pay day လခထုတ်တဲ့နေ့

လူမှန်းစပြီး သိတတ်ကတည်းက လခထုတ်တဲ့နေ့နဲ့ ရင်းနှီးခဲ့တယ်။

အမေက အစိုးရ၀န်ထမ်းလေ......လခ ရတာပေါ့။

လွန်ခဲ့တဲ့နှစ်(၄၀)လောက်က အစိုးရ၀န်ထမ်း လခ ထုတ်တယ်ဆိုတာ
အဓိပ္ပါယ်ရှိခဲ့ပါတယ်။

အမေလခထုတ်တဲ့နေ့တွေဆို ရုံးလိုက်သွားပြီး မုန့်စားရတာကိုး

ကျွန်မလဲ ဘ၀ကို အစိုးရအလုပ်နဲ့စတင်ခဲ့တယ်။

အောက်ခြေက စရတာပါ တကယ့်အောက်ခြေဘဲ

နွေရာသီရွှေမော်ဓေါဘုရားပွဲမှာ အမေတို့ဌာနက နှစ်တိုင်း တလကျော်
စားသောက်ဆိုင် ဖွင့်ရောင်းလေ့ရှိတယ်။

ပလာတာ၊ဆီချက်ခေါက်ဆွဲနဲ့လဘက်ရည်၊ကော်ဖီနဲ့ အအေးမျိုးစုံပေါ့။

ဝန်ထမ်းတွေတာဝန်ချထားသလို ၀န်ထမ်းသားသမီးတွေလဲ ၀င်လုပ်ခွင့်ရှိတယ်။

uniform 3 စုံ၊ နေ့တွက်နဲ့ စားဘို့ ကူပွန် ရတယ်။

ညနေ (၂)နာရီလောက်နေ ည(၁၂)နာရီ ဘုရားပွဲလူရှင်းတဲ့အချိန်ထိ လုပ်ရတယ်။

အခြားဝန်ထမ်းတွေက သူတို့သားသမီးကို စားပွဲထိုး ဈေးရောင်းမလုပ်စေချင်ဘူးတဲ့။

ကျွန်မတို့အမေကတော့ အိမ်မှာ ညီအစ်မနှစ်ယောက်ကို ထားခဲ့ရမှာ စိတ်မချတာနဲ့
နှစ်တိုင်း ဘုရားပွဲဈေးမှာ ဈေးရောင်းစေခဲ့တယ်။

အစားအစာတွေ သယ်နိုင်တဲ့နှစ်ကစပြီး အလုပ်လုပ်ရတယ်။

မသယ်နိုင်ခင် ကလေးဘ၀ကလည်း နှစ်တိုင်း အမေနဲ့ ညဘက်လိုက်ရတာပါဘဲ။

တချို့ညတွေ နောက်ကျရင် ပွဲတွေ ရုံဖွင့် ၀င်ကြည့်ကြတာ ပျော်စရာပါ။

(၇)တန်းလောက်ကတည်းက လုပ်ခ လစာနဲ့ ရင်းနှီးခဲ့ရပြီး လုပ်ခမျိုးစုံရခဲ့ပါတယ်။

နွေရာသီမှာ ကျောင်းစာအုပ်တွေကို ဒီတိုင်းရောင်းရင် ရတာနည်းလို့
စာအိတ်ကလေးတွေလုပ်ပြီးရောင်းခဲ့တယ်။

အကျီင်္လက်ချုပ်လိုက်ခဲ့တယ်။

ဘွဲ့ရပြီးခါစ ၁၀တန်း ဘောဂဗေဒ ကျူရှင်သင်လိုက်သေးတယ်။

နောက်ပိုင်းအစိုးရအလုပ်ကို စား/ဖျော်မှာ နေ့စား ၆ကျပ်၁၅ပြားနဲ့စာရင်းကိုင်ဘ၀ကို စခဲ့တယ်။

သူတို့ပြောတာသာ စာရင်းကိုင်ပါ
ကျွန်မက မနေတတ်တော့
ဝယ်တဲ့လူလာရင် ပလာတာလဲ ထရောင်းတာဘဲ
ရေခဲမုန့်လဲ ထခတ်တာဘဲ
ဆီချက်လဲ ထလုပ်တာပါဘဲ
................
စာရင်းကိုင်(၁)
စားရင်ကိုင်(၂)
.............
အရက်နဲ့အစားအစာရောင်းတဲ့ဌာနကို မကြိုက်ပေမဲ့ စားဝတ်နေရေးအတွက် လုပ်နေခဲ့ရတယ်။

