မိတ်ဆွေများအားလုံးကိုသိစေချင်ပြီး သက်ဆိုင်သူအားလုံးကိုမေးချင်ပါသည်။
(ကျွန်မ မိတ်ဆွေတစ်ယောက်ရဲ့ အဖြစ်ကလေးပါ။)
ရန်ကုန်မြိှု့ဗဟန်းမြို့နယ်မှာရှိတဲ့
နာမည်ကြီးအထူးကုဆေးရုံကြီးတစ်ခုရဲ့ တာဝန်ရှိသူများနဲ့
ဒီဆေးရုံမှာလူနာတွေကိုရောဂါကုသပေးနေတဲ့
သမားတော်ကြီးများကို ကိုယ်တိုင်ကိုယ်ကျလိုက်တွေ့ပြီမေးရမှာ
အဆင်မပြေတဲ့အတွက်ကျွန်မ သိချင်လွန်းတဲ့ အချက်တွေကိုဒီကနေဘဲမေးလိုက်ရတာပါ။
ဒီဆေးရုံရဲ့တာဝန်ရှိသူများနဲ့ အထူးကုသမားတော်ကြီးများ မိမိတို့
အသက်သခင်ကျေးဇူးရှင်ဆိုပြီး ယုံကြည်အားကိုစွာနဲ့ ကိုယ့်အသက်ကိုနဲ့
ခန္ဓာကိုယ်ကိုအပ်ထားတဲ့လူနာနဲ့ လူနာရှင်တွေအပေါ် ဘယ်လိုများသတ်မှတ်ပြီး
ဘယ်လိုများသဘောထားပါသလဲ?
ကျွန်မဘာလို့ ဒီမေးခွန်းကိုမေးရသလဲဆိုရင် ကျွန်မအမျိုးသားဟာ
သူယုံကြည်အားကိုးစွာနဲ့ သူ့အသက်ကို အပ်နှံထားတဲ့ အဆစ်အမြစ်သမားတော်၊
ရင်ခေါင်းပိုင်းဆိုင်ရာ သူ့အဆုတ်ကို ကုသပေးနေတဲ့ အမျိုးသမီးသမားတော် ၊
သွေးရောဂါကုသမားတော်ကြီးနဲ့ နောက်ဆုံးအပ်လိုက်ရတဲ့
နှလုံးအထူးကုသမားတော်ကြီးလေးယောက်စလုံးရဲ့ ဥပက္ခာပြု
လစ်လျူရှုခြင်းကိုခံရပြီး (၂၉.၁၁.၂၀၁၀) တနလာင်္နေ့ ညနေ(၄:၃၀) မှာ
အဲ့ဒီဆေးရုံရဲ့ (ICU) ဆိုတဲ့အထူးကြပ်မတ်ဆောင်မှာဘဲ အသက်ပျောက်ခဲ့ရပါတယ် ။
ကျွန်မအမျိုးသားဆုံးတာ ဒီနေ့ဆိုရင် တစ်လကျော်
ရှိသွားပေမဲ့ သူဆုံးခါနီး နိုဝင်ဘာလ (၂၈) ရက်နဲ့ (၂၉)ရက်နေ့တွေမှာ
ဒီဆေးရုံပေါ်မှာ ကျွန်မတို့ခါးသီးစွာတွေ့ကြုံခံစားခဲ့ရတဲ့ အခြေအနေနဲ့
အဖြစ်အပျက်တွေကိုဘယ်လိုမှဖြေဖြောက်မရနိုင်သေးဘူးဆိုတာ
သက်ဆိုင်သူအားလုံးကိုသိစေချင်ပါတယ်။
ကျွန်မရူးမတတ် သိချင်နေတဲ့အချက်က ကျွန်မအမျိုးသားဟာ
ဘာကြောင့်ဒီလောက်အချိန်တိုတို အတွင်းမှာ
လူ့လောကကြီးကနေထွက်ခွာသွားခဲ့တာလဲဆိုတာ သူမဆုံးခင်အချိန်ကလေးအတွင်းမှာ
