မင်္ဂလာပါ 2010

ကျွန်မငယ်ငယ်တုန်းက ဇန်န၀ါရီလ (1)ရက်နေ့တိုင်း အ၀တ်အစားကို
အသစ်ဝယ်ထားပြီး ၀တ်လေ့ရှိပါတယ်။
ဒါပေမဲ့ စိတ်တွေကတော့ အဟောင်းအတိုင်းဖြစ်နေတာကို နည်းနည်းကြီးလာမှ သိလာတယ်။
နောက်ပိုင်းမှာ အ၀တ်အသစ်ထက် စိတ်အသစ် လန်းလန်းဆန်းဆန်းနဲ့
နှစ်သစ်ကို ၀င်နိုင်ဘို့ ကျိုးစားလာပါတယ်။
စိတ်အသစ်နဲ့ ကြိုချင်ပေမဲ့ အသက်တစ်နှစ်ကြီးလာပြီမို့ ပို အို သွားတာကိုတော့
လက်ခံလိုက်ရပါတယ်။
2009 ခုနှစ်ကို ပြန်ကြည့်လိုက်တော့ တော်တော်လေး စိတ်ပင်ပန်းတာကို ပြန်မြင်လာပါတယ်။
နှစ်စမှာ စင်ကာပူမှာလုပ်နေတာမို့ သက်တမ်းတိုးဘို့က ရှိနေပါတယ်။
အလုပ်က သက်တမ်းတိုးပေးပေမဲ့ Reject ဖြစ်လို့ပြန်ရတဲ့သူငယ်ချင်းတွေရှိနေတော့ နည်းနည်းလည်းသောကဖြစ်ခဲ့ပါတယ်။
လူဆိုတာ စားဝတ်နေရေးအတွက်အလုပ်လုပ်တယ်။
နောက် ဖူလုံလာတော့ ဂုဏ်အတွက် လုပ်ပြန်ရော။
နောက်ထပ်တက်လာတော့ ကိုယ့်အသိဥာဏ်အတွက် အလုပ်လုပ်ပြန်ရောနဲ့
အလုပ်သံသရာထဲမှာဘဲရှိနေပါတယ်။
ကျွန်မက ကိုယ့်ကို ဘယ်လိုဘဲ အားတင်းထားပေမဲ့ Extesnion Reject ဖြစ်လို့ ပြန်ရတဲ့
အဖြစ်ကိုလည်း မသိစိတ်ကလက်မခံချင်ပြန်ပါဘူး။
အဲဒါကြောင့် နှစ်စပိုင်းမှာ စိတ်တွေ ပင်ပန်းနေခဲ့ပါတယ်။
ဒါပေမဲ့ Online Extension ကို တစ်ရက်နဲ့ရတာမို့ သိပ်ကြာကြာမပင်ပန်းလိုက်ရပါဘူး။
သက်တမ်းတိုးပြီးပြန်တော့
ရွာပြန်လည်ချင်ပြန်ရော
နောက်ထပ် လိုအင်ဆန္ဒတစ်ခုပေါ့။
အိမ်ပြန်ဘို့ မတ်လ မှန်းပေမဲ့ မပြန်ခင်တစ်လလောက်ကတည်းက လက်ဆောင်ဝယ် သူငယ်ချင်းတွေကိုပြန်လာမယ်ဘယ်သွားမယ် ဘာစားမယ်နဲ့ တော်တော်လေး အလုပ်ရှုပ်ပါတယ်။
ပြန်မလာခင်လည်း သူများလူကြုံလာပေးတာတွေ ပြန်ရောက်တော့လည်း ရွာကလူကြုံထည့်ပေးလိုက်တာနဲ တစ်လလောက်က ရှုပ်ထွေးနေတာပါဘဲ။
ဒီထက်ပို ရှုပ်ထွေးတာကတော့ ရွာမှာနောက်ဆုံးလုပ်ခဲ့တဲ့အလုပ်က ကျွန်မကို ပြန်ခေါ်တာပါဘဲ။
statistic မှာ သင်ခဲ့တဲ့ Probability ဖြစ်တန်စွမ်းတွေကို ချချရေးပြီး
(5)လလောက် စလုံးနဲ့ရွာကို ချိန်ထိုး ကိုယ့်အသက်ကို ထည့်ပေါင်းနဲ့
တော်တော်လေး သောကများခဲ့ရပါတယ်။
အကောင်းနဲ့အဆိုးကို ရွေးချယ်ပါ။
နည်းနည်းကောင်းတာနဲ့များများကောင်းတာကို ရွေးပါဆိုရင်။
အိုကေ ချက်ချင်းအဖြေပေးနိုင်ပေမဲ့
ကောင်းတဲ့ အခြေအနေတွေက သိပ်မကွာတာနဲ့
ကျွန်မက ရွာကို ခင်တဲ့စိတ် လူတွေနဲ့မီးရောင်ကို အာရုံနှောက်တဲ့စိတ်တွေနဲ့
စက်တင်ဘာလဆန်းမှာ ရွာကို တစ်ခေါက်ပြန်ဖြစ်ခဲ့ပါတယ်။
အလုပ်နှစ်ခုကြား ဗျာများနေတာလေ။
ဒါပေမဲ့ ရုပ်ဝတ္ထုတွေက ကျွန်မကို မဆွဲဆောင်နိုင်ခဲ့ပါဘူး။
မီးပျက်တဲ့တိုင်းပြည်
ညစ်ပတ်တယ်လို့ လူတွေပြောတဲ့တိုင်းပြည်
ဘယ်နေရာမှာမှ ကော်ဖီဘိုးမပေးရင် အဆင်မပြေပါဘူးဆိုတဲ့တိုင်းပြည်
စင်ကာပူနိုင်ငံသားခံထားတဲ့ကျွန်မသူငယ်ချင်းကပြောတာတော့
လူတွေကြည့်ရတာ ငြိုးငယ်နေတယ်ဆိုတဲတိုင်းပြည်
ကို

