အိမ်

မခင်ဦးမေရဲ့ အိမ်အကြောင်း ဖတ်မိတော့ ကျွန်မနေခဲ့ရတဲ့အိမ်တွေအကြောင်း ပြန်တွေးမိတယ်။

အိမ်(1)
ကျွန်မမွေးပြီးပြီချင်းနေရတဲ့အိမ်က ကျွန်မအမေရဲ့အမေ အဘွားအိမ်ပါ။

နှစ်ထပ်ပျဉ်ထောင်အိမ်ဖြစ်ပြီး အပေါ်ထပ်မှာ ဆင်ဝင်အကျယ်ကြီးရှိတဲ့အိမ်ပါ။

မှတ်မိတာကတော့ အဲဒီဆင်ဝင်မှာ ကျွန်မသံဇကာအကွက်ကလေးတွေကို
ကိုင်ပြီးဘေးတိုက် လမ်းလျှောက်ခဲ့တာပါဘဲ။

အဲဒီတော့ သံဇကာကွက်မကိုင်ဘဲလဲ လျှောက်ရော သူများကလေးတွေလို
ရှေ့ကိုမသွားဘဲ ဘေးတိုက်စလျှောက်တော့တာပါဘဲတဲ့။

အမေကပြန်ပြောတာလေ။
ကျွန်မ ကလန်ကဆန်လုပ်တိုင်းအမေကပြောလေ့ရှိတယ်။

သူက လမ်းစလျှောက်ကတည်းက ရှေ့သွားတာမှ မဟုတ်တာ ဘေးတိုက်သွားတာလေတဲ့။

နောက်ပြီး အဲဒီအိမ်အပေါ်ထပ်လှေခါးထိပ်ကလေးမှာ လက်တန်းလေးကိုင်ပြီးရပ်နေရင်းက
အောက်ထပ်ကို လှေခါးထစ်တွေအတိုင်းလိမ့်ကျဖူးတယ်။
ဘာမှ မဖြစ်ပေမဲ့ အဲဒီနေရာမှ မရပ်ရဲတော့ဘူး။

အဲဒီအိမ်နောက်ဘက်က ခြံကျယ်တယ်။

နောက်ဘက်ခြံအစပ်က ကျွန်မကို မူကြိုထားတဲ့ကျောင်းနဲ့ကပ်နေတော့
ကျွန်မကိုမူကြိုထားခါစမှာ အဲဒီခြံအစပ်နားကနေ အိမ်ကို လာအော်အော်ငိုခဲ့ဘူးတယ်။

သူများကလေးတွေအားလုံး ငိုရင် အမေရေ လို့ ငိုချိန်မှာ ကျွန်မက အဖေရေလို့
အော်ငိုခဲ့ဘူးတာမို့ မူကြိုက ဆရာမတွေက ခုထိ မှတ်မိနေတယ်။

အဲဒီအိမ်ကြီးကို မြန်မာငွေ ကျပ်ငါးသောင်းနဲ့ရောင်းခဲ့တာ
ကျွန်မ 2တန်းတက်တဲ့နှစ်မှာပေါ့။ 1974ခုနှစ်လောက်ပေါ့။

အိမ်(2)
ကျွန်မအဘွားအိမ်ရောင်းပြီးတော့
အဘွားရဲ့မောင်ဝမ်းကွဲ တစ်ယောက်တည်းနေတဲ့ အိမ်ကိုငှားနေခဲ့တယ်။