သူ့ကို ကုသပေးနေကြတဲ့ သမားတော်ကြီးတွေထဲက
တစ်ယောက်လောက်လဲဖြစ်ဖြစ်ရောက်လာခဲ့ပြီး သူဟာဘာကြောင့်
ကုလို့မရနိုင်တော့ဘူးဆိုတာကို ပြောပေးနိုင်ခဲ့မယ်ဆိုရင် ကျွန်မတို့
အနေနဲ့
နည်းနည်းလေးတော့ ဖြေသိမ့်နိုင်လိမ့်မယ်လို့ထင်ပါတယ်။
အခုကျွန်မအမျိုးသားဆုံးခါနီးမှာ ဆေးရုံပြန်တတ်ရတာ ဒုတိယအကြိမ်ပါ ၊
ပထမအကြိမ်က အောက်တိုဘာလ (၂၃) ရက်ကနေ နိုဝင်ဘာလ
(၁၁) ရက်နေ့ထ ရက်နှစ်ဆယ်တိတိကြာခဲ့ပါတယ် ၊ ဒီအတွင်းမှာ
သူ့တို့ကုသပေးနေတဲ့သမားတော်ကြီးသုံးယောက်ပါ ၊အဆစ်အမြစ်သမားတော်
ရင်ခေါင်းပိုင်းဆိုင်ရာ အမျိုးသမီးသမားတော်နဲ့
သွေးအထူးကုသမားတော်ကြီးတွေပါ ၊ ကျွန်မ
အမျိုးသားမှာသွေးလေးဘက်နာရောဂါရှိတဲ့အတွက်
အဆစ်အမြစ်သမားတော်နဲ့ ကုသနေတာတစ်နှစ်လောက်ရှိခဲ့ပါပြီ။ အခုဆေးရုံတတ်ရမဲ့
အခြေအနေကြောင့် သူနဲ့သွားပြတဲ့အချိန်ကစပြီး ကျွန်မတို့
လူနာရှင်တွေဘက်ကကိုယ်တင်ချင်တဲ့ ဆေးရုံကအစ ကိုယ်ကုချင်တဲ့သမားတော်အထိ
ဘာတစ်ခုမှရွေးချယ်ပိုင်ခွင့်မရခဲ့ပါဘူး။ဒီဆေးရုံမှာ
မတင်ချင်လို့တခြားဆေးရုံမှာ တင်ဖို့ပြောပေမဲ့ အဆစ်အမြစ်သမားတော်က
လက်မခံလို့ သူတို့တင်ခိုင်းတဲ့ဆေးရုံမှာဘဲတင်ခဲ့ရပြီး
သူတို့ဆေးရုံမှာရှိတဲ့ သူတို့အချင်းချင်း ချိတ်ပေးတဲ့သမားတော်တွေနဲ့သာ
ကုခဲ့ရတာပါ ၊ ကျွန်မတို့မှာ ကိုယ့်လူနာဘာဖြစ်မှန်း မသိရဘဲ
အဆုတ်သမားတောနဲ့ သွေးသမားတော်တို့ရောက်လာမှ အဆုတ်နဲ့သွေးထဲမှာ
ပြဿနာရှိမှန်းသိရပါတယ်။ ဒါပေမဲ့ လူနာနဲ့ ကျွန်မတို့
လူနာရှင်တွေဆိုပြီ အရမ်းကိုယုံကြည်အားကိုးခဲ့ပါတယ် ၊ ဒီလိုနဲ့ဆေးရုံမှာ
ရက်နှစ်ဆယ်ကြာပြီ နိုဝင်ဘာလ (၁၁) ရက်နေ့မှာ
ဆရာဝန်သုံးယောက်စလုံးက လူနာသက်အန္တာရယ် မရှိတော့လို့ ဆေးရုံက
ဆင်းခွင့်ပြုလိုက်တာကို ယုံကြည်မိပြီးလူနာကို အိမ်ပြန်ခေါ်ခဲ့မိတာ
