ဘ၀ထဲက ဖယ်ထုတ်ထားသူများ (1)

ဘ၀ထဲကနေ ဖယ်ထုတ်ပစ်လိုက်တဲ့လူတွေ အများကြီးရှိခဲ့တယ်။

အကြောင်းအမျိုးမျိုးကြောင့်ပါ။

ကျွန်မထက် အသက် (2)နှစ်ကြီးတဲ့ တစ်ဝမ်းကွဲ အကိုတစ်ယောက်ရှိတယ်။

တစ်ဝမ်းကွဲဆိုပေမဲ့ ငယ်ငယ်တုန်းက တအိမ်ထဲ ကြီးပြင်းလာကြတာမို့

 မောင်နှမအရင်းတွေလို နေခဲ့တယ် ထင်ပါတယ်။

ကျွန်မလဲ တက္ကသိုလ်တက် သူလဲ ဗိုလ်သင်တန်းသွားဆိုတော့

တဖြည်းဖြည်းနဲ့ ဝေးသွားကြတာပေါ့။

နောက်ပိုင်း ပြန်တွေ့တော့ အလေးမပြုတတ်တဲ့ကျွန်မက သူနဲ့ ခပ်ဝေးဝေးနေခဲ့တယ်။

ကျွန်မကျောင်းပြီးတော့ သူလဲ ရှေ့တန်းမှာ ဒါဏ်ရာ ရပြီး အရပ်ဖက်ကိုပြောင်းရတယ်။

ဌာနဆိုင်ရာတွေမှာ ငါတို့က တပ်မတော်ကနေလာတာ

အရာရာကို လုပ်တတ်ကိုင်တတ် စီမံတတ်တယ်လို့ စိတ်ကြီးဝင်နေကြတဲ့ခေတ်ပေါ့။

ကျွန်မကတော့ ဘွဲ့လေးတစ်ခုရပြီး ဘာလုပ်ရမှန်းမသိဘဲ 1988 ခေတ်ပျက်ကြီးထဲမှာ

မာန်ကလေးနဲ့ အမှီအခိုကင်းကင်းနဲ့ ရပ်တည်နိုင်အောင် ယိုင်နဲ့နဲ့ ယောင်ဝါးဝါး

လမ်းပျောက်နေချိန်ပေါ့။

ကျွန်မအကို အရေးပါနေတဲ့ ဌာနမှာဖွင့်တဲ့ သင်တန်းတစ်ခုကြော်ငြာတွေ့လို့

အဲဒါလေးများတက်ရင် အလုပ်ရဘို့ အထောက်အကူပြု့မလားလို့စဉ်းစားပြီး

သူတို့ရုံးရှိတဲ့ ဆူးလေ အ၀ိုင်းကို တက်ခဲ့ဘူးတယ်။

အချိန်(1)နာရီလောက်စောင့်ပြီးချိန်မှာတော့ အကိုလုပ်တဲ့သူကိုတွေ့တော့

သင်တန်းအကြောင်းမေးတုန်း.......... ပြန်ပြောလိုက်တဲ့ခပ်တိုတို စစ် စကားတစ်ခွန်းကို မှတ်မိတယ်။