လူကုံတန်ရပ်ကွက်တစ်ခုမှာပေါ့။

အဘိုးလေးက အောက်ထပ်မှာနေပြီး ကျွန်မတို့မိသားစုကို အပေါ်ထပ်မှာထားတယ်။

အဘွားက သူ့ထက်ကြီးတာမို့တဲ့။

ရှေးလူကြီးတွေရဲ့ သဘောထားပေါ့။

အဘွားကလဲ သူ့မောင်တစ်ယောက်တည်းနေတာမို့
ဟင်းနေ့တိုင်းကမ်းလေ့ရှိတယ်။

အဲဒီအိမ်ရဲ့ထူးခြားချက်ကတော့ မီးဖိုချောင်ပါဘဲ။

အပေါ်ထပ်ကလူတွေရဲ့ မီးဖိုချောင်က အောက်ထပ်မှာရှိပြီး

အောက်ထပ်ကလူတွေရဲမီးဖိုချောင်က အပေါ်ထပ်မှာဖြစ်နေတာပါဘဲ။

ကျွန်မတို့က အောက်ထပ်မှာ ချက်ပြုတ်ပြီးရင် မီးဖိုချောင်ကို သော့ခတ်
အပေါ်တက်အိပ်ရတာပါ။

ကျွန်မတို့အဘွားက နားလေးတယ်။ ကျွန်မတို့ညီအစ်မကလည်း ငယ်သေးတယ်လေ။

အမေသင်တန်းသွားနေတုန်း အဲဒီမီးဖိုချောင်ကို သူခိုးဝင်ယူသွားတာ
မနက်ခင်းချက်ဘို့ ငရုပ်ဆုံနဲ့ဖိထားတဲ့ ငါးခူငပိကောင်လေးတောင်
ယူသွားတယ်ဆိုတော့
သူခိုးဘယ်လောက်အချိန်ရသလဲ စဉ်းစားကြည့်ပေတော့။

မနက်ခင်းအိပ်ယာအထမှာ ပြောင်နေတဲ့ မီးဖိုခန်းလေးကြည့်ပြီး
အဘွားက တော်တော် စိတ်ညစ်သွားတာမှတ်မိတယ်။

အဲဒီအိမ်နဲ့ပတ်သက်ပြီး အမှတ်ရလာတာက
မီးလောင်တာပါဘဲ။

ကျွန်မတို့အိမ်နဲ့ မျက်စောင်းထိုးမှာ ဆရာဝန်ဖြစ်ပြီး
ဥစားကြက်မွေးတဲ့လူတွေရှိတယ်။

အဲဒီကြက်ခြံ ညလည်မှာ မီးလောင်တော့
အိမ်မှာ ကျွန်မအရင်ဆုံးနိုးပြီး အိမ်ရှေ့ တံခါးပေါက်ကို ထဖွင့်လိုက်ချိန်မှာ
မီးတောက်တွေကို မြင်လိုက်ရတယ်။

အသက် (10)လောက်အရွယ်ဆိုတော့ လန့်သွားတာဖြစ်မယ်။
အဲဒီနောက်ပိုင်းမှာ မီးလောင်တဲ့အိမ်မက်တွေ ခဏတိုင်းမက်ပြီး ထထပြေးတတ်တယ်။

ကျွန်မတို့အဘွားမောင်နှမ တည့်နေပေမဲ့ အဘိုးလေးသမီး သူ့ယောက်ကျာင်္းဆုံးပြီးပြန်လာချိန်မှာတော့
အဲဒီအိမ်ကနေပြောင်းဘို့ဖြစ်လာပါရော။

အဲဒါနဲ့ ကျွန်မတို့လည်း လူကုံတန်ရပ်ကွက်မှာ(3)နှစ်လောက်နေပြီး
သာမာန်လက်လုပ်လက်စားတွေနေတဲ့ ရပ်ကွက်ကလေးကိုထပ်ပြောင်းခဲ့ပါတယ်။

အိမ်(3)

ကျွန်မအမေက အမျိုးတွေကို မခံချင်စိတ်နဲ့ပြောင်းခဲ့တာလို့ထင်တယ်။

နောက်ပြီး အမေ့ဝင်ငွေတစ်ခုတည်းနဲ့ ဖြစ်နိုင်တဲ့အိမ်လေးကို ငှားခဲ့တာဖြစ်မယ်။

အိမ်ရှင်နဲ့အတူမနေရတဲ့ သီးသန့်ခြံကလေးပါ။

ဒါပေမဲ့ လျှပ်စစ်မီးမရှိဘူး။ ရေမရှိဘူး။ အမိုးက အင်ဖက်မိုးထားတဲ့ ခြေတံရှည်အိမ်ကလေးပါ။