တစ်နှစ်ခွဲလုံးနေတာတောင် တခါမှ မီးမပျက်တဲ့တိုင်းပြည်
လေအေးစက်တပ်ထားတဲ့ ရထားကို စောင့်စရာမလိုတဲ့တိုင်းပြည်
ကဒ်ရှိရင်လိုချင်တာ 24နာရီရတဲ့တိုင်းပြည်
နောက်ဆုံး ခလုပ်နှိပ်တတ်ပြီး ကဒ်ထိုးတတ်ရင် အရာရာအဆင်ပြေနိုင်တဲ့
တိုင်းပြည်ကနေ

ပြန်မယ်လို့ ဆုံးဖြတ်လိုက်ပါတယ်။

အောက်တိုဘာ (1)ရက်နေ့ည ရွာရောက်ပြီး (2)ရက်နေ့မနက်မှာ အလုပ်သစ်ကို စ၀င်လိုက်ရတော့
အလုပ်သစ်ရဲ့ ဖိအားတွေနဲ့ တော်တော်လေး မလှုပ်နိုင်ဖြစ်လို့ ဘလော့တောင်ပိတ်ပစ်ရမလိုဖြစ်သွားပါတယ်။
တခုကံကောင်းတာကတော့ အလုပ်သစ်မှာ မီးစက်မောင်းပြီးအင်တာနက် တချိန်လုံး သုံးလို့ရတာပါဘဲ။
ရွာပြန်ပေမဲ့ တောသူမဖြစ်သေးတဲ့သဘောပေါ့။
အခုတော့ ရွာပြတင်းပေါက်ကနေ မြို့ကို လှမ်းငေးနေတဲ့အချိန်ပေါ့။
အဲဒီလိုနဲ့ ဒီဇင်ဘာဆိုတဲ့ 2009တံခါးနားကိုရောက်ခဲ့ပြီလေ။
တစ်နှစ်လုံး အလုပ်နှစ်ခုနိုင်ငံနှစ်ခုကြားမှာေ၀၀ါးခဲ့ပေမဲ့
2010မှာတော့ ရွာကလေး မှာဘဲ အခြေကျဘို့ ကျိုးစားရမယ်ဆိုတာ စဉ်းစားပြီး
နှစ်သစ်ကို စတင်လိုက်ပါတယ်။

Happy New Year 2010

နှစ်တနှစ်ကူးပါပြီ။

တကမ္ဘာလုံးမှာတော့ ဆူဆူညံညံပေါ့။

ကျွန်မတို့ရွာမှာတော့ အခုရက်ပိုင်း နည်းနည်းပိုအေးလာတာကလွဲရင် တိတ်နေတယ်လို့ ထင်ပါတယ်။

