စာအုပ်တွေရှင်းရင်းထွက်လာတဲ့ ကဗျာလေးတပုဒ် အမှတ်တရပြန်တင်ပါတယ်။
ရေးတဲ့လူကို မသိတာခွင့်လွှတ်ပါ။
ဆုံမှတ်
အမေ.........
နေကောင်းပါရဲ့လားအမေ..
ခြံနံပါတ် 54 ကို
အမေ့လက်နဲ့ကိုယ်တိုင်ဖွင့်မဲ့....တနေ့ကို
တက္ကသိုလ်ရိပ်သာက သစ္စာတော်မပျက်
စောင့်နေဆဲ့ပါအမေ.....။
ရှိပါတယ်အမေ....
ကျွန်တော့်သူငယ်ချင်းတွေလဲရှိပါသေးတယ်...
သူတို့လည်းနေကောင်းကြပါရဲ့......။
တချို့ကတော့
နိုင်ငံသားပြောင်းလဲခံယူရင်း
မြန်မာပြည်ကိုချစ်နေကြတုန်းပဲ အမေ
ဇာတိမြေကို အလည်အပတ်ပြန်တိုင်း
အရင်အတိုင်းပဲနော်........လို့
ဝတ်ကျေတန်းကျေနှုတ်ဆက်
ဈေးဝယ်... မပျက်ကြပါဘူး..။
တချို့ကတော့
ဒုက္ခသည်ယောင်ဆောင်ရင်း
(သူတို့အရေးအတွက်( ဒို့အရေး ဒို့အရေး..နဲ့
နယူးယောက်ကနေ
အမေလွတ်မြောက်ရေး ကျိုးပမ်းနေကြပါတဲ့။
အမေ့ပါတီလည်းရှိပါသေးတယ်အမေ..
တချို့က မဲဆွယ်တုန်းမှာ တချို့က မဲမပေးဖို့ပြော
ပါတီဖျက်သိမ်းခိုင်းကာမှ မွေးနေ့ပွဲလုပ်နဲ့
ကြေညာချက်....မထုတ်တော့တာကလွဲရင်
အရင်လိုခမ်းခမ်းနားနားပါဘဲ အမေ။
ရန်ကုန်ကတော့ ခြူချာရှာတယ်အမေ..
ဦးနှောက်ယိုစီမှုကို ကုစားတုန်း....AIDS ဖြစ်
မီးစက်မောင်းသံတွေကြားက.....စခန်း ခဏ လိုက်ခဲ့ပါခေါ်လိုခေါ်
ဆယ်တန်းသမားတွေက အနှိပ်ခန်းမှာ စာကျက်
တချိုကထမင်းမချက်နိုင်တော့
ထမင်းရည်... ၀ယ်သောက်ကြရတယ် အမေ။
ဘာဘဲပြောပြောအမေ
ရန်ကုန်မှာ ကျော်သူ နဲ့ ထောင်မှူး
သူတို့နှစ်ဦးလောက်တော့
ဘယ်သူမှ အလုပ်မများဘူးလေ....။
အမေ
အမေမရှိတုန်း...ကျွန်တော်တို့ နာဂစ် ကိုသိသွားတယ်..
ရွှေဝါရောင်....အီလက်ထရောနစ်ဥပဒေ....နယ်ခြားစောင့်တပ်
ရွေးကောက်ပွဲ... နေပြည်တော်..
ဒါတွေနဲ့လဲ ရင်းနှီးသွားတယ်
အပြောင်းအလဲတွေကတော့
အများကြီးပေါ့ အမေရယ်..။
ရန်ကုန်မှာမွေးခဲ့တဲ့လူတွေက
နိုင်ငံခြားသားလုပ်ပြီးပြန်လာ
ဇာတိကို ရွံ့ရှာသလိုနဲ့ပြန်ကြည့်
မချိပေမယ့် မပြောသာပါဘူးအမေ..
ကျွန်တော်တို့ကနိမ့်ပါးချိန်ကို....။
အမေ
ကျွန်တော်တို့ တိုက်ပွဲမှာ
ခဏခဏ ကျဆုံးပေးနေရတာက
ပြက္ခဒိန်စာရွက်တွေပါအမေ...
ဟောတစ်ရွက် ဟောတစ်ရွက်နဲ့
ဆုတ်ဖြဲနေလိုက်ကြတာ
အဲဒါ ရက်ရာဇာတွေချည်းပဲဆိုတာ
ကျွန်တော်တို့ အသိနောက်ကျခဲ့ပါတယ်အမေ..။
အမေ
ပြောကြည့်ပါရစေ
ကျွန်တော်မျှော်လင့်နေတာကလေ
ဒီမိုကရေစီလဲ ဟုတ်ချင်မှ ဟုတ်မယ်။
ငြိမ်းချမ်းရေးလဲ ပါချင်မှ ပါမယ်။
အစည်းအဝေးလည်းတက်ချင်မှ တက်ရလိမ့်မယ်အမေ..။
ဒါပေမဲ့
နိုင်ငံသားတွေ နိုင်ငံခြားသားဖြစ်စရာ မလိုတော့တဲ့နေ့
ဒုက္ခသည်တွေ ဒုက္ခသယ်စရာ မလိုတော့တဲ့နေ့
နှစ်ယောက်ရှိရင် သုံးဖွဲ့... မကွဲတော့တဲ့နေ့
ပညာတတ်ရင် ထမင်းမငတ်တဲ့နေ့
အရောင်မတူတာကို ရန်သူလို့မသတ်မှတ်တဲ့နေ့
အဲဒီနေ့ကိုပါအမေ..။
ကျွန်တော်လဲသွားရင် အမေထူပေးပါ
အမေ့အားနဲ့.....မနားမနေကျိုးစားစမ်းပါ့မယ်
ကျွန်တော်တို့အားလုံး
ရန်ကုန်မှာပြန်ဆုံကြဖို့လေ..............။
No comments:
Post a Comment