နောက် မြန်မာ့သစ်လုပ်ငန်းကို ပြောင်းခဲ့တယ်။

ဒုတိယမန်နေဂျာ (ဘဏ္ဍာရေး) ဆိုတဲ့ အခေါ်အဝေါ်ကနေ
ကျွန်မတို့ အလုပ်ဝင်တော့ အငယ်တန်းလက်ထောက် (ဘဏ္ဍာရေး)လို့ပြောင်းလိုက်တယ်။

ကျွန်မတို့ အသစ်အုပ်စုက အော်...........အငယ်တန်းဖြစ်ရတဲ့ အထဲ
လက်ပါထောက်ရဦးမှာ လို့ရီမောပြီး နေခဲ့တာဘဲ။

Senior အစ်မတွေက သင်ပေးလိုက်တယ်။
ကိုယ့်နံမည်ရှေ့မှာ ဒေါ် တပ်မခေါ်ရင်ဘယ်သူ့ကိုမှ စကားပြန်မပြောနဲ့တဲ့။

ဒါပေမဲ့ သစ်လုပ်ငန်းက အထက်အောက် ရိုသေမှုတော့ အတော်လေးရှိတယ်။

အလုပ်ထွက်ပြီး ပြန်တွေ့ချိန်မှာတောင် ကိုယ့်အဖေလောက်ရှိတဲ့ ရုံးအုပ်ကြီးက
ဒေါ်......တပ်ခေါ်နေသေးတယ်။

ဧရာဝတီမြစ်ကြောင်းတလျှောက် သစ်လုပ်ငန်းရှိတဲ့ ဗန်းမော်ကနေ ရန်ကုန်အထိ
တစ်မြို့တစ်ယောက်နှုန်းနဲ့ အသစ် ၂၅ယောက်ခန့်လိုက်တယ်။
အဲဒီလိုနဲ့ ကျွန်မလဲ ဧရာဝတီမြစ်ကမ်းက ပြည်မြို့မှာ ၄နှစ်ကျော်လောက် သောင်တင်နေခဲ့တယ်။

စားဖျော် ဌာနက လစာအပြင် အပိုဝင်ငွေကိုပါ တရားဝင်လို ထပ်ဆောင်းပေးတဲ့ဌာနပေမဲ့.........
အရက် ဆိုတာကို စိတ်ကုန်လို့.........ပြောင်းပစ်လိုက်တယ်။

ရာထူးလေးတော့ တိုးလာပါတယ်။
လစာက နည်းနည်းတိုးပြီး အပိုဝင်ငွေဆိုတာနဲ့ ဝေးသွားတော့တာပေါ့။

ဒါပေမဲ့ ကိစ္စမရှိဘူး ကိုယ့်ရွေးချယ်မှုဆိုပြီး ............. အမေ အမြင်မကြည်လင်ပေမဲ့..
စက်ဘီးကလေးရောင်းပြီး...........မြို့ကလေးကထွက်ခဲ့တယ်။

လူတွေက ထင်ကြတယ် သစ်လုပ်ငန်းမှာမို့ ထောသွားပြီတဲ့
အခြားလူတွေတော့ မသိဘူး
၎နှစ်ခွဲ  အလုပ်လုပ်လာတာ  သစ်ဆို သွားကြားထိုးတံ တောင်မရခဲ့ဘူးဘူး။
ရုံးကပေးတဲ့အိမ်ကလေးမှာ တစ်ယောက်တည်းနေပြီး
ရတဲ့လခနဲ့ ပြတ်တခါ ပြတ်တလှဲ့ နေလိုက်တာပါဘဲ။

စာအုပ်ဆိုင်ကို နေ့တိုင်းသွားနိုင်ပြီး
ဇော်ဝင်းထွဋ်  ကို ကြိုက်တတ်လာတာပေါ့။

စက်ဘီးရောင်းထားတဲ့ပိုတ်ဆံလေးလဲ ကုန်သွားတယ်။

လခထုတ်မဲ့မနက်မှာ အကြွေနည်းနည်းပါးပါးဘဲကျန်တယ်။

အို .......ဒီနေ့လခထုတ်မှာဘဲ......ရတယ်ပေါ့........

