူသုံးခဲ့ပါတယ်။
အခု ကျွတ်ကျွတ်အိတ်တွေကို ရှုပ်လို့စုပြီးလွင့်ပစ်တဲ့အခါတိုင်း
သူ့မျက်နှာကို ပြန်မြင်လာပါတယ်။

နောက် 1993-ကျွန်မပြည်သစ်လုပ်ငန်းကိုဝင်တော့လည်း အဆင့်တူတွေမှာ မိသားစုရှိရင် လုံးချင်းအိမ်ရပေမဲ့
တကိုယ်တည်းကျွန်မကတော့ အခန်းငယ်ကလေးနဲ့ ထပ်တိုးရပါတယ်။
အဲဒီအခန်းလေးက တောအိမ်ခန်းလေးပေမဲ့ ကျွန်မတော်တော်လေး နှစ်သက်ခဲ့ပါတယ်။
ကျွန်မကို စောင့်ရှောက်ခဲ့တဲ့အခန်းနီးချင်းတွေကိုလည်း မမေ့ခဲ့ပါဘူး။ ကျွန်မအခန်းနဲ့ကပ်ရက်က
စာရေးကြီးမိသားစုနေပြီး ကျောင်းနေတဲ့ကလေးကများလို့ နေ့တိုင်းနီးပါး မနက်ခရမ်းချဉ်သီးငပိချက်
ညဘက်မှာ အကြော်(သို့) လဖက်သုပ်နဲ့စားတဲ့အသံတွေကို အမြဲကြားနေရပြီး
တခါတလေ အမဲသားအရွတ်ကလေးတွေကို ချက်တဲ့နေ့ဆို တအိမ်လုံးဆူညံနေတတ်ပါတယ်။
ကျွန်မကတော့ ရုံးနဲ့နီးတဲ့ဆိုင်က မနက်စာ ထမင်းဝင်စားပြီး
ညဘက်တွေမှာ မြို့ထဲက ကြက်သားဆန်ပြုတ်ဝယ်သောက်လိုက်ပါတယ်။
တချို့ညတွေမှာတော့ ဆာလာရင် ရထားဝင်ချိန် ပြည်မြို့သစ်ဘူတာမှာ
လာရောင်းတဲ့ ပြောင်းဖူးပြုတ်ကို ၀ယ်စားဖြစ်ပါတယ်။

အဲဒီလို အခန်းပေါင်းများစွာကို ကျော်ဖြတ်ပြီးချိန်မှာတော့
ကျွန်မဒီကျွန်းကလေးကို တစ်ကျွန်းကျလာပါတယ်။
ကျွန်းမှာတစ်ကျွန်းကျသလို အလုပ်မှာလဲ တကယ်ကို တိုက်ပိတ်ခံရတဲ့အဖြစ်ပါ။
ကျွန်မအလုပ်နေရာက 15ပေ ပတ်လည်လောက်ရှိတဲ့ အုတ်လေးဘက်အခန်းပါ။
အပြင်ကို လုံးဝမမြင်ရပါဘူး။ aircon ကြောင့်သာ အသက်ရှုလို့ရတဲ့နေရာမျိုးပါ။
နောက်ပြီး Camera တပ်ထားတော့ ရောက်ခါစမှာ တော်တော်လေး စိတ်ကျဉ်းကျပ်ခဲ့ရပါတယ်။
နောက်ပြီးတစ်ခန်းထဲအတူထိုင်ရတဲ့ china ကလာတဲ့ တရုတ်နဲ့ တရုတ်မလေးက
အင်္ဂလိပ်စကားမပြောတတ်သလို တရုတ်ဆက်ဆံရေးဆိုတာ သိတဲ့အတိုင်း ခပ်ရိုင်းရိုင်းမို့
အလုပ်ကိစ္စကလွဲရင် တစ်ယောက်နဲ့တစ်ယောက် ကြည့်ကို မကြည့်ဖြစ်သလောက်ပါ။
သူတို့ကလည်း internet ကိုသာ စိတ်ဝင်စားပြီး
တခန်းလုံး key board ရိုက်သံလောက်သာ အသံထွက်တတ်တာမို့
အေးစက်ခြောက်သွေ့နေတဲ့အခန်းလေးတစ်ခုပါ။
ရောက်ခါစနေ့ရက်တွေတုန်းက စိတ်ထဲမှာ မွမ်းကျပ်ပြီး
ဘ၀အဓိပါယ်မဲ့သလိုတောင် ခံစားရခဲ့ရပါတယ်။
အခုတော့ ကျွန်မရဲ့အချိန်နဲ့လုပ်အားကို ငွေနဲ့လဲလှယ်ရင်း
နည်းနည်းတော့ စိတ်ဖြေလာနိုင်ခဲ့ပါတယ်။
ဒါပေမဲ့ ကျွန်မတချိန်ချိန်မှာတော့ ဒီအခန်းကလေးထဲက ထွက်သွားနိုင်မှာပါလို့
အားတင်းရင်း....................