နှစ်သစ်ကူးချိန်မှာ ဘာလုပ်ချင်သလဲလို့ ကိုယ့်ကိုယ်ပြန်မေးကြည့်မိတယ်။

ကိုယ်ချစ်ခင်တဲ့လူတွေ ကိုယ့်ကိုနားလည်ပြီး ကိုယ်ကလည်း ပြန်နားလည်နိုင်တဲ့လူတွေနဲ့အတူ
နှစ်ဟောင်းရဲ့နောက်ဆုံး စက္ကန့်တွေကို ကျော်ဖြတ်ချင်တယ်။

ဖြစ်နိုင်မယ်ဆိုရင် တစ်ယောက်လက်တွေ တစ်ယောက် ဆုပ်ကိုင်ရင်း နှစ်သစ်ကိုရောက်ချင်တယ်။

ကျွန်မဘာပြောပြော ဒါဘဲလားလို့ အမြဲပြန်မေးတဲ့တစ်ယောက်ကတော့

ဒါလေးကိုလစ်လျူရှုထားတယ်။

ဘယ်လိုဘဲ ဆန္ဒတွေရှိပေမဲ့ အလုပ်ခွင်မှာ မိုးချုပ်အောင်နေရမယ်။

ပြီးရင် မီးလာဘို့များတဲ့ အခန်းထဲကို တစ်ယောက်ထဲပြန်ရမယ်။

Good Bye 2009.

အစာစားခြင်း

မခင်ဦးမေထဲမှာ ဖတ်လိုက်ရတယ်။ စလုံးက ဘူဖေးဆိုင်မှာ စလုံးငွေ 50 လောက်ပေးရပေမဲ့ စားတဲ့လူတွေအများကြီးဘဲတဲ့။
စလုံးငွေ 50 ဆိုတော့ မြန်မာငွေနဲ့အကြမ်း 35000 ကျပ်ပေါ့။
ကျွန်မကတော့ ဘူဖေးကို အပြင်မှာ ပိုတ်ဆံနဲ့တခါဘဲ စားဖူးပါတယ်။
စားနိုင်မှ ပေးထားတာ တန်မှာလေဆိုတဲ့အသိနဲ့တင် တော်တော်လေး စိတ်က ထန်နေပြီး။
လောဘစိတ်နဲ့လိုတာထက် ပိုစားမိတော့ နောက်နေ့မှာ နေလို့မကောင်းခဲ့ပါဘူး။

ကျွန်မ စလုံးမှ ခဏနေတုန်းက သူငယ်ချင်းတွေက အစားအသောက်အတွက် ခေါ်ရင် အမြဲပြန်ပြောလေ့ရှိတာက စလုံးငွေ 10 ထက်ပိုတဲ့ဆိုင်ဆိုရင်တော့ သူများကျွေးလဲ ငါလိုက်မစားဘူး ငါလည်းသူများကို အဲလောက်တန်ပြန်မကျွေးဘူးလို့။

ကိုယ်တစ်ယောက်ထဲ တန်ဘိုးကြီးတာ စားမဲ့အတူတူ အခြားအစားအသောက်ချွေတာနေရတဲ့လူတွေနဲ့ မျှစားလိုက်မယ်လေဆိုတဲ့ စိတ်ကြောင့်ပါ။ ကပ်စေးနည်းတယ်တော့ မဟုတ်ပါဘူး။

သူတို့ သွားစားကြတာကိုတော့ စိတ်ထဲမှာ ဘယ်လိုမှလဲ မနေခဲ့ပါဘူး။

မနေ့ကပိတ်ရက်မှာ ထမင်းချက်ကျွေးတဲ့ ကျွန်မညီမက ခရီးထွက်သွားတော့ တစ်ယောက်တည်း လုပ်ရမှာ ပျင်းတာနဲ့ အိမ်နားက ထမင်းဆိုင်ကလေး မှာ ဆင်းစားဖြစ်တယ်။
ပထမရက်မှာ ကြက်အသဲအမြစ်နဲ့စားတာ 700ကျပ် နောက်နေ့မနက်မှာ ငါးကြင်းဟင်းနဲ့စားတ 600ကျပ် ချဉ်ဟင်းတစခွက်၊ အရွက်ကြော်နည်းနည်း နဲ့ ကျွန်မကြိုက်တဲ့ တို့စရာတွေကို အများကြီးချပေးထားသေးတယ်။