ကျွန်မတို့ရဲ့ အမှားလားလို့ဖြေမရနိုင်အောင် နောင်တရနေခဲ့ပါတယ် ။
ဒီအဖြစ်မျိုးကြုံရမှာစိုးလို့ လူနာကိုဆေးရုံက မဆင်းစေချင်သေးလို့
လူနာရဲ့ အဆုတ်ထဲမှာ တီဘီဖြစ်နေလို့တီဘီဆေးကိုခြောက်လသောက်ရမယ်ဆိုပြီ
ကုသပေးနေတဲ့ ရင်ခေါင်းသမားတော်ထံကို
ကျွန်မကိုယ်တိုင်ဖုန်းဆက်ပြီ လူနာကိုဆေးရုံမှာ
ပိုစိတ်ချရတဲ့အချိန်ထိထားချင်လို့ လူနာဆေးရုံက
မဆင်းနိုင်အောင်ပြောပေးဖို့
တောင်းတောင်းပန်ပန်ပြောခဲ့တဲ့ လူနာရှင်ကျွန်မရဲ့ စကားကို
လုံးဝလစ်လျူရှုပြီး လူနာကိုဆေးရုံက ဆင်းစေခဲ့ပါတယ်။
ရှေ့ရက်က ပြောခဲ့တဲ့ သမားတော်သုံးယောက်စလုံးရဲ့
အသက်အန္တာရယ်မစိုးရိမ်းရတော့ဘူးဆိုတဲ့ စကားတာမှန်ခဲ့ရင်
လူနာဟာဆေးရု့ပေါ်မှာ
ဒီထက်ပိုပြီးစိတ်ချရတဲ့ အခြေအနေထိနေခဲ့ရမယ်ဆိုရင် အခုလောက်ထိမြန်မြန်
ကျွန်မတို့ကို စွန့်ခွာသွားရမှာ မဟုတ်ဘူးလို့တွေးမိပြီး
ကျွန်မတမြေ့မြေ့နဲ့ခံစားနေရတာဟာ ဘယ်သူကြောင့်ပါလဲ ?
ဆေးရုံကဆင်းပြီဆယ့်ခုနှစ်ရက်ကြာတဲ့အထိ ကြားထဲမှာ အဆုတ်ရဲ့ အခြေအနေကို
တခါမှပြန်မစစ်ဆေးတာဟာ လူနာရဲ့ရောဂါအခြေအနေက သိပ်ကိုစိတ်ချရတဲ့
အနေအထားမှာရှိနေပြီလို့သတ်မှတ်ထားလို့လား ?
ဒါမှမဟုတ်ကိုယ့်ရဲ့ ကုသချက်ဟာအရမ်းမှန်ကန်နေလို့ ကိုယ့်ကိုယ်ကို
ယုံကြည်မှုလွန်ကဲထားတာလား ? လူနာဟာတီဘီရောဂါအမှန်တကယ်
မဟုတ်ဘဲ တီဘီဆေးကိုသောက်နေရလို့
အခုလောက်မြန်မြန်အခြေအနေဆိုးရွားသွားတာလား? တီဘီပိုးမတွေ့ပေမဲ့
ရွေးစရာလမ်းမရှိလို့
တီဘီဆေးကိုဘဲသောက်ရမယ်လို့ပြောသွားတဲ့ ဒီသမားတော်ရဲ့
စကားကိုကျွန်မအခုထိကြားယောင်နေတုန်းပါဘဲ။
ဒါကြောင့်မို့လူနာကို ဒုတိယအကြိမ်
သူမကိုယ်တိုင်ဆေးရုံပြန်တတ်ခိုင်းခဲ့ပေးမဲ့ လူနာအသက်
ထွက်သွားတဲ့အချိန်ထိတချက်မှ လှည့်မကြည့်ဘဲ