စာအုပ်များ

ကျွန်မဘ၀မှာ စာအုပ်တွေက အရေးအပါဆုံးဖြစ်ခဲ့ပါတယ်။
ပထမဦးဆုံးမှတ်မိတာ 12နှစ်လောက်မှာ ဖတ်ခဲ့တဲ့စာအုပ်က ထင်လင်း ဘာသာပြန်တဲ့ ပေါ်လီယာနာ ဆိုတဲ့ စာအုပ်ပါ။ မေတ္တာရှင်မလေးငြိမ်းငြိမ်းအိ ဆိုပြီး မြန်မာရုပ်ရှင်ရှိပြီး အင်္ဂလန်စိန်အကယ်ဒမီရတဲ့ကား ဖြစ်ပါတယ်။
အသက်ငယ်တာရော နောက်ကျွန်မငယ်ငယ်က လောကကို အကောင်းမြင်စိတ်နည်းတာကြောင့် ပေါ်လီယာနာကို မကြိုက်ခဲ့ပါဘူး။ အသက်ကြီးလာတော့မှ အကောင်းမြင်စိတ်ဆိုတာကို နားလည်လက်ခံလာခဲ့ပါတယ်။
(10)တန်းဖြေပြီးကျောင်းပိတ်ထားချိန်မှာတော့ ခင်ဆွေဦး စာအုပ်တွေဖတ်ပြီး မှန်တာကို လုပ်ဘို့
ရဲဝံခဲ့သလို တခါတလေ မမှန်တာလုပ်တယ်လို့ ထင်ရတဲ့ သူတွေအပေါ်မှာ မထီမဲ့မြင်လုပ်ချင်စိတ်တောင် ပေါက်လာခဲ့ဘူးပါတယ်။ ငြိမ်းကျော် နဲ့ မောင်သာပြည့်တွေ ဖတ်ပြီးတော့လည်း တက္ကသိုလ်မတက်ရသေးခင်မှာ စိတ်ကူးတွေလည်း ယဉ်ခဲ့ဘူးပါတယ်။
တက္ကသိုလ်အဆောင်မှာနေတော့ စာဖတ်တဲ့ သူငယ်ချင်းတွေနဲ့ပေါင်းပြီး မြေညီကုန်း စာအုပ်ဆိုင် တဲကလေးတွေကို အပတ်တိုင်းနီးပါး စာအုပ်ရှာ ထွက်ခဲ့ရပြီး။ စာအုပ်ထဲက ဇတ်ကောင်တွေက အပြင်ရောက်လာတဲ့အတိုင်း အားရပါးရ လေတွေအကုန်ခံပြီး တစ်ယောက်နဲ့တစ်ယောက် ထသတ်တော့မဲ့အတိုင်း ဆွေးနွေးခဲ့ကြဘူးပါတယ်။
မိုးမိုးအင်းလျား ရဲ့ မှတဆင့် ကို ကြိုက်ခဲ့သလို
စမ်းစမ်းနွဲ့(သာယာဝတီ) ရဲ့ မဟူရာအကျဉ်းထောင် ကိုလည်း ကြိုက်ခဲ့ပါတယ်။
အဲဒီစာအုပ်တွေက ဘ၀အဖော်မွန်ဆိုတာကို
မယုံကြည်စေခဲ့တာကြောင့်လားမသိ
အခုထိအဖော်မရှိဘဲ တစ်ယောက်တည်း လျှောက်ဖြစ်ခဲ့ပါတယ်။
ကျွန်မတို့ တက္ကသိုလ်နောက်ဆုံးနှစ် မာလာဆောင်မှာ နေရတုန်းမှ ဂျုး ရဲ့ အမှတ်တရ ကို မဂ္ဂဇင်းတစ်ခုမှာ အခန်းဆက်စ ဖတ်ခဲ့ရတာပါ။ ရည်းစားရှိတဲ့လူတော်တော်များများက ဝေဖန်နိုင်ပေမဲ့ ကျွန်မတို့အုပ်စုမှာ ရီးစားမရှိတဲ့လူကများနေလို့ သိပ်လေမကန်ဖြစ်ခဲ့ပေမဲ့ ကြိုက်ခဲ့ပါတယ်။