ငယ်တုန်းမှာ လျှပ်စစ်မီးမရှိတဲ့အိမ်မှာ နေခဲ့ရလို့ လျှပ်စစ်မီးရှိတဲ့အိမ်ရောက်ရင်လည်း
မှိတ်ထားတတ်တဲ့အကျင့်ဖြစ်ပြီး မှောင်ထဲမှာလဲ နေသားကျနေခဲ့တာပါဘဲ။

ရေမရှိတဲ့ရပ်ကွက်မှာ တွင်းရှိတဲ့အိမ်ကရေကို ပိုတ်နဲ့သွယ်ပြီးဝယ်သုံးရတာမို့
ရေအများကြီးရှိတဲ့နေရာကိုရောက်ပေမဲ့လဲ ရေကိုအကြာကြီးမချိုးတတ်တော့ဘူး။

လူဆိုတာ အကျင့်ရဲ့ကျေးကျွန်လေ။

အဲဒီရပ်ကွက်ကလူအများစုက ဆေးလိပ်လိပ်တယ်။ ဆိုက်ကားနင်းတယ်။

ကျွန်မညီမငယ်ငယ်က ကြီးလာရင်ဘာလုပ်မလဲလို့မေးရင် ဆိုက်ကားနင်းမယ်လို့
ဖြေတတ်တာကို သတိရတယ်။

နောက်ပြီးရေမ၀ယ်သုံးနိုင်တဲ့လူတွေက ရေကန်ရှိတဲ့နေရာကရေကို ညနေခင်းမှာ
ရေခပ်ဆင်းကြတယ်။

ကျွန်မတို့အမေက ရေကိုချွေတာသုံးခိုင်းပေမဲ့ ကျွန်မတို့ညီအစ်မကို
ရေမခပ်ခိုင်းခဲ့ဘူး။

ကျွန်မတို့အရွယ်တွေ ဆေးလိပ်လိပ်တာရှိပေမဲ့ ကျောင်းဘဲ တက်ခိုင်းတယ်။

နွေရာသီအားလပ်ရက်မှာတောင် ဆေးလိပ်တာ မသင်ခိုင်ဘူး။
အိမ်မှာဘဲနေခိုင်းတယ်။

ဒါပေမဲ့ ကျွန်မညီမကတော့ အမေမသိအောင် ရေခပ်တဲ့လူတွေနဲ့လိုက်သွားဘူးတယ်။

ကျွန်မကနွေရာသီဆို ပျင်းတာနဲ့ နောက်နှစ်သင်ရမဲ့ သချာင်္တွေကို ဖတ်စာအုပ်ကြည့်တွက်ရင်း
သချာင်္တော်လာတာပါဘဲ။

အဲဒီအိမ်ခြံထဲမှာ ကတက်ပင်ရှိတယ်။ ချဉ်ပတ်လုပ်တာလေ။

နောက်ပြီး မိုးတွင်းဆိုရင် ဖလံတောင်မွှေးအပင်တွေပေါက်တယ်။
အဲဒါကို ခဏခဏစားရတယ်။


အဲဒီအိမ်ကလေးက အိမ်ရှင်က တောမှာနေတာလေ။

တခါလာလည်ရင် တစ်လလောက်ကြာကြာလာနေတတ်တာမို့
နောက်ပိုင်းမှာ အိမ်ရှင်လာလာနေတဲ့ဒါဏ်ကို မခံနိုင်လို့ အဲဒီအိမ်ကလေးကနေ
အမေက ထပ်ပြောင်းတာလို့ ထင်တာဘဲ။

အဖော်မရှိတဲ့ ကျွန်မတို့ကတော့ အိမ်ရှင်လာနေရင်ပျော်နေတာပါဘဲ။

အဲဒီ မီး နဲ့ ရေမရှိတဲ့ မိုးတွင်းမှာမိုးယိုတတ်တဲ့အိမ်ကလေးမှာ (2)နှစ်လောက်ဘဲနေခဲ့ရတယ်။