သင်တန်းတက်ဘို့ဆိုတာ မလွယ်ဘူးတဲ့။

ကျွန်မကလဲ ဒါဆိုလဲ ရပါတယ်လို့ တခွန်းဘဲပြောပြီး

အဲဒီရုံးခန်းက ပြန်ဆင်းလာလိုက်တာ

ခုဆို နှစ်ပေါင်း 26နှစ်ကြာခဲ့ပြီ။ မျက်နှာချင်းမဆိုင်တာလဲ 26နှစ်ရှိခဲ့ပြီ။

ဘ၀တွေ အခက်အခဲတွေ အလုပ်တွေ သင်တန်းတွေ အမျိုးမျိုး တွေ့ခဲ့ပြီးပြီ။

ဒါပေမဲ့ မကြာသေးခင်က သူ့အဖေ ဆုံးတော့ ဖုံးနဲ့ပြန်အဆက်အသွယ်ရခဲ့တယ်။

ဒီနေ့ဖုံးဆက်လာတယ် သူရန်ကုန်က သံရုံးတစ်ခုမှာ သင်တန်းတက်မှာမို့

အိမ်မှာ တည်းလို့ ရမလားတဲ့။

တုံ့ဆိုင်းဆိုင်းအသံနဲ့ပေါ့။

ကျွန်မကတော့ နေရာလှူတယ်လို့သဘောထားပြီး

အိပ်လို့တော့ရပါတယ်။ သော့တစ်ချောင်းပေးထားမယ်။

ကျန်တာကိုယ့်အစီအစဉ်နဲ့ကိုယ်လို့ချက်ချင်းပြန်ပြောလိုက်ပါတယ်။

အေးစက်တဲ့အသံနဲ့ပေါ့။

ဒါ မြန်မာ မောင်နှမတဲ့လား။

အလွဲတစ်ခု

ကျွန်မ သွားသွားနေတဲ့ (9)မိုင်နှီးဘုရားမှာ ဥာဏ်တော် (3)ပေလောက် ရှိတဲ့ ကြေးဆင်းတုတော် ကို

စားပွဲပုလေးမှာ တင်ထားပြီး ကြမ်းပြင်ကနေ ရှစ်ခိုးရတယ်။

သဘောကျလို့ နောက်များ ကိုယ်ပိုင်နေရာလေးတစ်ခုရလာရင် အဲ့လိုလေး လုပ်မယ်စိတ်ကူးထားခဲ့တယ်။

ကျွန်မသူငယ်ချင်းတစ်ယောက်က ဘယ်လိုဆင်းတုတော်မျိုး ကြိုက်လဲလို့မေးလာတဲ့အခါမှာ

ငါက ဘုရားကို ကြီးကြီးပူဇော်ချင်တယ်လို့ဖြေလိုက်တယ်။

အဲဒီသူငယ်ချင်းက ငါနင့်ကို ဘုရားအတွက် လက်ဆောင်တစ်ခုပေးမယ်တဲ့။

ကျွန်မ သူတို့ရွာက အပြန်မှာ လက်ဆောင်ထုတ်တစ်ခုပေးလိုက်တယ်။

နင့်ဘုရားစင်အတွက်တဲ့ ကွဲမယ် သေချာကိုင်သွားဆိုပြီး လေဆိပ်အရောက်လာပို့တယ်။

အိမ်ရောက်တော့ ဖွင့်ကြည့်လိုက်တော့ အော် ဘုရားဆင်းတုတော် တင်ဘို့လို့ စိတ်ထဲ တွေးလိုက်မိတယ်။

ဖန်နဲ့လုပ်ထားတဲ့ပစ္စည်းလေးပါ။

နုနုရွရွ လက်ဆောင်ရဘူးတာ ဒါပထမဦးဆုံးပါဘဲ။

ကျွန်မမှာ ကိုယ်ပိုင်ပစ္စည်း နည်းနည်းဘဲ ရှိပါတယ်။

ဝယ်စရာငွေမရှိလို့ မ၀ယ်ခဲ့ရာကနေ ပစ္စည်းဆိုတာ လိုချင်စရာဆိုတဲ့စိတ်ပျောက်နေလားတောင်

တခါတလေ ထင်မိတယ်။

ထိန်းချုပ်ရင်းက အလေ့အကျင့်ဖြစ်သွားတာထင်ပါတယ်။

မ၀ယ်ခင်မှာ ငါတကယ်လိုအပ်သလားလို့ 2ခါထက်မနည်း အမြဲစဉ်းစားပြီးမှ ၀ယ်လေ့ရှိတယ်။

(3)ခါလောက်စဉ်းစားရင်တော့ မ၀ယ်ဖြစ်တာ သေချာသွားပါတယ်။

အ၀တ်စားဆိုလဲ တစ်နှစ်ကို ဘယ်နှစ်ထည် ၀ယ်မယ် ၀တ်မယ်လို့ သတ်မှတ်ပြီး

နှစ်ပေါင်းများစွာနေသားကျနေခဲ့တာပါ။

အခုရောက်နေတဲ့နေရာသစ်မှာ ဘုရားဆင်းတုတော်မရှိသေးတာမို့

ရွှေတိဂုံဘုရားပုံမျက်နှာဖုံးနဲ့ စာအုပ်ကို အိပ်ယာဘေး ထောင်းထားပြီး နေ့တိုင်း ဦးချနေခဲ့တာ