အဲဒီမတိုင်ခင်တရက်မှာ ဓနုဖြူဒေါ်စောရီဆိုင်မှာ ၀င်စားတာ 2000ကျပ် လောက်ကျတယ်။

စားကောင်းတာချင်းကတော့ အတူတူပါဘဲ။

စလုံး ကလူတွေအားလုံးနီးပါး မြန်မာတချို့ကလွဲရင် ထင်ပါတယ် ဆိုင်မှာဘဲ စားကြတာကိုတွေ့ရတယ်။
စားသောက်ဆိုင်တန်းက ဖြတ်ရတဲ့အခါတိုင်း အမြဲတမ်း သတိထားမိတာကတော့ စားလို့မကုန်တဲ့ ပန်းကန်တွေကိုပါဘဲ။
အဲဒီအခါတွေမှာ စားစရာရှားပါးတဲ့လူတွေရဲ့ မြင်ကွင်းက စိတ်ထဲမှာ တန်းပေါ်လာမြဲပါ။
ဘာသာတရားအရ ဘုံတွေရှိတယ်ဆိုတာ ဘယ်နေရာတွေမှန်း ကျွန်မ မသိပါဘူး။
ဒါပေမဲ့ မြင်နေရတဲ့နေရာအရဆိုရင်တော့ အစာရေစာ ရှားပါးတဲ့ဘုံတွေရှိသလို အစာရေစာပေါများတဲ့ ဘုံတွေကိုလည်း မျက်စိရှေ့မြင်နေရတာဘဲနော်။

ဘယ်လိုဘုံဘဲရောက်ပါစေ ဆာမှစားမယ် သတိနဲ့စားမယ်လို့ အဟာရဖြစ်အောင် စားမယ်ဆိုတဲ့ စိတ်နဲ့ အမြဲတန်း နိုးဆော်နေဆဲပါ။

ကျွန်မသိတဲ့ တရုတ်အဆိုအမိန့်တခုရှိပါတယ်။

အစာစားတဲ့နေရာမှာ မျက်စိ၊နား စတဲ့ အာရုံခံစားမှုတွေကို ခဏဖယ်ထားပြီး
ဝမ်းဗိုက်ရဲ့အသံကို နားထောင်ပါတဲ့။

ဗိုက်ထဲက ဆာလာမှ စားပါလို့ ဆိုလိုချင်တာထင်ပါရဲ့။

အဲလိုနားထောင်ကြည့်လိုက်တော့ ကျွန်မဗိုက်ထဲက 4နာရီ နဲ့ 6နာရီကြားလောက် မစားဘဲနေရင်တော့
ဘေးလူကြားလောက်တဲ့ အသံမျိုးစုံမြည်လာတာပါဘဲ။

အဲဒီအချိန်လောက်မှဘဲ စားဖြစ်ပါတော့တယ်။

အခြားလူတွေရော ဘယ်လိုစားနေကြပါသလဲ။

ရောက်နေတဲ့နေရာ

ဒီအလုပ်ခွင်ကိုရောက်တာ 2လကျော်လောက်ရှိပြီ။
အလုပ်ရှုပ်တာ မဟုတ်ပေမဲ့ အရှုပ်တွေကို လုပ်ရင်း ဘေးပတ်ဝန်းကျင်ကိုလည်း သိပ်မကြည့်ဖြစ်ခဲ့ဘူး။

ဒီနေ့တော့ ကျွန်မထိုင်ရတဲ့ အခန်းကလေးကနေ အပြင်ဘက်ကို ငေးနေမိတယ်။

ပထမဦးဆုံးသတိထားမိတာက စက်ရုံရှေ့က ကွင်းပြင်မှာ စပါးရိတ်နေကြတယ်။

လေအေးပေးစက်အခန်းထဲကနေထိုင်ကြည့်မိတာမို့ အေးအေးဆေးဆေးရှိပေမဲ့ သူတို့မှာ နေပူထဲ ဘယ်လောက်တောင် ပူနေကြမလဲ ဒါပေမဲ့ သူတို့စိတ်တွေကတော့ အေးချမ်းနေမယ်လို့ထင်ပါတယ်။

အရင်တုန်းကလဲ သီချင်းလေးတအေးအေးနဲ့ ကောက်စိုက်နေကြတဲ့သူတွေကို မြင်ခဲ့ဘူးတယ်လေ။ ရုပ်အပူနဲ့စိတ်အပူ ဘယ်က ပိုပူမယ်ထင်ပါသလဲ။