အိမ်(4)

ခုတခါပြောင်းရတဲ့အိမ်က အရင်အိမ်နဲ့တလမ်းတည်းပါဘဲ။

ထူးတာဆိုလို့ အမိုးက သွပ်ဖြစ်ပြီး အောက်ထပ်မှာ အိမ်ရှင်နေတာဘဲ။

ကျွန်မတို့က အပေါ်ထပ်မှာ ငှားနေတာလေ။အမေက သူ့အမေကို သူများအိမ်အောက်ကို မထားချင်တာကြောင့်ထင်တယ်။

အဲဒီအိမ်က လိုအပ်တာထက် ပိုမြင့်နေပြီး အခြေမခိုင်တာကြောင့် မိုးတွင်းဆို ပုခက်နဲ့အိပ်ရသလို
လေထဲမှာ ယမ်းခါနေတတ်ပါတယ်။

လျှပ်စစ်မီးမရှိဘူး။ ရေလည်း ၀ယ်သုံးရတာမို့ သိပ်အပြောင်းအလဲမရှိပါဘူး။

အဲဒီအိမ်မှာသိပ်အမှတ်တရမရှိခဲ့သလို
အမေဘာကြောင့်နောက်ထပ်တစ်အိမ်ထပ်ပြောင်းတယ်ဆိုတာလဲ မသိဘူး။

ဒါပေမဲ့ အဲဒီအိမ်ကလေးမှာ (2)နှစ်နီးပါးတော့ ကြာခဲ့တယ်။

အိမ်(5)

ခြံဝန်းကျယ်ကြီးထဲက နှစ်ထပ်အိမ်တစ်ခုပေါ့။

အပေါ်ထပ်မှာ အိမ်ရှင်အဘိုးအဘွားမောင်နှမနှစ်ယောက်နေတယ်။

ကျွန်မတို့နဲ့ဆွေမျိုးနီးစပ်တော်တယ်။

ဒီအိမ်မှာတော့ လျှပ်စစ်မီးရှိသွားပြီဗျို့။

ဒါပေမဲ့ ရေကတော့ လမ်းမမှာ ဘုံဘိုင်ကလာတာကို ထွက်ခပ်ရတယ်။

ကျွန်မက မနက်စောစော စာထဖတ်တတ်တယ်။

အမေကလည်း အဲဒီအချိန်ဆိုရင် ရေထခပ်တယ်။

သူ့သမီးပိန်ပိန်လေးက ရေငင်ပေးမယ်ဆိုတာကို ဘယ်တုန်းကမှ လက်မခံခဲ့ဘူး။

စာသွားကျတ်ပါလို့ အမြဲပြောလေ့ရှိတယ်။
အမေခပ်ထားတဲ့ရေကို ကျွန်မ ဘယ်တော့မှ အများကြီးမချိုးခဲ့ဘူး။

အဲဒီခြံထဲမှာ ကျွန်မကိုပျော်ရွှင်စေတာကတော့
သနပ်ခါးပန်း၊ခတ္တာနဲ့ ယုဇနပန်းတွေပါဘဲ။

မိုးတွင်းဆို မွေးနေတဲ့ပန်းခင်းထဲအိပ်ရသလိုဘဲ။

နောက်ပြီး ပွင့်တာများတဲ့နေ့ဆို အမေက ပန်းတွေကိုချိုးပြီး
သားအမီတွေ ဈေးမှာ သွားရောင်းကြတာ။

ပျော်စရာကြီးပါ။

မိုးမရွာတဲ့ညခင်းတွေနဲ့ ပူတဲ့ညတွေမှာ ခြံထဲက တန်းလျားလေးမှာ ထွက်ထိုင်တတ်ကြတယ်။

အဲဒီအိမ်ရှင် မောင်နှမရဲ့ လူနေမှုစတိုင်ကို ကြိုက်တယ်။

သူတို့ဝင်ငွေက ကျွန်မတို့အိမ်လခရယ်။ ခြံထဲက အုန်းပင်နဲ့သရက်ပင်ရောင်းလို့ရတဲ့ ၀င်ငွေရယ်ဘဲရှိတယ်။