အသက်က 20နှစ်ကိုး။
နောက်ထပ်အမှတ်ရလာတာက
ဂျုး ရဲ့ မြစ်တို့၏မာယာ စာအုပ်ပါ။
အ၀တ်အစားအသုံးအဆောင်တွေကို
ဝယ်ရမှာနှမျောပေမဲ့ ကျွန်မက စာအုပ်ဝယ်ဘို့ကိုတော့ ဘယ်တုန်းကမှ နှစ်ခါမစဉ်းစားခဲ့ပါဘူး။ မှတ်မိသေးတယ် ဂျူးစာအုပ်ကြော်ငြာကို သတင်းစာထဲ တွေ့တော့ ကျွန်မတို့မြို့က တခုတည်းသော သဇင်စာအုပ်ဆိုင်က ချန်ထားဘို့ မှာထားပြီး နေ့တိုင်း ရုံးကအပြန် စက်ဘီးကလေးနဲ့သွားမေးရတာ မောနေတာပါဘဲ။ စာအုပ်ရလာတဲ့နေ့မှာ ကျွန်မနဲ့အတူ အိမ်ငှားနေတဲ့အဖော်က သူ့မြို့ကို ပြန်သွားလို့ ပိုပြီးလွတ်လပ်နေတဲ့အခန်းထဲမှာ ညတစ်နာရီအထိ စိတ်ရှည်လက်ရှည် အိပ်ဖတ်နေဖြစ်ခဲ့တယ်။
ကိုမိုးဝေ၊မကေသီဆိုတဲ့ ဇတ်ကောင်တွေထက် ကျွန်မကတော့ ပုဂံကို မရောက်ဖူးသေးလို့ အရမ်းကို သွားချင်စိတ်ဖြစ် လာခဲ့ပါတယ်။ နောက်နေ့မှာ ဦးမောင်မောင်ကြီးရဲ့ ပုဂံဘုရားများဆိုတဲ့
စာအုပ်ကိုဝယ်ပြီး စိတ်ကူးနဲ့ အရင်သွားပစ်လိုက်ပါတယ်။
နောက်ပိုင်းအခွင့်အရေးရလာတဲ့အခါမှာတော့ ပုဂံကို စိတ်အေးလက်အေးကို သွားပစ်လိုက်ပြီး ထပ်ခါထပ်ခါသွားချင်စိတ်လည်း အခုထိရှိနေတုန်းပါ။
ကျွန်မက ရောဂါထူတဲ့လူမို့ လျှောက်သွားတာထက် အိပ်ယာထဲမှာ စာဖတ်တာကို ပိုလုပ်ဖြစ်ခဲ့ပါတယ်။
ကျွန်မနဲ့ခင်တဲ့ ဆရာဝန်အစ်မတစ်ယောက်က ကျွန်မဗိုက်အောင့်တာကို စမ်းသပ်ပြီး အူအတက်ယောင်တာ ဖြစ်နိုင်တယ်။
သူလဲ ဆေးရုံမှာ ဂျူတီကျနေတာမို့ ဆေးရုံလာတက်နေပြီး အစာမစားဘဲ ဆေးသွင်းထားလို့ပြောချိန်မှာ ခဏဆိုပြီး စာအုပ်ဆိုင်မှာ စာအုပ်တစ်အုပ် သွားဝယ်ဖြစ်ခဲ့ပါတယ်။ ကျော်စွာထက် ရဲ့ ၀ထ္တုတိုများ ပါ။ တိုက်ဆိုင်ပုံများတော့ သူ့စာအုပ်တခုလုံးက သေခြင်းတရားအကြောင်းကို ထောင့်စုံက ခံစားမှုပေါင်းစုံနဲ့ရေးထားတာမို့ ကိုယ့်ထက်အဖြစ်ဆိုးတဲ့လူတွေရဲ့ ဘ၀ကို ဆေးရုံပေါ်မှာ အေးအေးဆေးဆေး ဖတ်ခွင့်ရပြီး ငါအခုဖြစ်နေတာ နည်းနည်းလေးပါလို့