ပစ်ထားခဲ့တာဟာ ဘာကြောင့်ပါလဲ? ဘယ်သူမှာတာဝန် အရှိဆုံးလဲဆိုတာ
သူမကိုယ်တိုင်လဲသိနေမှာပါ ။ကျွန်မရဲ့ မေးခွန်းကိုဖြေဖို့သက်ဆိုင်ရာ
သမားတော်မှာ အဖြေတစ်ခုခုတော့ရှိနေလိမ့်မယ်လို့ထင်ပါတယ် ။
ဆေးရုံကဆင်းပြီ တစ်ပတ်အကြာ (၁၈.၁၁.၂၀၁၀)နေ့မှာ
အဆစ်အမြစ်သမားတော်နဲ့ သွေးသမားတော်တို့ချိန်းထားတဲ့
အတွက်သွားပြန်ပြခဲ့ပါတယ် ၊အဲ့ဒီအချိန်ထိ သမားတော် နှစ်ယောက်စလုံးက
လူနာမှာစိုးရိမ်ရတဲ့ အခြေအနေရှိတယ်လို့လုံးဝမပြောခဲ့ပါဘူး။
လူနာကလဲအိမ်မှာစိုးရိမ်းရလောက်အောင် ထူးခြားတဲ့ လက္ခဏာမပြတော့
ကျွန်မတို့လဲ သိပ်မစိုးရိမ်ခဲ့ပါဘူး ၊ ဒီလိုဆရာဝန်တွေကိုဘဲ
ယုံကြည်ထားမိတာဟာလဲ ကျွန်မတို့ရဲ့အမှားလားလို့
တွေးပြီးဖြေမရနိုင်အောင်ခံစားနေရပါတယ်။
ကျွန်မအခုနောက်ဆုံးပြောပြချင်တာကတော့ လူနာဆေးရုံကဆင်းပြီး (၁၇)
ရက်အကြာမှ အဆုတ်သမားတော်ကပြန်ပြဖို့ချိန်းတဲ့
နိုဝင်ဘာလ (၂၈) ရက် နေ့လည် (၁:၃၀) ကနေ လူနာဆုံးတဲ့ နိုဝင်ဘာ (၂၉) ရက်ညနေ့
(၄:၃၀) အချိန်ထိခါးသီးစွာကြုံတွေ့ခဲ့ရတဲ့
အဖြစ်အပျက်တွေပါဘဲ ၊ (၂၈) ရက် နေ့လည် (၁:၃၀) ဆေးရုံရောက်မှ လူနာရဲ့
အဆုတ်ကို ဓာတ်မှန်ပြန်ရိုက်ပြီး အဆုတ်သမားတော်ကို
ပြတော့မှ အဆုတ်ရဲ့အခြေအနေကအရမ်းစိုးရိမ်ရလို့ ဆေးရုံပြန်တင်ခိုင်ပါတယ်။
နှလုံးအခြေအနေလဲမကောင်းလို့ဆိုပြီး နှလုံးအထူးကုသမားတော်ကို
လာကြည့်ခိုင်းခဲ့ပါတယ် ၊ အဲ့ဒီအချိန်ဟာ ကျွန်မတို့
အရေးပေါ်ခန်းမှာဘဲရှိနေသေးတာပါ ၊ ညနေ (၅:၀၀) လောက်မှ
လေးထပ်မှာအထူးခန်းရလို့
လူနာကို အခန်းထဲ ရွှေ့ပေးခဲ့ပါတယ် ၊ဒီအခန်းမှာ လူနာဟာ (၁၈:၀၀)
နာရီလောက်နေခဲ့ရပေမဲ့ နှလုံးသမားတော် အပါအ၀င်ကျွန်မတို့ လူနာကို
ကုပေးဖို့ယုံကြည် အားကိုးစွာ အပ်နှံထားတဲ့ သမားတော်လေးယောက်စလုံး
အရိပ်တောင်မတွေ့ခဲ့ရပါဘူး။ On Call ခေါ်ပေးခိုင်းလဲ တစ်ယောက်မှ