သူငယ်ချင်းက ဘုရားနဲ့ပတ်သက်တာပေးတော့ ဘုရားဆင်းတုတော်ဝယ်မယ်လေလို့ ဆုံးဖြတ်လိုက်ပါတယ်။

မှတ်မှတ်ရရ ၀ါဆိုလပြည့်နေ့ပေါ့

ကျွန်မသူပေးလိုက်တဲ့ ပုံးကြီးမပြီး ရွှေတိဂုံဘုရားနားက ဆင်းတုတော်တွေ ရောင်းတဲ့ဆိုင်တန်းကို

လျှောက်ကြည့်တယ်။

သူပေးလိုက်တဲ့ ဖန်ပစ္စည်းပေါ်တင်ဘို့ဆိုရင် ဥာဏ်တော် 1ပေလောက်ရှိတဲ့ ကြေးဆင်းတုတော်လောက်ဘဲ

သင့်တော်မယ်လေ ကျွန်မက ဥာဏ်တော် 3ပေ လောက်လိုချင်တာ

ဒါပေမဲ့လဲ စေတနာနဲ့ပေးတဲ့ သူငယ်ချင်းမျက်နှာ တနေကုန်လိုက်ရှာပြီး စိတ်တိုင်းကျ အချိန်ပေးဝယ်တဲ့

သူ့အမျိုးသား ရဲ့မျက်နှာတွေ မြင်ယောင်ပြီး

ဥာဏ်တော် (1)ပေလောက်ဘဲ ၀ယ်လိုက်ပါ့မယ်လေလို့ စိတ်ပြောင်းလိုက်ပါတယ်။

ဥာဏ်တော် (1)ပေ ထဲကမှ မျက်နှာတော်တွေ လိုက်ကြည့်ဖြစ်တယ်။

ကိုယ်အာရုံပြုရမဲ့ ဆင်းတုတော်က စိတ်နှလုံးကို တည်ငြိမ်ရွှင်လန်းစေရင် ကောင်းမယ်ဆိုတဲ့စိတ်နဲ့ပေ့ါ။

(2)နာရီလောက် အချိန်ပေးလိုက်တဲ့အခါမှာတော့ ကျွန်မစိတ်ကြိုက် ကြေ။ဆင်းတုတော် တစ်ဆူ ရလာပါတယ်။

အိမ်ပြန်လာတော့ သူငယ်ချင်းပေးလိုက်တဲ့ ဖန်တုံးပေါ်ကိုကြေးဆင်းတုတော်လေး တင်ပြီး

ပေးတဲ့လူစိတ်ချမ်းသာအောင် ဓါက်ပုံလေးရိုက်ပို့လိုက်မှလို့စိတ်ကူးပေါ့။

ဓါက်ပုံရိုက်ပြီး သူငယ်ချင်းဆီပို့လိုက်ချိန်မှာမှ ကိုယ့်အဖြစ်ကိုယ်သေချာသိသွားပါတယ်။

သေချာအောင် သူငယ်ချင်းကို ထပ်မေးလိုက်ပါတယ်။

နင်ပေးလိုက်တာ ကလပ် လား ပလ္လင်လားလို့

သူက ကျွန်မ ဘုရားကြီးကြီး ၀ယ်ရင် သစ်သီးကပ်ဘို့ ကလပ်ပေးလိုက်တာပါ။

ကျွန်မက သေချာ မကြည့်ဘဲ သူပေးလိုက်တာ ပလ္လင်ထင်ပြီး

အဲဒီပလ္လင်နဲ့လိုက်မဲ့ ဆင်းတုတော်ကို လိုက်ရှာနေခဲ့တာပါ။

အဲဒီလိုလွဲပီးတဲ့နောက်မှာတော့

ဒီအတိုင်းဘဲ ထားလိုက်ပါတော့မယ်လို့ ဆုံးဖြတ်လိုက်ပါတယ်။

သူငယ်ချင်းကတော့ အားပေးရှာပါတယ်

နင်နဲ့ ထိုက်တဲ့ ဘုရားကြွလာတာပါတဲ့။

ဟုတ်မှာပါ။

( ကိုကျော်ဇေယျ နဲ့ ခိုင်ညွှန့် သို့)