အားတင်းနိုင်ခဲ့ပါတယ်။ နောက် ပြည်ကို ရောက်တော့လည်း အခြားဆိုင်တွေထက် စာအုပ်အငှားဆိုင်တွေကို အရင် မိတ်ဖွဲ့ဖြစ်ခဲ့ပါတယ်။ ပြည်မှာနေခဲ့စဉ် ဖတ်ခဲ့ရတဲ့ စာအုပ်တွေထဲမှာ ၀င်းဝင်းလတ် ရဲ့ အချစ်ရဲ့နောက်ဆက်တွဲစာမျက်နှာများ က အခုထိ ရင်ထဲမှာ ရှိနေခဲ့ပါတယ်။ သူ့စာအုပ်လုံးချင်းထွက်တော့ ပြည်မှာ အတူ ဖတ်ခဲ့တဲ့ သူငယ်ချင်းမွေးနေ့မှာ လက်ဆောင်ဝယ် ပေးဖြစ်ခဲ့ပါတယ်။
နောက် နေ၀င်းမြင့် ပုဇင်းရင်ကွဲ ၀ထ္တုတို များကိုလည်းကြိုက်ခဲ့ပါတယ်။
နေ၀င်းမြင့်ဆိုရင် နက်စ်ကော်ဖီ ဆိုတဲ့ ၀ထ္တုတိုကို
အကြိုက်ဆုံးပါ။
ကော်ဖီသိပ်ကြိုက်တဲ့တောသားတစ်ယောက်
ချန်ထွန်းအောင် တဲ့
တောကော်ဖီလေးသောက်နေရတဲ့ဘ၀ကနေ
မြို့ကလူတွေလာလို့ နက်စ်ကော်ဖီကို သောက်ခွင့်ရပြီး
နောက်ပိုင်း တောကဖျော်တဲ့ကော်ဖီကို မသောက်နိုင်တော့ဘဲ နက်စ်ကော်ဖီကို တမ်းတရင်း
သေတဲ့ဘ၀ကိုရောက်သွားရတဲ့အကြောင်းပါ။
နောက်ကွယ်မှာ မဖော်ထားတဲ့အကြောင်းတွေ အများကြီး မြင်ခွင့်ရသွားပါတယ်။
အသက်(30)မှာ ရန်ကုန်ပြန်ရောက်ပြီး အစိုးရအလုပ်က ထွက်ခါစ အပြင်အလုပ်နဲ့လဲ အထာမကျသေးခင်မှာ စိတ်ရှုပ်တိုင်း စာပေလောက ဆိုင်ကိုရောက်ခဲ့ပါတယ်။ ရန်ကုန်ရောက်ရောက်ချင်း ၀ယ်ဖြစ်တဲ့ စာအုပ်တွေက ဦးဇောတိက ရဲ့ အရှုပ်ထဲမှာ ရှင်းအောင်နေ
ခင်မာလာကြာဖြူ ရဲ့ သမိုင်းမှထွက်ပြေးခြင်း
ကိုတာ ရဲ့ ရယ်ရွှင်ဖွယ်နဲ့ အခြား
စိတ်ရှုပ်ထွေးပြီးထွက်ပြေးချင်တာရော ရယ်ချင်တာရော အဲဒီစိတ်ခံစားမှုတွေနဲ့ ၀ယ်ဖြစ်ခဲ့တာထင်ပါတယ်။
ဒါပေမဲ့ အဲဒီစာအုပ်တွေက လက်တွေ့ဘ၀မှာ အများကြီး အထောက်အကူဖြစ်ခဲ့ပါတယ်။
ဆရာတော် ဦးဇောတိက ကျေးဇူးကြောင့် ရှုပ်ထွေးပွေလီ နေတဲ့ လောကထဲမှာ ခပ်အေးအေး (အများအားဖြင့်) ရပ်တည်နိုင်ခဲ့ပါတယ်။ တခါတလေမှာတော့ ပူပူလောင်လောင်ပေါ့။
ခင်မာလာကြာဖြူ ကြောင့် ထွက်မပြေးဖြစ်ဘဲ လောကကို အမှန်အတိုင်းမြင်လာပါတယ်။