ရောက်မလာကြပါဘူး၊ လူနာဟာ တညလုံးမျက်လုံးကြောင်တောင်နဲ့ မလှုပ်မယှက်
ငြိမ်နေတာကို ဘာဖြစ်လို့ဒီလို ဖြစ်နေတာလဲလို့ လာကြည့်တဲ့
(MO)တွေကိုမေးကြည့်တော့ အဆုတ်ဝေဒနာ
ရှင်တွေဟာဒီလိုဘဲဖြစ်တတ်တယ်လို့ပြောပါတယ်၊
ကျွန်မတို့ကလဲဒီလိုမျိုးတစ်ခါမှမကြုံဘူးတော့
သူတို့ပြောတာကိုဘဲယုံကြည်နေခဲ့မိပါတယ် ၊ နောက်ဒီဆေးရုံကတော်တယ်လို့
သတ်မှတ်ထားပြီးခေါ်ပေးတဲ့ အသက်ခြောက်ဆယ်ရှိ မှော်ဘီမှာ
နေတဲ့အမျိုးသားသူနာပြုက မနက် (၅:၀၀) မှာထပြီး လူနာကို အတင်းထထိုင်ခိုင်း
ရေပတ်အတင်းတိုက်ပေး လူနာကိုအတင်လှုပ်ခိုင်းပါတယ်။
ကျွန်မတို့လူနာရှင်က တားတာလဲမရပါဘူး ၊ ဒီအချိန်မှာ
လူနာကစကားတောင်ကောင်းကောင်းမပြောနိုင်တော့တဲ့အခြေအနေပါ ၊
ဒီအခြေအနေကို တစ်ညလုံးတွေ့မြင်နေရက်နဲ့ သူနာပြုတစ်ယောက်လုပ်နေပြီး
ပြင်းထန်စွာ ဝေဒနာခံစားနေရတဲ့ လူနာတစ်ယောက်ကို
ဒီလိုပုံမျိုးလုပ်သင့်ပါရဲ့လား ? ဒီဆေးရုံရဲ့
တာဝန်ရှိသူတွေဆုံးဖြတ်ပေးကြပါ ၊ လူနာဟာ ဆေးရုံရောက်ပြီနောက်နေ့ နိုဝင်ဘာလ
(၂၉) ရက်
မနက် (၁၁:၀၀) နာရီ အရောက်မှာ လူနာရဲ့အရမ်းစိုးရိမ်ရတဲ့အခြေအနေကြောင့်
ဘယ်သမားတော်ကိုမှ အားကိုးမျှော်လင့်လို့မရနိုင်တော့ဘူး
ဆိုတာသိလိုက်ရတဲ့အတွက် ဒီဆေးရုံရဲ့ (ICU)လို့ခေါ်တဲ့ အထူးကြပ်မတ်ဆောင်ကို
ပို့ပြီအဲ့ဒီမှာရှိတဲ့ တာဝန်ကျဆရာဝန်ရဲ့ လက်ထဲကိုဘဲ
ကိုယ့်လူနာကိုအပ်လိုက်ရပါတယ် ၊ (ICU) ရောက်မှ အဲဒီက ဆရာဝန်တွေပြောလို့
ကိုယ့်လူနာဟာတစ်ညလုံးမျက်လုံးကြောင်တောင်ဖြစ်နေတာဟာ
သတိလစ်နေမှန်းသိလိုက်ရတာပါ ၊ လူနာဟာတစ်ညလုံးသတိလစ်လိုက် ပြန်လည်လာလိုက်
ဖြစ်နေတာပါ ၊ ဒီလိုအခြေအနေမျိုးကို
ခြောက်နှစ်လုံးလုံးဆေးပညာတွေသင်ယူခဲ့တဲ့ဆရာဝန်တွေ တကယ်ဘဲမသိတာလား ?
ကျွန်မတို့ လူနာရှင်ကိုဘာဖြစ်လို့ အမှန်တိုင်းမပြောပေးနိုင်တာလဲ?