Peace of mind

တသက်တာမှတ်တမ်း

ဆရာကြီးရွှေဥဒေါင်းရဲ့ တသက်တာမှတ်တမ်း ဖတ်ခဲ့တာကိုပြန်သတိရမိတယ်။

ဆူးတွေတချောင်းပြီးတချောင်း ထွက်လာတဲ့ အဖြစ်တွေကိုလေ

ဖြူးကောင် တွေက ငြိမ်နေချိန်မှာတော့ ဆူးတောင်တွေက ဘေးကို ကျနေတာ

တစ်စုံတခု အန္တရယ်အနံရပြီဆိုတာနဲ့ ချက်ချင်း ဘေးကို ကားထွက်သွားတာကို

မြင်ယောင်နေမိတယ်။

ပတ်ဝန်းကျင်က ဆူးလေးတွေ ပေါက်လာအောင် စေ့ဆော်ပေးခဲ့တယ်။

ဆရာကြီးကို ရည်းစားထားတဲ့အတွက် အ၀တ်အစားချွတ်ပြီးအိမ်ရှေ့မှာ ထားရိုက်ခံရတာကို

သူကပြန်ရေးပြခဲ့တယ်။

လူကြီးတွေက နင်ကလေးဘဲ ရှိသေးတယ် ရည်းစားထားချင်အုန်းဟဲ့ဆိုပြီး

ဂရုဏာဒေါသတွေနဲ့ လုပ်ခဲ့တာပေမဲ့ အဲဒါက ဆူးတစ်ချောင်းပေါက်လာစေတယ်လို့

ဆရာကြီးက ရေးခဲ့တယ်။

ကိုယ်တိုင်ရော ပတ်ဝန်းကျင်မှာပါ မိဘနဲ့သားသမီး၊ ညီအကိုမောင်နှမချင်း

နားလည်မှုလွဲမှားနေတာတွေကို ခံစားနေကြရတယ်။

အဲဒီအတွက်လည်း ဘာလုပ်ရမှန်းမသိ နှစ်ဖက်စလုံးကိုလဲ အပစ်မတင်ချင်တော့

ကိုယ်တိုင်ကတော့ ဥပေက္ခာ ထားရမယ်။

လုပ်နိုင်တာလုပ်ပေးပြီးရင် မနိုင်တာကို လွှတ်ချထားလိုက်မယ်လို့

တစ်ယောက်တည်း ဆုံးဖြတ်နေခဲ့တယ်။

အချိန်ရတဲ့တနေ့မှာတော့ ကိုယ်တိုင်ဆူးတွေ တချောင်းပြီးတစ်ချောင်းပေါက်ခဲ့ရတဲ့အဖြစ်တွေကို

မှတ်တမ်းတင်ဦးမယ်။

ခုလောလောဆယ်မှာတော့ ဆူးတောင်တွေ အသာချပြီး

ဘ၀အတွက် ........................... ငွေရှာလိုက်ဦးမယ်။

ဘ၀ဆိုတာ..............

No choice လို့ မကြာခဏ ကြားခဲ့ရဘူးတယ်။
ချောင်ပိတ်မိနေတဲ့သူတွေ သုံးလေ့ရှိတဲ့စကားလုံးပေါ့။
ဒါပေမဲ့ ကိုယ့်ဘ၀ကို ဘယ်လိုရှင်သန်ချင်သလဲဆိုတာ
ကိုယ်တိုင်ရွေးချယ်ခွင့်ရှိရမယ်။
ကိုယ့်ရွေးချယ်မှုက ရလာမဲ့ အပူအအေးတွေကိုလဲ
ခံနိုင်ရည်ရှိရမယ်။
ရွေးချယ်မှုတိုင်းရဲ့ ရလာဒ်ကတော့ အကောင်းအဆိုး တွဲနေမြဲပါဘဲ။
တခုခုတော့................ကိုယ်တိုင် ဆုံးဖြတ်သင့်တယ်။
ကိုယ်မဆုံးဖြတ်ရခင်မှာ
 ကိုယ့်ကို အချိန်တခုမှာ  သူများဆုံးဖြတ်သွားတာကို မခံရခင်ပေါ့။
ဘ၀ ဆိုတာ.........................

ရွေးချယ်မှု

ငွေ ၊ ကျန်းမာရေး၊ မိသာစုဘ၀ ၊ လူမှုရေး
ဒါတွေကို အချိုးညီဘို့ ဘယ် ဖော်မြူလာကို သုံးရမလဲ။