ခင်မာလာကြာဖြူ လို့ နံမည်လှလှလေးပေးထားလို့ ခပ်ငယ်ငယ် စာရေးဆရာမလို့ ထင်ရင်တော့ မှားပါလိမ့်မယ်။ သူက အသက် 60ပတ်ဝန်းကျင် လောက်ရှိတဲ့ ဆရာဝန်စာရေးဆရာတစ်ယောက်ပါ။
သူ့ရဲ့လောကအပေါ်မြင်တဲ့ အမြင်တွေကလည်း ကျွန်မရန်ကုန်ရောက်ခါစမှာ ရပ်တည်ဘို့ အင်အားတွေ ဖြစ်စေခဲ့ပါတယ်။ နောက်ပိုင်းသူငယ်ချင်းမွေးနေ့တွေမှာ အဲဒီစာအုပ်ကို လက်ဆောင်ပေးလေ့ရှိခဲ့ပေမဲ့ သူတို့တွေဆီက ဘာမှ တုန့်ပြန်သံကို မကြားရတဲ့အခါ အော် ငါ့လိုကြောင်တာ ငါတစ်ယောက်ထဲထင်ပါရဲ့လို့ တွေးခဲ့မိပေမဲ့။ ကိုယ့်ခံနိုင်ရည် မြင့်လာတယ်လို့ ယုံကြည်တဲ့အတွက် ဆက်လျှောက်နေဆဲပါ။
ကိုတာ ကိုရယ်ချင်လို့ ၀ယ်ခဲ့ပေမဲ့ သူက အတည် စဉ်းစားစရာတွေကို ပေါ့ပေါ့ပါးပါးပေးတဲ့အတွက် အခုထိ သူ့စာအုပ်တွေကို ဆက်ဖတ်နေဖြစ်ခဲ့ပါတယ်။ သူလဲ ဆရာဝန်တစ်ယောက်ဖြစ်ပြီး တောင်ရောက်မြောက်ရောက်ဆရာဝန် လို့စာအုပ်ထွက်လာချိန်မှာ အဲဒါကို ဖတ်ပြီး ငါလဲ လုပ်သက်အနှစ်(20)ကျော်မှာ တောင်ရောက်မြောက်ရောက်စာရင်းကိုင် လို့ တနေ့ရေးမယ် စိတ်ကူးခဲ့ပါတယ်။ နောက်ပြီး ကျွန်မတို့အခြေအနေအရ ကျွန်မနဲ့ balance sheet များ ဆိုပြီး လုပ်ငန်းတစ်ခုထဲကို ရှုထောင့်မျိုးစုံကစာရင်း ပေါင်းစုံဆွဲခဲ့ရတဲ့ တကယ့်အဖြစ်ကို ရေးမယ်လို့လဲ အားခဲထားခဲ့ပါတယ်။
ဒီမိုကရေစီရခဲ့ရင်ပေါ့။
တခါတလေ ချောင်ပိတ်မိတဲ့ အခါတိုင်း အမှတ်ရလာတဲ့ စာအုပ်ကတော့ ဖေမြင့် ဘာသာပြန်တဲ့ လူနာဆောင်အမှတ်ခြောက် ပါ။
ကျွန်မ ဘန်ကောက်ကို သင်တန်းသွားရမယ်ဆိုတော့
ဝယ်သွားဖြစ်တဲ့ စာအုပ်က ဖေမြင့် ရဲ့
အလုပ်နဲ့ဘ၀ကိုတည်ဆောက်ခြင်းပါ။
ဖေမြင့် တက်ကျမ်း စာအုပ်တွေကို အသက် 30 ကျော်လောက်မှ ကြိုက်ခဲ့ဖူးပါတယ်။ အခုလို အသက် 40ကျော်လာတော့ အော်ပီကျယ်ရဲ့ ကျကျမ်း ကာတွန်း တွေကို ပိုကြိုက်လာပါတော့တယ်။
ကာတွန်းဇော်မောင် ရဲ့ အမှားများ ကိုလည်းကြိုက်တတ် လာပါတယ်။ ဘ၀မှာကြာလာတာနဲ့ အမျှအမှားတွေ မတော်မတည့်တာတွေက ပိုများလာလို့ထင်ပါတယ်။