ဒါပေမဲ့ မောင်နှမနှစ်ယောက်အေးအေးလူလူဘဲ။

နေ့တိုင်းပဲပြုတ်ဝယ်ပြီး မနက်စာကတော့ ပဲပြုတ်ထမင်းပေါ့။

နေ့ခင်းလာတဲ့အသည်ဆီက ကန်ဇွန်းရွက်နေ့တိုင်းဝယ်တယ်။

ညစာကိုတော့ ကန်ဇွန်းရွက်နဲ့ငံပြာရည်ချက်ကို ညလေ(4)နာရီလောက်မှာ စားကြတယ်။

တနေကုန် နှစ်ယောက်တည်း ဖဲရိုက်တတ်တယ်။

နွေရာသီတွေမှာ ကျွန်မတို့ကိုလည်း သင်ပေးတာပေါ့။

အဲဒီအိမ်ကဘဲ ကျွန်မ(10)တန်းအောင်ခဲ့တယ်။

ရန်ကုန်မှာ ကျောင်းဆောင်(4)နှစ်နေပြီး အဲဒီခြံထဲကိုဘဲပြန်ခဲ့တယ်။

ကျွန်မက ငါကြီးလာရင်လည်း အဲဒီလို အေးအေးဆေးဆေးနေမယ်လို့ အားကျခဲ့မိတယ်။

နယ်မှာနေတဲ့အဘွားရဲ့သားက မကျန်းမာဘဲပြန်လာချိန်မှာတော့
အေးချမ်းတဲ့ဘ၀လေး ပူလောင်ခဲ့ပေါ့။

ငွေလိုတာနဲ့ ကျွန်မတို့အမေက အိမ်ကိုအရစ်ကျဝယ်မယ်တဲ့။

အမေငွေဘယ်လောက်ပေးပြီးသလဲမသိပေမဲ့
ခေတ်မှီတဲ့နိုင်ငံတော်ကြီးတည်ဆောက်နေတဲ့အတွက်
ကျွန်မတို့ရပ်ကွက်ကလေးကို (10)ရက်အတွင်း အပြီးဖျက်ပေးရမယ်ဆိုတဲ့
စာတစ်စောင်ရလာချိန်မှာတော့ ကျွန်မတို့ (7)နှစ်နီးပါးလောက်နေခဲ့ရတဲ့
အဲဒီအိမ်ကလေးကနေ ခွာရတော့တာပါဘဲ။

ကျွန်မအသက်(20)လေ။
ထပ်ငှားထားတဲ့အိမ်ကလဲ ပြောင်းခါနီးမှ အဆင်မပြေလေတော့
ကျွန်မက အလုပ်ဝင်ခါစမှာဘဲ မြို့ထဲက အဆောင်တစ်ခုကို ရောက်သွားခဲ့တယ်။

အမေတို့လင်မယားကတော့ ၀န်ထမ်းရတဲ့မြို့ပြင်ကခြံထဲကို
တဲတစ်ခုအမြန်ထိုးပြီး သူ့ခွေးတွေနဲ့ပြောင်းသွားတယ်။
ကျွန်မညီမကတော့ အမျိုးတစ်ယောက်အိမ်မှာ ကျန်ခဲ့တယ်။