ကျွန်မတော့ လေအေးပေးစက်အခန်းထဲမှာ ငွေစာရင်းတွေနဲ့ ရှုပ်ပွနေတာပေါ့။

နောက်ခပ်လှမ်းလှမ်းကို ကြည့်လိုက်တော့ လှိုင်မြစ်ထဲမှာ အစုန်အဆန်သွားနေတဲ့ သဘောင်္နဲ့မော်တော်ထိပ်ပိုင်းတွေကို မြင်နေရတယ်။
အဲဒီကမ်းနားကိုတော့ တခါလောက်သွားထိုင်ဦးမယ်လို့ စိတ်ကူးပစ်လိုက်တယ်။
ညနေမိုးချုပ်မှောင်မှ စက်ရုံက ထွက်နေရတဲ့ဘ၀မှာ ဘယ်အချိန်မှများ သွားထိုင်ဖြစ်မယ် မသိဘူးလေ။

နောက်ထပ်မြင်ကွင်းတစ်ခုကတော့ ရွှေတိဂုံပုံမျိုးတည်ထားတဲ့ တေဇမုနိဘုရားပါ။
နိုင်ငံရေးနောက်ခံတွေနဲ့ ဘာတွေဘဲပြောနေကြပါစေ။
လူတွေကတော့ ဘုရားဆိုတာနဲ့တင် ကြည်ညိုပြီးသားမို့ ညဘက်သိပ်စည်တာဘဲလို့ စက်ရုံကလူတွေကပြောကြတယ်။

ကျွန်မအခန်းကနေမြင်နေရတဲ့ မြင်ကွင်းပါဘဲ။

တစ်ယောက်သောသူကတော့ မေးမှာပေါ့ ဒါဘဲလား လို့။

ဒါပါဘဲ

ကျွန်မက အလုပ်ခွင်တစ်ခုမှ 3နှစ်နဲ့ 5နှစ်ကြားနေတတ်သူမို့
အခုနေရာမှာလဲ အဲဒီလောက်တော့ ကြာမယ်လို့ ယုံကြည်ရင်း
အဲဒီမြင်ကွင်းလေးကို နေ့တိုင်း ကြည့်ဖြစ်နေမှာပါ။

ပြုံးနေတဲ့ မျက်ဝန်း

ကျိုက်ထီးရိုးကနေ ရသေ့တောင်ကို ခြေလျင်ဆင်းတော့ လမ်းမှာ ဈေးရောင်းတဲ့ ဆိုင်ကလေးတွေက အမျိုးသမီးတွေရဲ့ မျက်နှာတွေကို သေချာကြည့်ဖြစ်တယ်။
အမျိုးသမီးငယ်တစ်ယောက်ဆို အသက် 25နှစ်ပတ်ဝန်းကျင်ဖြစ်မယ်ထင်ပါတယ်။ သနပ်ခါးလိမ်းထားပြီး မျက်နှာကလဲ ကျန်းမာရွှင်လန်းတဲ့ပုံပေါက်တယ်။
လောကြီးမှာ ရှိနေတာကို ကျေနပ်ပြီး သူမျက်လုံးကိုကြည့်လိုက်တော့ ကြည်စင်နေတာကိုတွေ့ရတယ်။
ဒီလိုတောထဲမှာ ဆိုင်သေးသေးလေးဖွင့်ပြီး ဈေးရောင်းနေရတဲ့သူတစ်ယောက်မှာလဲ အဲဒီလိုမျိုး စိတ်ကျေနပ်မှုမျိုး ရှိနေတာအံသြစရာ မဟုတ်ပေမဲ့ အားကျခဲ့မိတယ်။
Oversea မှာ Shopping Mall တွေ အများကြီးရောက်ခဲ့တယ်။ ခေတ်မှီလှပတဲ့အမျိုးသမီးတွေကိုလည်း မြင်ခဲ့ရဖူးတယ်။
ဒါပေမဲ့ လန်းဆန်းပြီး လောကကို ကျေနပ်တဲ့မျက်ဝန်းမျိုးကို မတွေ့ခဲ့ရဘူး။
လူတွေက ရီကြတယ်။ ပြုံးကြတယ်။ တချို့ မျက်နှာပြင်မှာ အပြုံးကို တွေရတယ်။ တခါတလေ နှုတ်ခမ်းမှာ ပြုံးတာကို တွေ့ရတယ်။ ဒါအများဆုံးပါဘဲ။
မျက်ဝန်းမှာပါ ပြုံးတတ်တဲ့လူမျိုးကို မတွေ့ရသလောက်ရှားတယ်။
ကိုယ်တိုင်တောင် မျက်ဝန်းမှာ ပြုံးမိသလား မသေချာတော့ဘူး။
အခုတော့ ကျိုက်ထီးရိုးအဆင်းကလမ်းပေါ်က အအေးဗူးတွေရောင်းတဲ့ဆိုင်ကလေးက အမျိုးသမီးငယ်လေးရဲ့ ပြုံးနေတဲ့ မျက်ဝန်းကို အားကျစိတ်နဲ့ မြင်ယောင်နေမိတော့တယ်။