မှတ်မှတ်ရရ ဒေါက်တာမတင်ဝင်းစာအုပ်တွေ ဖတ်ဖြစ်တုန်းက သူ့စာအုပ်ထဲမှာ ဦးထင်လင်းကျော် ဆိုတဲ့သူရဲ့စကားတစ်ခုကိုလည်း ကြိုက်ခဲ့ဘူးပါတယ်။
ဘ၀က ပင်ပေါင်ကစားပွဲနဲ့တူတယ်တဲ့ ။ အမှတ်ပေးပုံက ကိုယ်မှန်ရင် ကိုယ်အမှတ်တက်လာသလို တဖက်လူမှားရင်လည်း ကိုယ်အမှတ်တက်လာပါတယ်တဲ့။
အဲဒီလိုသာဆိုရင်တော့ လူ့ဘ၀က တော်တော်လေး နေပျော်စရာကောင်းမယ်လို့ထင်ပါတယ်။ အကြောင်းတိုက်ဆိုင်စွာ ဦးထင်လင်းကျော်ကို ကျွန်မအလုပ်အတွက်သွားရတဲ့အခွန်ရုံးမှာ သိလိုက်ရတော့ သူ့ကို ကိုယ်တိုင်ဆွေးနွေးခွင့်ရသွား ပါတယ်။ သူကသူ့စကားအတိုင်း လောကမှာရပ်တည်ဘို့ ကျိုးစားနေတဲ့သူတစ်ယောက်ဆိုတာ သိခဲ့ရလို့
လူတွေထဲမှာ အပြောနဲ့အလုပ်ညီတဲ့လူတွေရှိနေ ပါသေးတယ်လို့ အားရှိသွားပါတယ်။
ကျွန်မဒီကျွန်းကလေးကို လာမယ်ဆိုတော့ ဘာစာအုပ်ယူသွားရင်ကောင်းမလဲပေါ့။ တကယ်ယူလာဖြစ်တာတော့ ဦးဇောတိက စာအုပ်ပါ။
အခုအသက်ကြီးလာတော့ မျက်စိမကောင်းတာ နေ့ခင်းရုံးမှာ အင်တာနက်က ယူဖတ်တာတွေကြောင့် စာအုပ်တွေနဲ့ ခဏဝေးနေခဲပေမဲ့ စာအုပ်တွေကသာ ကျွန်မရဲ့ တကယ့်အဖော်တွေပါ။
ပိုတ်ဆံ ဘယ်လောက်စုမိတယ်လို့ မပြောနိုင်ပေမဲ့ ကျွန်မမှာ စာအုပ် 200ကျော်လောက်
ရှိပါတယ်လို့တော့ ပြောနိုင်ပါတယ်။
ကျွန်မ သေတော့မလားမသိဘူးဆိုပြီး ဆေးစစ်ချက်အဖြေတစ်ခုကို စောင့်နေချိန်မှာ
တကယ်လို့များ ကျွန်မသေသွားရင် ဒီစာအုပ်တွေ ဘာလုပ်ရမလဲလို့ ပူပင်ခဲ့ဘူးပါတယ်။
နောက်ဆုံးတော့ နေမကောင်းတဲ့ကြား၊ပိုတ်ဆံကိုချွေတာနေရတဲ့ကြားက
စာအုပ်တွေကို သေသေချာချာချုပ်ပြီး
ကျွန်မရဲ့ တစ်ဦးတည်းသောတူလေး ဖိုးရှုပ်က
စာဖတ်ဝါသနာပါလို့ သူ့ကိုပေးမယ်လို့ စိတ်ထဲမှာ လျာထားခဲ့ဘူးပါတယ်။
ဒါပေမဲ့ အကြောင်းကြောင်းတွေကြောင့် ကျွန်မစာအုပ်တွေနဲ့ ဝေးရာမှာ ရောက်နေပြီး စာအုပ်တွေကလည်း အခုလောက်ဆို............