အသက်က ၂၆နှစ်လေ ...........လခထုတ်ပြီးမှ ထမင်းဝယ်စားလိုက်မယ်လို့ တွေးပြီး
ရုံးထွက်လာခဲ့တယ်။

ဟား ဟား ........ ရုံးမှာ အစည်းဝေးရှိနေလို့ လခထုတ်တာ နောက်ကျမယ်တဲ့...
ဟိ... ရုံးအုပ်စာရေးကြီးကပြောတယ်။

ရေသောက်ပြီး ထိုင်စောင့်လိုက်တာ နေ့ခင်း ၁နာရီခွဲလောက်မှ လခရတယ်။

၁၂၅၀ကျပ်

အဆာလွန်လို့ ခေါင်းထဲ မူးနောက်နေတာဘဲ

ထမင်းသွားစားမဲ့စိတ်ကူးလဲ ပျက်သွားတယ်။

ပြည်-ရန်ကုန်လမ်းဘေးက လဘက်ရည်ဆိုင်လေးမှာ ထိုင်ပြီး
နွားနို့နဲ့ပေါင်မုန်မှာစားလိုက်တယ်။

စိတ်ထဲမှာ ဘယ်လိုခံစားရမှန်းတောင် မသိတော့ဘူး။

အဲဒါနဲ့ လဘက်ရည်ဆိုင်ထဲကထွက်ပြီး ရန်ကုန်းဘက်ပြန်တဲ့ကားတစ်စီးကိုတားပြီး
ရန်ကုန်ဆင်းလာခဲ့မိတယ်။

လခထုတ်တဲ့ တစ်ရက်မှာပေါ့။

ဒီနေ့လား

ပြည်မြို့မှာကတည်းက ခေါက်ဆွဲကြော်တစ်ထုတ်ကို
နှစ်ယောက်မျှစားလာတဲ့ သူငယ်ချင်းက Message ပို့တယ်။