ကျိုက်ထီးရိုး

ကျိုက်ထီးရိုးကို သွားခဲ့တယ်။
ဒီတခါဆိုရင် ရောက်တာ (6)ခေါက်ရှိသွားပြီလေ။
နောင်လည်း အမြဲသွားဘို့ စိတ်ကူးတွေရှိနေတုန်းပါဘဲ။
ကျိုက်ထီးရိုးသွားတဲ့ ရည်ရွယ်ချက်က ဟင်းလင်းပြင်ထဲမှာ ရွှေရောင်တွေဝင်းနေတဲ့ မြတ်စွာဘုရားရဲ့ ပုံရိပ်ဖြစ်တဲ့ ကျောက်တုံးပုံစေတီကို ဖူးချင်လို့
နောက်တစ်ခုက တောတောင်တွေထဲမှာ အေးတဲ့လေရဲ့အထိအတွေ့ကို ခံစားဘို့နဲ့ သန့်ရှင်းတဲ့လေကို ရှူဘို့ပေါ့။

ကျွန်မသွားမယ်လို့ စိတ်ကူးပြီး ညီမလေးတစ်ယောက်ကိုပြောတော့ သူလိုက်မယ်တဲ့ နှစ်ခါတောင် မခေါ်လိုက်ရဘူး။ အဲဒါနဲ့ကျိုက်ထိုဟိုတယ်ကို ရန်ကုန်ကနေ အခန်းယူလိုက်တယ်။ ပိုအဆင်ပြေအောင်ပါ။
ဘုရားဖူးကားတွေနဲ့လိုက်ရင် ညဘက်ထွက်ပြီး တညလုံးကားစီးရင် ကားပေါ်မှာ မအိပ်တတ်တာနဲ့ အိပ်ရေးပျက်လို့ လိုင်းကား ၀င်း ကားဂိတ်ကနေ စနေ မနက် 7နာရီခွဲထွက်တဲ့လက်မှတ်ကို ၀ယ်လိုက်တာပေါ့။ သူငယ်ချင်းတွေကို ခေါ်ပေမဲ့ လိုက်မယ် မလိုက်ဘူးတွေနဲ့ ရှုပ်နေပြီး သွားခါနီး (2)ရက်အလိုမှ သူငယ်ချင်း အပျိုကြီး(2)ယောက်က လိုက်မယ်ထလုပ်ပါတယ်။ အဲဒါနဲ့ လေးယောက်သား ကျိုက်ထီးရိုးခရီးထွက်သွားဖြစ်ပါတယ်။ စနေသွားပြီး တနင်္ဂနွေပြန် တညအိပ်ခရီးကလေးပါ။