ပိုင်ရာ ဆိုင်ရာ

လူ့လောကကြီးမှာ ရုပ်ပိုင်းဆိုင်ရာတွေ ဘယ်လောက်ဘဲတိုးတက်သည် ဖြစ်စေ
သက်သေမပြနိုင်တဲ့ နာမ်ပိုင်းတွေကလည်း ပျောက်မသွားဘဲ
ဆက်လက်ရှင်သန်နေတယ်ဆိုတာ ကျွန်မတို့ မြင်တွေ့နေရမှာ ဖြစ်ပါတယ်။
ကျွန်မဒီကျွန်းကို ရောက်ပြီးနောက်နေ့မှာ သူငယ်ချင်းက
မြန်မာဘုန်းကြီးကျောင်း၊ကွမ်ရင်မယ်တော်ကျောင်း၊ ကာလီမယ်တော်ကျောင်းတွေကို
လိုက်ပို့ပါတယ်။ လူတွေအများကြီး အမွှေးတိုင်၊ပန်းတွေနဲ့ ဆုတောင်းနေကြတာကို တွေ့ခဲ့ရပါတယ်။
ဆုတောင်းတာကို အကောင်းဘက်က လှည့်စဉ်းစားကြည့်ရင် ရည်မှန်းချက်ခိုင်ခိုင်မာမာ ချတဲ့သဘောလို့
ယူဆလိုက်ပါတယ်။ ဖြစ်အောင်လုပ်ဘို့ကတော့ ကံ၊ဥာဏ်၊၀ိရိယ (3)ခု မျှမှ အကြောင်းတစ်ခု
အောင်မြင်မယ်လို့လည်း ယုံကြည်နေဆဲပါ။

ကျွန်မရောက်ခဲ့တဲ့ ပြည်မြို့က တော်တော်လေးထူးဆန်းတာတွေ တွေ့ခဲ့ရပါတယ်။
ဘိုးဘိုးအောင် ထွက်ရပ်ပေါက်တဲ့ မြို့လိုလဲ သမိုင်းမှာ အထောက်အထားတွေရှိခဲ့ပါတယ်။
ကျွန်မအလုပ်မှာ ရန်ကုန်နဲ့ ပဲခူးတိုင်းရုံးက စာရင်းစစ်ဝင်တိုင်း အိမ်ရှင်ရဲ့ လောက၀တ်အရရော
စာရင်းတွေ မေးနေတာထက်စာရင် အပြင်လိုက်ပို့ရတာ ပိုကောင်းတာကြောင့်ပါ
သူတို့သွားချင်တဲ့နေရာတွေ အကုန်လိုက်ပို့ခဲ့ပါတယ်။

သူတို့ကလည်း စာရင်းစစ်လောကမှာ ဘယ်လောက်ကျွမ်းကျင်တယ်မသိရပေမဲ့
မြို့တစ်မြို့ကို စာရင်းစစ်သွားမယ်ဆိုရင် အဲဒီမြို့ကို တော်တော်လေးနှံစပ်အောင်
လေ့လာခဲ့ပြီးမှ လာခဲ့တဲ့သူတွေချည်းပါဘဲ။
စားသင့်တဲ့ဆိုင် သွားသင့်တဲ့နေရာပေါ့။
ကျွန်မကတော့ တခါတလေ စိတ်ချဉ်ပေါက်ရင် ပြောလေ့ရှိပါတယ်။
စာရင်းစစ်လာလို့လိုက်ပို့ရတာ ပြည်မှ အုတ်ပုံတောင် ဘုရားမှတ်ပြီး သွားချင်တာလို့လေ။
တကယ်တော့ သူတို့ကို ကျေးဇူးတင်ရမှာပါ။ ကျွန်မလည်း နေရာ အနှံရောက်ဖူးသွားတာပေါ့။
ပြည်ကို ဗဟိုပြုပြီး ငပလီ၊ပုဂံ၊ရွှေစက်တော်တွေပါ အဆစ်ရောက်ဖူးသွားပါတယ်။

ပြည်မှာ ရွှေဗျိုင်းနားဆရာတော် ရှိပါတယ်။ သူက သိုက်ချုပ်လို့ နံမည်ကြီးပါတယ်။
ကျွန်မတို့သူ့ကို သွားဖူးချိန်မှာ ဆရာတော်ရဲ့ကျန်းမာရေးအခြေအနေအရ အခန်းအပြင်ဘက်နေ
ဖူးခွင့်ရခဲ့ပါတယ်။
ကျောင်းထဲမှာ ကမ္ဘာမြေပုံတခုချိတ်ထားပြီး သိုက်တွေရှိတဲ့နေရာတွေကို ဖော်ပြထားပါတယ်။
ဒါဆိုရင် ဆရာတော်ကြီးက သိုက်ချုပ် ပေါ့လို့ ကျွန်မက ပြည်မြို့သူ သူငယ်ချင်းကို ပြောမိပါတယ်။

နောက်ဆရာတော် တစ်ပါးကတော့ ဝေပုလ္လဆရာတော်ပါ။