(ICU) ရောက်တော့ လူနာကိုတပ်ပေးထားတဲ့စက်တစ်လုံးကမမှန်ဘူးတဲ့ ပျက်နေတာတဲ့၊
ဒါသူတို့ဆရာဝန်အချင်းချင်းပြောလို့ ကျွန်မတို့ ကြားပြီ
တော်တော်ကိုတုန်လှုပ်သွားမိပါတယ် ။(ICU)ဆိုတာ လူနာတွေအရမ်းစိုးရိမ်ရတဲ့
အခြေအနေမျိုးမှာ ပိုက်ဆံအများကြီးပေးမှထားရတဲ့နေရာပါ ။
ဒီလိုနေရာမှာ ဒီလိုအဖြစ်မျိုးဖြစ်သင့်ပါရဲ့လား ? လူနာဟာ (ICU) ရောက်ပြီး
ငါးနာရီကျော်ကြားမှ အသက်ထွက်သွားတာပါ။
အဲဒီ အချိန်ထိဘယ်သမားတော်တစ်ယောက်မှ ရောက်မလာခဲ့ပါဘူး ၊
ဘာဖြစ်လို့မလာကြတာလဲ ? လူနာဟာကလို့မရနိုင်တော့ဘူးဆိုတာကို
ကြိုသိနေခဲ့ရင်တောင် လူနာရှင်တွေကို တစ်ချက်လောက်တော့ မျက်နှာပြပြီး
နှစ်သိမ့်ပေးသင့်တယ်လို့ထင်ပါတယ် ။ ရိုင်းရိုင်းပြောရရင်
ကျွန်မတို့က သမားတော်တွေကိုအခမဲ့ ကုခိုင်တာတောင်မဟုတ်ပါဘူး ၊ သက်ဆိုင်ရာ
ဆေးရုံနဲ့သမားတော်တွေ တောင်းသလောက်ပေးပြီး
အားကိုးတကြီးနဲ့ကိုယ့်လူနာကို အပ်ခဲ့တာပါ။
ဘာဖြစ်လို့များလူနာနဲ့လူနာရှင်တွေကို ဒီလောက်ထိမထေမဲ့မြင်ပြုပြီ
လစ်လျူရှုထားခဲ့ကြတာလဲ?
လူနာဟာ ကုမရနိုင်တော့တဲ့အခြေအနေဖြစ်နေရင်တောင် ကျွန်မတို့ လူနာရှင်ကို
ပွင့်ပွင့်လင်းလင်း ပြောပြသင့်တာပေါ့ ။ အခု သမားတော်တွေရဲ့
လုပ်ရပ်ဟာ ကိုယ်ကုသပေးနေတဲ့ လူနာတစ်ယောက်ကို ပစ်ထားခဲ့တာ
သိပ်ရက်စက်ရာကျနေတယ်လို့များ မတွေးမိဘူးလား? ကျွန်မအခု
ဒီကနေမေးနေတာကို သက်ဆိုင်ရာ ဆေးရုံက တာဝန်ရှိသူတွေနဲ့ သက်ဆိုင်ရာ
သမားတော်တွေသိကြမှာပါ ၊ ကျွန်မဒီကနေတင်ပြတာတွေက
ပုဂ္ဂိုလ်ရေးအရ ဘယ်သူတစ်ဦးတစ်ယောက်ကိုမှ
ထိခိုက်နစ်နာစေလိုတဲ့ဆန္ဒမရှိပါဘူး ၊ လူနာရှင်တွေရဲ့ခံစားချက်ကို
သက်ဆိုင်သူတွေ သိစေချင်ရုံပါ။
ကျွန်မနောက်ဆုံးပြောချင်တာက သမားတော်ကြီးများအားလုံး မိမိတို့ကို
အားကိုးယုံကြည်ပြီး ကိုယ့်အသက်ကို အပ်ထားတဲ့လူနာတွေကို
အချိန်နည်းနည်းပေးပြီ ဂရုစိုက်အလေးထားပေးမယ်ဆိုရင် လူနာတွေကိုယ်စား
ကျွန်မသမားတော်ကြီးအားလုံးကို အမြဲကျေးဇူးတင်နေမိမှာပါ ။
ဒီနိုင်ငံမှာရှိတဲ့ အထူးကုဆေးရုံမှ တာဝန်ရှိသူများနဲ့
သမားတော်များလုံးလူနာ နဲ့ လူနာရှင်တွေအပေါ် ကိုယ်ချင်းစာစိတ်
ထားပေးနိုင်ကြပါစေ ။