တောင်ပေါ်အထိကားနဲ့တက်လိုက်ပြီး ဟိုတယ်မှာ ခဏနား ရေမိုးချိုးပြီး ဘုရားကို အေးအေးဆေးဆေးဖူးခွင့်ရခဲ့ပါတယ်။ ကျိုက်ထိုဟိုတယ်မှာ ညစာ ထမင်းပေါင်းမှာစားပြီး ဟိုတယ် အောက်ချိုင့်ကနေ ညဘက်မှာ ဘုရားကို ထိုင်ဖူးပြီး ဘေးက တောတောင်တွေကို အချိန်ယူငေးမောနေပြီး အဲဒီညကို စိတ်ကျေနပ်စွာ ကုန်စေခဲ့ပါတယ်။ အဓိကထားကြည့်မိတာကတော့ ကောင်းကင်က ကြယ်တွေပါ။ ကျွန်မက လကို သဘောကျပေမဲ့ ကြယ်တွေကိုချစ်တယ်။ ညဘက်အပြင်ထွက်တိုင်း ကြယ်တွေကို မော့ကြည့်ဖြစ်တယ်။ အဲဒီညမှာတော့ ကောင်းကင်ကို မော့ကြည့်ရမှာကြောက်တဲ့ သူတစ်ယောက်ကို အမှတ်ရလာတယ်။ အဲဒီတစ်ယောက်နဲ့ ညပေါင်းများစွာ သူ့ဆေးခန်းပိတ်လို့ပြန်ချိန်တွေနဲ့ ဆေးရုံး ည(8)နာရီ ဂျူတီထွက်ချိန်တွေမှာ လမ်းလျှောက် ခဲ့ဘူးတယ်။ လူတိုင်းမှာ ကြောက်တတ်တဲ့စိတ်တစ်မျိုးစီရှိတယ်တဲ့ သူက ကောင်းကင်ရဲ့ ဟင်းလင်ပြင်ကို မော့ကြည်ရမှာ ကြောက်တယ်တဲ့။ အဲဒါလွန်ခဲ့တဲ့ 25နှစ်က ပြောခဲ့တဲ့ စကားလေးပေမဲ့ တိုက်ဆိုင်တိုင်း သတိရပါတယ်။ အခုတော့ အားလုံးက အဝေးမှာ ကျန်ခဲ့ပြီလေ။
ကျိုက်ထီးရိုးမှာ ကြယ်တွေ ခပ်များများမြင်ခွင့်ရခဲ့တယ်။
ရန်ကုန်မှာ ကြယ်တွေ နည်းတယ်။
စင်ကာပူမှာ ခဏနေတုန်းကလဲ ကြယ်တွေကို ကြည့်ပေမဲ့ မတွေ့ခဲ့ရဘူး။
ထိန်လင်းနေတဲ့ အယောင်ဆောင်မီးတွေကြားမှာ ကြယ်တွေကို မတွေ့ခဲ့ရဘူး။ အဲတုန်းကများ ကြယ်တွေကို လွမ်းတဲ့စိတ်ဖြစ်ခဲ့ရတယ်။
အခုကျိုက်ထီးရိုးမှာတော့ ကြယ်တွေနဲ့တညတာ ရင်းနှီးခဲ့ရလို့ စိတ်ကျေနပ်သွားခဲ့တယ်။

နောက်နေ့မနက် 10နာရီခွဲမှာ ဟိုတယ်က check out လုပ်ပြီးတော့ ခြေလျင်ရသေ့တောင်ကို ဆင်းခဲ့တယ်။ လမ်းမှာ ဘူးသီးကြော်ရောင်းတဲ့ တောင်စောင်းက ဆိုင်ကလေးမှာ အေးအေးဆေးဆေးထိုင်ပြီး လေပစ်ကြတာပေါ့။ အဲလိုအချိန်မျိုး မရခဲ့တာ ဘ၀မှာ ကြာပေါ့။ ဘာတွေက အရေးကြီးမှန်းမသိတော့လောက်အောင် ရှုပ်ထွေးနေခဲ့တယ်။
အခုလို ဘေးပတ်ဝန်းကျင်ကို ရပ်ကြည့်လိုက်တော့မှာ ကိုယ့်ရဲ့တည်ရှိခြင်းက အဓိပါယ်ရှိလာတယ်။

ကျိုက်ထီးရိုးကို တက်ခဲ့တဲ့ ရည်ရွယ်ချက်တွေ မတူပါဘူး။
အသက် (20)ကျော်မှာ သူငယ်ချင်းတစ်ယောက်က စာရိတ်ခံလို့ စရောက်ဖူးခဲ့တာ
အဲဒီပထမဦးဆုံးအခေါက်က 1991ပေါ့။
တောင်ပေါ်ကို ကားမရှိသေးဘူးလေ။
ခြေလျင်တက်ရတာ တောင်ခြေကနေပေါ့။
စတက်လာပြီး ရေမြောင်ကြီးလဲကျော်ရော ကျွန်မ ဖိနပ်ပြတ်သွားပါလေရော။
လမ်းမှာ ဖိနပ်ကို တခါတည်း သံယောဇဉ်ဖြတ်ခဲ့ပြီး ဖိနပ်ဗလာနဲ့တောင်ပေါ်အရောက်တတ်ခဲ့တယ်။ တောင်ပေါ်ဈေးတန်းရောက်မှ ဖိနပ်ဝယ်လို့ရတယ်လေ။
အဲဒီလို ဘုရားကို ရိုသေတာ တောင်အောက်ကတည်းက ဖိနပ်ချွတ်လာတာလေ။
လမ်းမှာလည်း သူငယ်ချင်းက အကုန်ခံတာမို့ စားချင်တာတွေ လျှောက်စားလာတာ
အုန်းရည်ဆိုလည်း ၀င်သောက်လိုက်တာဘဲ။
ကျွန်မတို့ သူငယ်ချင်းနှစ်ယောက် ထမင်းဆိုင်မှာ အိပ်ကြတာ
တခန်းနဲ့တခန်း ထရံကလေးဘဲခြားပါတယ်။
ဇီဇာကြောင်တဲ့ ကျွန်မက ခြင်ထောင်သယ်လာပြီး အစောကြီးထောင်အိပ်နေလို့
ဘေးက လူတွေက သူတို့သောက်ထားတဲ့ အချိုရည်ဗူးခွံတွေကို ခြင်ထောင်ပေါ်ပစ်တင်ထားကြတာ
မမေ့ဘူး။
နောက်များတော့ ထမင်းဆိုင်မှာ မတည်းတော့ဘူးလို့ ဆုံးဖြတ်လိုက်တယ်။
ဒါပေမဲ့ ဟိုတယ်မှာတည်းဘို့လည်း ပိုတ်ဆံက မရှာနိုင်သေးဘူးလေ။