သူ့ကျောင်းကိုရောက်တော့ အကယ်ဒမီ တံခွန်တိုင်တွေ တွေ့ရပါတယ်။
ရန်အောင် ရဲအောင် နဲ့ အကယ်ဒမီရတဲ့လူတော်တော်များများနံမည်နဲ့ တံခွန်တိုင်တွေကို
အုတ်နဲ့ အခိုင်အမာလုပ်ထားတာတွေ့ရပါတယ်။
ကျောင်းပေါ်ကိုတက်လိုက်ပြီးဆရာတော်အခန်းမှာ မင်းသားမင်းသမီးပုံတွေချိတ်ထားတော့
ကျွန်မက ဘုန်းကြီးကျောင်းနဲ့ရုပ်ရှင်ရုံမှားလာပြီထင်တယ်လို့နောက်တော့
လိုက်ပို့တဲ့သူငယ်ချင်းက ရှင်းပြတယ်။ သူက အဲဒီပုံတွေကို ကြည့်ပြီးမေတ္တာပို့တာတဲ့
အဲဒါ 1995 ပတ်ဝန်းကျင်လောက်ကပါ။
2009 မတ်လမှာ ရန်ကုန်ပြန်တော့ မိတ်ဆွေတွေနဲ့ခရီးတစ်ခုကလည်းထွက်ချင် အချိန်ကလည်းမရတော့
သွားဘို့နေရာတွေ ညှိရင်း အိုး ရှုပ်ပါတယ်။ အားလုံးပြေလည်သွားအောင် ပြည်သွားလည်ကြတာပေါ့လို့
နောက်လိုက်မိလို့ အကုန် ပြည်မြို့ သွားမယ်ဖြစ်ကြတယ်။
အဲဒါနဲ့ နောက်တခေါက် ဆရာတော်ကိုဖူးတော့ ဆရာတော်ကျောင်းက အရင်လို အကယ်ဒမီတွေနဲ့
မစည်းကားတော့ဘဲ မတ်လ (10)တန်းစာမေးပွဲအောင်ဘို့ လာတဲ့လူတွေကို တွေ့ခဲ့ရပါတယ်။
အခုနှစ်တွေမှာတော့ အကယ်ဒမီတွေကို ဆရာတော်က မကိုင်ဘဲ နေပြည်တော် ဓါက်ရိုက်ဓါက်ဆင်အဖွဲ့ကို
လွှဲပေးလိုက်ပြီ ထင်ပါရဲ့လို့ ပြောခဲ့မိကြပါတယ်။
အဲဒီဆရာတော်က အင်းကွက် တွေရေးပေးပြီးဆောင်ခိုင်းတတ်တာမို့
အင်းချုပ် လို့ ကွဲအောင်မှတ်ထားလိုက်ပါတယ်။

နောက်ဆရာတော်တစ်ပါးကတော ပြည်မြို့ပြင်မှာရှိတာပါ။
ကျွန်မအထင်တော့ တောထဲ (3)မိုင်လောက်ဝင်ရပါတယ်။
မြင်ဗာဟု ဆရာတော်လို့နံမည်ကြီးပါတယ်။
ဆရာတော်က ၀ိနည်းနဲ့အညီ ၀ါးကျောင်းကလေးမှာ သီတင်းသုံးပြီး
တရားဟောဗိမာန်ကြီးကိုတော့ အကြီးကြီးဆောက်ထားတာတွေ့ရပါတယ်။
ပြည်သူ သူငယ်ချင်းပြောပြတာကတော့ အဲဒီဆရာတော်က ၀ိဇ္ဖာလို့ပြောပါတယ်။
ဒါဆို ၀ိဇ္ဖာချုပ်လို့ ကျွန်မက မှတ်ထားလိုက်ပါတယ်။
ထူးခြားတာတစ်ခုကတော့ ဆရာတော်က အရှင်ထွက်လို့ပြောပါတယ်။
အဲဒီမှာတွေ့ခဲ့တာကတော့ သံအခေါင်းတစ်ခုထည့်ထားတဲ့ အုတ်ကျောင်းကလေးပါ။
အဲဒီသံခေါင်းထဲကို ဆရာတော်က ၀င်နေပြီး အချိန်ကာလတစ်ခု(ကျွန်မသေချာမမှတ်မိပါ)
ပြည့်လို့ ပြန်ဖွင့်ချိန်မှာ ဆရာတော်က သက်ရှိထင်ရှားရှိနေတယ်လို့ဆိုပါတယ်။
ဆရာတော်ကျောင်းက မြို့နဲ့ဝေးပြီး တကယ့်ကို အေးချမ်းမှုခံစားခဲ့ရပါတယ်။

အခုလောလောဆယ်မှာတော့ အမြဲတန်းပြာလောင်ခတ်ပြီး လူစုလူဝေးကြီးကို ဘယ်နေရာမှာမှ
ရှောင်လို့မလွတ်နိုင်တဲ့ ကျွန်းကလေးမှာ အတိတ်က အေးချမ်းခဲ့တာတွေကို ပြန်လွမ်းဆွတ်ရင်း............