အားလုံးတကွဲတပြားပေါ့။

လူကြီး

ကျွန်မအသက်က (44)နှစ်ဆိုတော့ လူကြီးပေါ့။ ကျွန်မတို့ကုမ္ပဏီနဲ့ဆက်သွယ်ပြီးလုပ်ရတဲ့ အစိုးရဌာနထဲက တစ်ခုကို လုပ်ငန်းလုပ်ကိုင်ခွင့်အတွက် လျှောက်လွှာတင်ရတယ်။ ကျွန်မတို့တိုင်းပြည်ရဲ့ နေပြည်တော်ကြီှးဆီကိုပေါ့။ ကျွန်မကိုယ်တိုင်မသွားနိုင်တာနဲ့ အလုပ်ခွင်ထဲက အမျိုးသားဝန်ထမ်းအငယ်တွေကို လွှတ်၇တာပေါ့။ လိုအပ်တဲ့စာရွက်စာတမ်းတွေကလဲ အများသား စုစုပေါင်း (3)ခေါက်လောက်သွားပြီးချိန်မှာတော့ ကျွန်မ၀န်ထမ်းကပြောလာပါတယ်။ စာရွက်စာတမ်းပိုင်းတော့ စုံပါပြီတဲ့ လူကြီးလာတွေ့ပါတဲ့။ ကျွန်မက အေး ငါလိုက်တွေ့ပါ့မယ်ပေ့ါ။ အသက်က(44)နှစ်ဆိုတော့ လူကြီးပေါ့။ အဲဒါနဲ့ နေပြည်တော်ကို မနက် 6နာရီလောက် ရန်ကုန်ကနေ ထသွားတာပေါ့။ နေပြည်တော်ရောက်တော့ မနက်(10)နာရီ အချိန်ကောင်းမှာ သက်ဆိုင်ရာ ရုံးတော်ကြီးကို ရောက်သွားပါတယ်။ ကျွန်မ ၀န်ထမ်းမောင်လေးက အဲဒီဌာနက ဦးစီးအရာရှိနဲ့ မိတ်ဆက်ပေးပါတယ်။ လူကြီးခေါ်လာပါတယ်တဲ့။ အဲဒီ ဦးစီးအရာရှိက ကျွန်မကိုကြည့်ပြီး ဒါလူကြီးလားတဲ့။ အိုး စိတ်ထဲမှာ တော်တော်လေး ပျော်သွားတယ်။ ငါဆံပင်တွေ ဖြူနေတာတောင် လူကြီးလို့မထင်သေးဘူးကိုး။ အဲဒါနဲ့ ကျွန်မလဲ လူကြီးဖြစ်ကြောင်း visiting card ကလေး ထုတ်ပေးရတာပေါ့။ လူကြီးဖြစ်ကြောင်းသေချာတော့ ထပ်လာတဲ့မေးခွန်းက အထက်လူကြီးကိုတွေ့ဘို့ ဘာလက်ဆောင်ပါသလဲတဲ့။ အမှန်ကတော့ ဘာလက်ဆောင်မှ မပါပါဘူး။ ရပါတယ် ဘာလက်ဆောင်ကြိုက်သလဲ ကျွန်မ အခုသွားဝယ်လိုက်ပါ့မယ်ပေါ့။ သူ့အထက်လူကြီးက ပစ္စည်းမကြိုက်ပါဘူးတဲ့ အသပြာငွေကြေးကြိုက်ပါတယ်တဲ့။ အဲဒါနဲ့ ကျွန်မလည်း ဘယ်လောက်ပေးရမလဲလို့ ဈေးသည်ဆန်ဆန်ထုတ်မေးလိုက်ပါတယ်။ သူပြောတဲ့ငွေပမာဏကို အခြားလူတွေရှေ့မှာ စာအိတ်ထဲ မထည့်ချင်တာနဲ့ ကျွန်မနဲ့အတူသွားတဲ့မောင်လေးကို အပြင်မှာ သွားထည့်ခဲ့လို့မှာလိုက်ပါတယ်။ နည်းနည်းကြာလာလို့လိုက်သွားတော့ ကျွန်မ၀န်ထမ်းကောင်လေးက အိမ်သာကထွက်လာတာတွေ့တော့ အော်နင့်နှယ် ရိုးလိုက်တာ အဲသလောက်မလိုပါဘူး အခန်းပြင် ဒီအတိုင်းထည့်လဲရပါတယ်လို့ ဟောက်ရတယ်။ နောက်ဆုံးတော့ လူကြီးကြီးနဲ့တွေ့ခဲ့ပြီး ကျွန်မလျှောက်ထားတဲ့ ခွင့်ပြုမိန့်တစ်ခုရခဲ့တယ်ဆိုပါတော့။ အမှန်က သတ်မှတ်ထားတဲ့ စည်းကမ်းချက်နဲ့ညီတဲ့သူတိုင်းကိုပေးရမဲ့ ခွင့်ပြု့မိန့်ပါ။ ကျွန်မတို့လုပ်ငန်းတစ်ခုတည်းကို အထူးပေးရတာမဟုတ်ပါဘူး။ ဟဲဟဲ ဒါပေမဲ့ ဟိုး ဘုရင်တွေခေတ်တုန်းကလို မဟာဆန်ဆန် လက်ဆောင်ပဏာများ ဆက်သရန်လိုသည်ပေ့ါ။ ကဲ တို့တိုင်းပြည်ကြီးမှာလေ