ရန်ကုန်မှာ အဆင့်အမြင့်ဆုံးသွားစားရအောင်တဲ့
sakura အထပ် (၂၀) ကိုချိန်းနေတယ်။

အထပ်(၂၀)ကို ချိန်းပေမဲ့ ရုံးက ဘယ်အချိန်ပြန်ရမလဲ မသိလို့

မသေချာသေးပါ။

Real Life, Real Story

Real Life, Real Story စာအုပ်ကို ဖတ်ပြီး ရေးချင်လာတယ်။
အမှန်တကယ်ဖြစ်ခဲ့တာတွေလေ
အသက်(၂၀)မှာ စီးပွားရေးတက္ကသိုလ်က ဘွဲ့ရတော့ မြန်မာ့ဆိုရှယ်လစ်လမ်းစဉ်ခေတ်ကြီးမှာ
အလုပ်တစ်ခုရဘို့ဆိုတာ တော်တော်လေးခက်ခဲခဲ့တယ်။
ကျွန်မကံကောင်းချင်တော့ တက္ကသိုလ်အတူတက်ခဲ့တဲ့ သူငယ်ချင်းရဲ့အဖေက
ကျွန်မအမေ အလုပ်လုပ်တဲ့ဌာနမှာ လုပ်ငန်းခွဲမန်နေဂျာ
သူ့သမီးက ထောက်ခံချက်တွေကောင်းကောင်းပေးတာနဲ့ ကျွန်မအမေမျက်နှာနှစ်ခုပေါင်းပြီး
စား/ဖျော် လို့အလွယ်ခေါ်နေတဲ့ အရက်နဲ့အဖျော်ယမကာရောင်းဝယ်ရေးဌာနခွဲ အရောင်းဆိုင်မှာ
နေ့စားစာရင်းကိုင် အလုပ်ကလေးကို တနေ့ (၈)ကျပ် (၅၀)ပြားနဲ့ 1988 ခေတ်ပျက်ကြီးထဲမှာ
အလုပ်ရခဲ့တယ်။
အလုပ်ထဲမှာ အမြဲတမ်းဝန်ထမ်းခန့်ပြီးတော့ လှည်းကူးက ဗဟိုဝန်ထမ်း တက္ကသိုလ် (ဖောင်ကြီး)
တက်ရမယ်တဲ့။
အရပ်(၅)ပေ(၄)လက္ခ ရှိပြီး ပေါင် (၉၀) မပြည့်တဲ့ ခပ်ပိန်ပိန် မိန်းခလေးတစ်ယောက်အတွက်တော့
ဖောင်ကြီးသင်တန်းဆိုတာ လူရယ်စရာချည်းပေါ့။
လုပ်ဖော်ကိုင်ဖက်ကောင်းတွေက အားပေးကြပါတယ် RTU တဲ့။
Return to Unit သင်တန်းက ပြန်လွှတ်တာခံရမှာပါတဲ့။
သင်တန်းမတက်နိုင်ပါဘူးလို့ ငြင်းခွင့်ရှိပေမဲ့ အားပေးကြတဲ့လူတွေကို မခံချင်စိတ်နဲ့
၁၉၉၀ ခုနှစ် ဇူလှိုင်လမှ စဖွင့်တဲ့ ဗလ (67) ကို မိုးရွာတဲ့တနေ့မှာ စရောက်ခဲ့တယ်။
ပထမဆုံးတလမှာ အပြင်ထွက်ခွင့်မရှိပေမဲ့ ကျွန်မလက်မှာတော့ အဖြူရောင်အကွက်ကလေးရှိလာခဲ့တယ်။
ဒါပေမဲ့ အမှတ်တမဲ့ထားလိုက်ပြီး ပြင်ပထွက်ခွင့်ရမှဘဲ ဆေးခန်ပြမယ်လို့စိတ်ကူးလိုက်တယ်။
ပြင်ပထွက်ခွင့်ရတဲ့ ပထမဦးဆုံးအပတ်ပြန်တော့
ကျွန်မကို ငယ်ငယ်ကတည်းက ကျန်းမာရေးအတွက် စောင့်ရှောက်ပေးတဲ့ဒေါက်တာနွဲ့နွဲ့ရီ ကို
တိုင်ပြကြည့်ပါတယ်။ သူ့က ကျွန်မအမေလိုမျိုးဖြစ်နေလို့ မာမီလို့ ငယ်ငယ်ကတည်းကခေါ်ခဲ့တယ်။
သမီးအပျိုကြီးကို မာမီခေါ်ရပါ့မလားဆိုပြီး သူ့အမေက ကျွန်မကို သေတဲ့အထိ အမြင်မကြည်လင်ခဲ့ပေမဲ့
ကျွန်မတို့ အခုထိ အဆက်အသွယ်မပြတ်ခဲ့ပါဘူး။
မာမီက စိတ်ပူပြီး ကျွန်မတို့ပဲခူးမှာ နံမည်ကြီးတဲ့ အရေပြားဆိုင်ရာ အထူးကုဆရာဝန်
ဒေါက်တာ ဂျေပရာဆပ် နဲ့လိုက်ပြပေးပါတယ်။
ကျွန်မကို မျက်နှာဟိုဘက်လှည့်ဆိုပြီး အပ်ကလေးနဲ့ အဲဒီအဖြူဝိုင်းနေရာလေးကို ထိုးကြည့်ပါတယ်။
ကျွန်မက နာတယ်လို့ပြောတော့
ညာပြောတာတဲ့။ 
ဆရာဝန်တစ်ယောက်ရဲ့မှတ်ချက်စကားဟာ လူနာရဲ့ စိတ်ကို ဓါးနဲ့မွှန်းသလိုပါဘဲ
အဲဒီတုန်းက ကျွန်မအသက်က (၂၃)နှစ်ပေါ့။
မိန်းမပျိုလေးတစ်ယောက်ရဲ့ ရှက်ရွံ့မှုဆိုတာ ရေးမပြတတ်တော့ဘူး။
အနာကြီးရောဂါ လို့ အမည်တပ်ပေးလိုက်ပါတယ်။
ကျွန်မက သင်တန်းတက်နေတုန်းမို့ သင်တန်းပြီးမှ
ဆက်ကုပါမယ်ဆိုပြီး ပြန်ချလာတာပေါ့။
သင်တန်းမတက်ခင်က အားပေးကြတဲ့ လုပ်ဖော်ကိုင်ဖက်တွေရဲ့မျက်နှာတွေကို
ပြန်မြင်ယောင်လာပြီး
ဘာရောဂါချည်းဖြစ်နေပါစေ
သင်တန်းကို ပြီးအောင်တက်မယ်ဆိုပြီး ဖောင်ကြီးကို ပြန်ချလာခဲ့ပါတယ်။
ဆရာဝန်က ပြောလိုက်တဲ့စကားက တကြိမ်တည်းပေမဲ့
ကျွန်မနားထဲမှာတော့ အကြိမ်ပေါင်းမရေတွက်နိုင်အောင် ပြန်ကြားနေခဲ့ပါတယ်။
ကျွန်မအဖြစ်ကို ဘယ်သူ့မှ မပြောဘဲ တစ်ယောက်တည်း ကျိတ်ခံနေခဲ့ပါတယ်။
စိတ်အနာတရ က တစ်ပိုင်း သင်တန်းပြီးအောင်တက်ချင်စိတ်က တပိုင်းပါ။
ဖောင်ကြီးသင်တန်း မိုးရေထဲမှာ သေနတ်ထမ်းပြီးလမ်းလျှောက်နေရတဲ့အချိန်မှာ
အဲဒီဆရာဝန်ရဲ့ ညာပြောတာပါဆိုတဲ့ အသံကို ပြန်ကြားယောင်လာရင်
မိုးရေတွေနဲ့အတူ မျက်ရည်တွေကျခဲ့တာ အကြိမ်ကြိမ်ပါဘဲ။
ဒါပေမဲ့ ဘ၀ကို ကျွန်မက မခံချင်စိတ်နဲ့ အမြဲမောင်းနှင်ခဲ့တာပါ။
အကြိမ်ကြိမ်ပြိုလဲပြီး အကြိမ်ကြိမ် ပြန်ထ ခဲ့ရတဲ့လူပါ။
အောက်တိုဘာလမှာ သင်တန်းဆင်းပွဲအတွက် လေ့ကျင့်ရမယ်
မလေ့ကျင့်ချင်တဲ့သူတွေ သင်တန်းဆင်းပွဲလမ်းမလျှောက်ချင်တဲ့လူတွေ
အပြင်ထွက်နိုင်တယ်လို့ သင်တန်းမှူးက ပြောတဲ့အချိန်မှာ
ကျွန်မနဲ့အတူ တဌာနတည်းလာတက်တဲ့ ကျော်ကျော်ဝင်းက
နေမကောင်းတာမို့ သေနတ်ထမ်းပြီး တပ်ခွဲအပြင်ကို ထွက်ရပ်တာတွေ့လိုက်ပါတယ်။
ကျွန်မရော.........အဲဒီအချိန်မှာ မြေကြီးကို ငုံကြည့်လိုက်ချိန်
ခြေထောက်အောက်က မြေကြီးတွေရွေ့နေတယ် ထင်လာတယ်။
ဒါပေမဲ့ ကျွန်မရဲ့ထုံးစံအတိုင်း ငါဒီကွင်းထဲကနေ ဘယ်တော့မှာ
ကိုယ့်ခြေထောက်နဲ့ကိုယ်လမ်းလျှောက်ထွက်မသွားဘူး
ကိုယ်အသိမဲ့သွားလို့ သူများက ထမ်းထုတ်သွားရင်တော့မသိဘူးဆိုပြီး
သင်တန်းဆင်းပွဲအတွက် ဆက်လေ့ကျင့်နေခဲ့ပါတယ်။
ခေါင်းမာခြင်းရဲ့ ရလာဒ်ကတော့ ဗလ (67) သင်တန်းသူ ပထမဆု ပေါ့။
နောက်ဆက်တွဲတွေကတော့ ရာထူးတိုးတာတွေ ဌာနကဆုပေးတာ TV သတင်းမှာပါတာတွေ
ဒါတွေက အိမ်မက်တွေလိုဘဲ
တကယ်အဖြစ်က အနာကြီးရောဂါ ဆိုတာလေ

