အပြည်ပြည်ဆိုင်ရာ အမျိုးသမီးများနေ့..............တဲ့
ကမ္ဘာကြီးနဲ့ ကင်းကွာပြီး ကြီးပြင်းလာရတဲ့ မြန်မာအမျိုးသမီးတစ်ယောက်အနေနဲ့
အဲဒီနေ့နဲ့ခပ်စိမ်းစိမ်းပေါ့
သိပ်မကြာသေးခင်နှစ်တွေတုန်းက
3rd July ကို မြန်မာအမျိုးသမီးများနေ့လို့
ဘာရည်ရွယ်မှန်းမသိဘဲ အစိုးရက သတ်မှတ်လိုက်တယ်။
ကျွန်မတို့ သူပုန်အုပ်စုကတော့ ဒေါ်အောင်ဆန်းစုကြည်က မြန်မာ့အမျိုးသမီးဂုဏ်ဆောင်မို့
သူ့မွေးနေ့ 19th June ကို မြန်မာအမျိုးသမီးများနေ့လို့ သတ်မှတ်တာကို လက်ခံထားပါတယ်။
သူလို ထက်မြက်ပြီး အများအကျိုးဆောင်ရွက်နေတဲ့ စံပြခေါင်းဆောင်တစ်ယောက်ရဲ့မွေးနေ့မျိုးသာဖြစ်သင့်တယ်မို့လား။
မနေ့ညက နေပြည်တော်ကိုသွားကြမဲ့ International Women Day အတွက်ရောက်နေတဲ့
နိုင်ငံခြားသားအမျိုးသမီးတွေကိုတွေ့တော့ ကျွန်မကိုမေးတယ်
အဲဒီနေ့ကို သိလားတဲ့
ကျွန်မသိတာတော့ ကျင်းပတာ 2နှစ်လောက်ဘဲ ရှိဦးမယ် ထင်တယ်လို့
ငါတို့ မြန်မာအမျိုးသမီးများနေ့ကတော့ ဒေါ်စုမွေးနေ့ဘဲ လို့
ခပ်တည်တည်ပြောလိုက်တယ်။
အဲဒါ အတည်ဖြစ်ပြီးလားတဲ့
ငါတို့အိမ်မက်ပါလို့
ပြန်ပြောမိတယ်။
အိမ်မက်တွေ လက်တွေ့ဖြစ်လာဘို့ လိုပါတယ်။
သူတို့အဖွဲ့တွေနဲ့ ကမ်းနားလမ်းအတိုင်း လမ်းလျှောက်လာတော့
မနေ့က သစ်ပင်အကြီးကြီးတစ်ပင်ကို ခုတ်နေတယ်တဲ့
နောက်နေ့မှာ အသေးလေးတွေကို ပြန်စိုက်တယ်တဲ့
ဘာကြောင့်လဲတဲ့
ကျွန်မလဲ ဘာပြန်ပြောရမှန်းမသိတာနဲ့
poor management လို့ ခပ်တိုတိုပြန်ဖြေလိုက်ပါတယ်။
မြန်မာပြည်က Gas ထွက်ပေမဲ့ ရောင်းတဲ့ဈေးက USA ထက်ကြီးနေတာဘာကြောင့်လဲတဲ့
poor technology
ကိုယ်ထွက်တဲ့ကုန်ကြမ်းကို ရတဲ့ဈေးနဲ့ထိုးရောင်းပြီး
အသုံးလိုတဲ့ ကုန်ချောကို ဈေးကြီးကြီးနဲ့ပြန်ဝယ်နေရတဲ့ ဘ၀တွေပေါ့။
ပြီးခဲ့တဲ့အပတ် Sunday ကကျွန်မဧည်သည့် ကို ရွှေတိဂုံသွားပို့တော့
ယက္ခမယ်တော်နားမှာ ကျောင်းသားအရွယ်တွေ အများကြီးကိုတွေ့တော့
ဘာလုပ်နေတာလဲ မေးတယ်
10တန်းစာမေးပွဲအတွက် လာဆုတောင်းကြတာလို့ အမှန်အတိုင်းဘဲ ဖြေလိုက်ပါတယ်။
သူကတော့ ညှာညှာတာလေး အဲ့ဒီနေ့ကပြန်ပြောပါတယ်။
Confidence အတွက်ပေါ့တဲ့
မနေ့ညကတော့ သူ့အဖွဲ့တွေပါလာပြီး အဲဒီအကြောင်းကိုပြန်ရောက်သွားပါတယ်။
poor education
အာရှတိုက်ဘက်မှာ ကလေးတွေရဲ့ပညာရေးမှာ ဖိအားတွေရှိနေတယ်လို့
သူတို့က ပေါ့ပေါ့ပါးပါးပြောသွားပေမဲ့
စကားဝိုင်းထဲမှာ မြန်မာတစ်ယောက်တည်းဖြစ်နေတဲ့ကျွန်မကတော့
လေးလေးပင်ပင်နဲ့ဖိထားသလိုခံစားမှုတွေရလာပါတော့တယ်။
Subscribe to:
Post Comments (Atom)
No comments:
Post a Comment