တောင်းမှာ အကွပ် လူမှာ အ၀တ်

ကျွန်မက မိန်းခလေးပေမဲ့ အ၀တ်အစားကို သိပ်အလေးမထားတတ်တဲ့ထဲမှာပါတယ်။ အ၀တ်အစားဆိုလို့ ပထမဦးဆုံးအမှတ်ရလာတာက သူငယ်တန်းတက်တဲ့နှစ်မှာ အမေ့မိတ်ဆွေတစ်ယောက်က အဖြူနဲ့အစိမ်း စပ်ချုပ်ထားတဲ့ ဂါဝန်ကလေးရဘူးတယ်။ အဲဒါကို သဘောကျပြီးအခုထိ မျက်စိထဲ ပြန်မြင်နေတုန်းဘဲ။ ကျွန်မတို့အမေက တစ်သွေးတစ်သံ တစ်မိန့်သမားလေ။ သူဆင်သလို ၀တ်ခဲ့ရတာ။ ကျွန်မနဲ့တအိမ်တည်းအတူနေခဲ့ရတဲ့ တစ်ဝမ်းကွဲအကိုလည်းရှိတယ်။ မောင်နှမနှစ်ယောက်ကို ရှပ်အကျီင်္နဲ့ ဘောင်းဘီလေးတွေ ဆင်တူ ချုပ်ပေးလေ့ရှိတယ်။ ကျွန်မရုပ်ကလဲ အဖေနဲ့ချွတ်စွပ်တူတယ်။ အဲဒီတော့ ဘာဖြစ်သတုန်းပေါ့။ သူငယ်တန်းတက်တဲ့နှစ်မှာ မိန်းခလေးတွေက ဘိုကေ၊ရှပ်အကျီင်္နဲ့ ကျွန်မကို သူတို့အိမ်သာထဲ ပေးမ၀င်ဘူးတဲ့။ အဲဒီမှာ စတွေ့တာပါဘဲ။ ညီမလေးမွေးပြီး နောက်ပိုင်းမှာတော့ အမေက ညီအစ်မနှစ်ယောက်ကို ပုံစံတူ အရောင်ကွဲ ၀ယ်ပေးလေ့ရှိတယ်။ ကျွန်မက အသစ်ဆိုရင် သိပ်တောက်ပြောင်နေရင် မ၀တ်ရဲဘူး။ ကျွန်မညီမကတော့ အ၀တ်အစားအသစ်များရှိလို့ကတော့ လမ်းရှာနေတော့တာဘဲ။ သူ့ အကျီ်တွေကို အရင်ချဝတ်ပစ်တာ နည်းနည်းလဲ ဟောင်းရော မ၀တ်ရသေးတဲ့ ကျွန်မအကျီအသစ်ကို ခဏငှားဝတ်တာ။ နှစ်ခါသုံးခါလောက်ဝတ်ပြီးမှ ပြန်ပေးလေ့ရှိတယ်။ နောက်ပိုင်း အရွယ်ရောက်လာတော့ အမေက တစ်ယောက်ကို သူ့ထမီဘယ်နှစ်ထည်ဆိုပြီး ချပေးလေ့ရှိတယ်။ သိတဲ့အတိုင်း အမေက ခပ်၀၀လေ ပြီးတော့ ပါတိတ်လေးထောင်ကွင်းတွေကို ကျွန်မ ပိန်တာရိုးလေး ဘယ်လိုများ ၀တ်မလဲဆိုတာ မြင်ကြည့်တော်မူကြပါ။ ဒါပေမဲ့ နောက်ပိုင်း ကိုယ်တိုင် ၀ယ်ဝတ်လာတဲ့အခါမှာလဲ ပါတိတ်ဘဲ ၀ယ်လေ့ရှိပြီး ကွင်းအကျယ်ကြီးကို မဖြတ်ဘဲ ဒီအတိုင်းချုပ်ဝတ်လိုက်တာဘဲ။ ကျွန်မတို့ကိုချစ်တဲ့ အမေ့မောင်ဦးလေးက သူရှပ်အကျီင်္ဝယ်ရင် ပိုဝယ်လာပြီး ပေးတတ်တယ်။ အဲဒီတော့ ဦးလေးပေးတဲ့ ရှပ်အကျီင်္နဲ့ အမေပေးတဲ့ ပါတိတ်ထမီနဲ့ဆိုတော့ လူကတော်တော်လေး သရုပ်ပျက်ခဲ့တာပါဘဲ။ ဒါပေမဲ့ ကျွန်မက စိတ်ကူးယဉ်တတ်တယ်။ ကျွန်မနဲ့ခင်တဲ့ အစ်မဆရာဝန်တစ်ယောက်က ပါတိတ်ဝမ်းဆက်ဝတ်လေ့ရှိတယ်။ သူ့ကိုအားကျပြီး ငါအသက် 30ကျော်ရင် ၀မ်းဆက်ဝတ်မယ်လို့ အားခဲခဲ့တယ်။ တကယ်လဲ ၀တ်ခဲ့ပါတယ်။ နောက်ပိုင်း ဒေါ်စုကိုအားကျပြီး မြန်မာချည်ထည်တွေ ၀တ်ချင်စိတ်ဖြစ်လာပြန်တယ်။ ဒါပေမဲ့ စလုံးကို ခဏသွားနေတော့ ဘ၀က တစ်ဆစ်ချိုးသွားပြန်ရော။ အပေါ်က Discount နဲ့ရတဲ့ sport shirt နဲ့ဘောင်းဘီကို ၀ယ်ဖြစ်သွားတယ်။ အသက် 40ကျော်မှလေ။ အခု ရွာပြန်လာပြီး ရုံးမှာ uniform ၀တ်ရမယ်ဆိုတော့ admin depart က အပြာနုရောင်ကိုပြတယ်။ အော သူတို့က ကလေးတွေဆိုတော့ နုနုဖတ်ဖတ်ကလေး ၀တ်ချင်တယ်ထင်ပါ့။ ကျွန်မကတော့ အဲဒီအပြာနုရောင်နဲ့ ရွှေပြည်သာ ဖုံတောထဲမှာ ကိုယ့်ကို မြင်ယောင်ကြည့်လိုက်တာ။ တော်တော်လေး စိတ်ပျက်တာနဲ့ ဗီတိုအာဏာသုံးပြီး အပြာရောင်အရင့် ချည်ထမီ ပန်းထိုးကို ၀မ်းဆက်ရွေးလိုက်တယ်။ အငယ်တွေက ခဏတော့ အော်ဆင်းသွားပေမဲ့ ရေလျှော်များလို့ အရောင်လွင့်လာရင် နောက်ပြီးအသွားအပြန်ဖုံတွေနဲ့ ညစ်ပေလာရင် သူတို့နားလည်လာကြပါလိမ့်မယ်လို့ မျှော်လင့်ရင်း လာမဲ့တနလာင်္မနက်ခင်းမှာ ချည်ထမီ ၀မ်းဆက် အပြာရင့်ရောင်နဲ့ ရွာသူတစ်ယောက်ကို မျက်စိထဲမြင်ကြည့်လိုက်ကြပါ။