အနာကြီးရောဂါ ကိုကြောက်တဲ့စိတ်ထက် ဒေါက်တာ ဂျေပရာဆပ်ရဲ့ ညာပြောတာဆိုတဲ့မှတ်ချက်ကို
ကြောက်တဲ့စိတ်က အဆပေါင်းများစွာပိုပါတယ်။
ကြောက်စိတ်ထက် ရှက်စိတ်ထင်ပါတယ်။
ကျွန်မက စိတ်ဓါက်ခိုင်မာတဲ့လူမဟုတ်ပေမဲ့
မခံချင်စိတ် ခိုင်မာတဲ့လူမို့ သူ့မှတ်ချက်ကြောင့် မကျရှုံးသွားတာပါ။
အခြားတစ်ယောက်ဆိုရင်တော့...........

ကျွန်မလဲ ကိုယ့်ကိုယ် အနာကြီးရောဂါရှိနေပြီလို့ လက်ခံလိုက်ပြီး
ရောဂါသည်တွေထားတဲ့နေရာတွေကို စိတ်နဲ့ ခဏတိုင်းသွားဖြစ်ပါတော့တယ်။

အချိန်နည်းနည်းယူပြီး စိတ်တည်ငြိမ်တော့မှ လောကကို စိန်ခေါ်ပြီး
ရောဂါကုဘို့ မာမီနဲ့တိုင်ပင်ပါတယ်။
1991 ခုနှစ်က ပဲခူးတိုင်း အနာကြီးရောဂါတိုက်ဖျက်ရေးဆရာဝန်ကြီးက
ဒေါက်တာ တင်ရွှေ
သူ့အိမ်ကို ကျွန်မတို့ သားအမိနှစ်ယောက် သွားပြကြပါတယ်။
ဒေါက်တာ တင်ရွှေက ကျွန်မကို စမ်းသပ်ပါတယ်။
သူကတော့ သိမ်သိမ်မွေ့မွေ့နဲ့ အနာကြီးရောဂါပါလို့ အတည်ပြုပေးလိုက်ပါတယ်။
ဆေးသောက်ရင်ပျောက်သွားမှာပါလို့ ကျွန်မကိုအေးအေးဆေးဆေးရှင်းပြပါတယ်။
အိုကေ ဆေးသောက်မယ်ပေါ့။

ဆေးမသောက်ခင်အထိ ကျွန်မမှာ အနာကြီးစိတ်ပိုင်း ဒါဏ်ရာသာရှိခဲတာပါ။
ရုပ်ပိုင်းမှာတော့ လက်ဖျံမှာ အဖြူဝိုင်းလေးတခု...

ဆေးစသောက်ပြီး တပတ်လောက်အကြာမှာ ကျွန်မတကိုယ်လုံး အနီစက်တွေ ထွက်လာပါတော့တယ်
အဲဒီတော့မှ ငါအနာကြီးရောဂါတကယ်ဖြစ်တာလို့ ယုံကြည်သွားခဲ့တယ်။

ကျွန်မလဲ ဒေါက်တာ တင်ရွှေဆီကို နောက်တခေါက်ထပ်သွားပြီး အနီစက်ကလေးတွေကို ပြပါတယ်။

ဒေါက်တာတင်ရွှေက လိမ်းဆေး အရည်ပုလင်းလေးတွေပေးလိုက်ပါတယ်။

အနီစက်တွေက များလွန်းလို့ တခါလိမ်းရင် တစ်ပုလင်းကုန်ပါတယ်။

ဆေးက ဒီတိုင်းလက်နဲ့ယူလိမ်းလို့မရပါဘူး။ နားကြပ်တဲ့ တဖက်မှာ ဂွမ်းပါတဲ့ အတံကလေးနဲ့
တို့လိမ်းရတာပါ။

မာမီက ကျွန်မကို သနားစိတ်ကြောင့်ထင်ပါတယ်။ နေ့ခင်းဆေးရုံထမင်းစားပြန်ချိန်တိုင်း
ကိုယ်တိုင် ၀င်လူးပေးပါတယ်။
ဆေးလိမ်းနေတုန်း သူကျွန်မကို ကြည့်ခဲ့တဲ့ မျက်လုံးတွေကို ဘယ်တော့မှ မမေ့ပါဘူး။
ကျွန်မဆေးက ပြင်းတော့ သူ့လက်အရည်ခွံတွေ လောင်ကုန်ပါတယ်။

ဆေးသုတ်ထားတဲ့ ဂွမ်းလေးကို အရည်ပြားပေါ်ပွတ်လိုက်တာနဲ့
အရည်ပြားအပေါ်ယံက ဖွာထွက်သွားတယ် ခဏနေ ပါးစပ်လေနဲ့ မှုတ်ထုတ်လိုက်ရင်
အမှုန်ကလေးတွေ လေထဲမှာ ပျံဝဲနေတာဘဲ။

အဲလိုဆေးသောက်လိုက် အနာတွေထပ်ထွက်လာလိုက် ဆေးလိမ်းလိုက်နဲ့
ဆရာဝန်သားအမိနှစ်ယောက် ဆေးကုနေခဲ့တယ်။