ကျိုက်ထီးရိုးကိုခြေလျင်တက်လိုက်လို့ တကိုယ်လုံးချွေးတွေ ရွှဲနစ်ထွက်သွားရင် နောက်တနေ့မှာ သိသိသာသာပေါ့ပါးလန်းဆန်းနေတဲ့အရသာကို ကြိုက်လို့ အခေါက်တိုင်းခြေလျင်တက်ဘို့ စိတ်ကူးခဲ့ပါတယ်။
ဒါပေမဲ့ အသက်လေ အသက်
(35)နှစ်ကျော်လောက်တတ်တဲ့အချိန်မှာတော့ အခါတိုင်း နေ့ခင်းထမင်းစားပြီးတက်ရင် ညနေခင်းရောက်ပေမဲ့ အဲဒီအချိန်မှာတော့ ည(7)နာရီအထိ ကျွန်မ ဖိုးပြန်တောင်မှာဘဲရှိနေပါသေးတယ်။ အေးကလဲအေးလာ ခြေထောက်တွေကလည်း ကြွက်တာလာပြီးလှုပ်မရတာမို့ ညမိုးချုပ်မှ တောင်ပေါ်ကိုရောက်လာပါတယ်။ ချိန်းထားတဲ့လူတွေနဲ့လဲလွဲ တန်ဆောင်မုန်းလပြည့်နေကြီးမို့ လူတွေကကြပ် ဘုရားအလှူခံကနေ တည်းစရာစီစဉ်ထားပေမဲ့ သူငယ်ချင်းတွေကို သွားအော်ပေမဲ့ မရတာမို့ နောက်ဆုံး ရောက်မှ တွေ့တဲ့အသိတွေနဲ့ ကျိုက်ထီးရိုးဘုရားကို မီးပေးတဲ့ မီးစက်ကြီးထားတဲ့ အုတ်ဆောင်ထဲရောက်သွားပါတယ်။ ချမ်းလွန်းလို့သာလိုက်သွားတာပါ မီးခိုးတွေ အူနေတဲ့ လှောင်ပိတ်နေတဲ့အခန်းထဲမှာ အသက်ရှူကြပ်လာတာမို့ ခဏနေပြီး အပြင်မှာ ပြန်ထွက်ထိုင်နေရပါတယ်။
အဲဒီကတည်းက ခြေလျင်တက်ဘို့ မစွမ်းတော့ဘူးဆိုတာ ကိုယ့်ကိုယ် သိပြီး တည်းဘို့ ကြိုမလုပ်ထားနိုင်ရင် လာလို့မဖြစ်ဘူးဆိုတာ ကောင်းကောင်းနားလည်သွားပါတယ်။
နောက်အခေါက်တွေမှာတော့ အများအားဖြင့် ရသေ့တောင်အထိကားနဲ့တက် တောင်ပေါ်ကို ခြေလျင်ဆက်တက်နဲ့ အဆင်ပြေခဲ့ပါတယ်။
ခြေထောက်အရိုးအက်ပြီးတဲ့နောက်ပိုင်းမှာတော့ ဟဲဟဲ အသက်(40)ကျော်လာချိန်မှာတော့ တောင်ပေါ်အထိကားနဲ့တက်ဘို့ကိုဘဲ စိတ်သန်လာပါတော့တယ်။
လမ်းလျှောက်တက်တဲ့အရသာမရတော့ပေမဲ့ တောင်ပေါ်မှာ နေရတဲ့ စိတ်ကြည်နူးမှုကလေးကိုရနေသေးတာမို့
နောက်နှစ်တွေလည်း ကျိုက်ထီးရိုးကို လာဘို့ အမြဲတမ်း စိတ်ကူးနေမိနေဦးမှာပါ။