ဒါပေမဲ့ မာမီက (10) ရက်လောက်နေတော့ မဟုတ်သေးဘူးထင်တယ် သမီးလို့
ဆရာဝန်ကိုယ်တိုင်က ပြောလာတယ်။
ကျွန်မက ဘာလုပ်တတ်မတုန်း
သူလဲ စဉ်းစားပြီး တို့နှစ်ယောက်ရန်ကုန်သွားပြရအောင်တဲ့
သဘောပေါ့။

သားအမိနှစ်ယောက် ရန်ကုန်ကို တက်လာပြီး
ဒေါက်တာ အေးငြိမ်း ၊  လမ်း (20) ထိပ်က အောင်ဆေးခန်းမှာ ပြကြတယ်။
ဆရာကြီးက ဖြစ်ကြောင်းကုန်စင်နားထောင်ပြီးတော့မှ
အင်း...........မှားကုန်ပြီတဲ့
ဒေါက်တာ တင်ရွှေဆီကိုလဲ ချက်ချင်းဖုံးဆက်တယ်။

ဒါ အနာကြီးရောဂါ မဟုတ်ဘူးတဲ့။
1990 ခုနှစ် ဇူလှိုင်လက စခဲ့တဲ့ ကျွန်မရဲ့ အဖြူဝိုင်းကွက် ဝေဒနာ
1991 ခုနှစ် မေလ လောက်မှာ ဒေါက်တာ အေးငြိမ်း စမ်းသပ်ချက်တွေမှာ အဆုံးသတ်သွားပါတယ်။
ခုဖြစ်တာက ရေမသန့်တာကြောင့်ဖြစ်တတ်တဲ့ မှိုရောဂါတမျိုးပါ။
အနာကြီးရောဂါ ဆေးတွေကြောင့် ပိုဆိုးလာတာတွေကိုဘဲ ပြန်ကုရတော့မယ်တဲ့
ဒါလဲအခက်ကြီးမဟုတ်ဘူး သူဖော်ထားတဲ့ ၀ဏ သိဒ္ဓိ ဖယောင်းချက် တမျိုးကိုတော့
အက်စစ်ဆေးစားထားလို့ဖြစ်နေတဲ့နေရာတွေကို စိတ်ရှည်ရှည်ထားလိမ်းလိုက်ပါတဲ့။
အားလုံးအဆုံးသတ်ချိန်မှာတော့ မာမီက စကားတခွန်းပြောတယ်
သမီး ဆရာကြီးကို ထိုင်ကန်တော့လိုက်ပါတဲ့။
ဝဏ သိဒ္ဓိ ဖယောင်းချက်ကိုတော့ တစ်နှစ်လောက် လိမ်းလိုက်ပြီးတဲ့အခါမှာတော့

လောကကြီးက လှပသွားပါတော့တယ်။

















 

ကံ့ကော်သူ (၂)

29.12.2013 ညနေဘက် စီးပွားရေးတက္ကသိုလ် 49 နှစ်မြောက်ပွဲကို မသွားခင် ကံ့ကော်ဆောင် ကို သွားခဲ့တယ်။

ကံ့ကော်ဆောင်ရှေ့က မကြာခဏဖြတ်ခဲ့ပေမဲ့ အဆောင်ထဲကို မ၀င်ဖြစ်ပါဘူး။

ဒီညနေမှာတော့ ခပ်တည်တည်နဲ့ လွန်ခဲ့တဲ့နှစ် (30) က စတိုင်နဲ့ ခပ်တည်တည် ၀င်သွားလိုက်တယ်။

ပါလာခန်းထဲမှာ ကျောင်းသူလေးတွေ TV ကလာတဲ့ အကယ်ဒမီပေးပွဲကိုကြည့်နေတယ်

တစိမ်းတစ်ယောက် ၀င်လာပေမဲ့ ခပ်အေးအေးဘဲ မိတ်ဟောင်းဆွေဟောင်းလို မျက်နှာလေးတွေနဲ့
ကြည့်ကြတယ်။

မမ လို့တော့ ကိုယ့်ကိုယ်မသုံးတော့ပါဘူး

အန်တီက လွန်ခဲ့တဲ့နှစ် (30) 1983 ခုနှစ်မှာ ဒီအဆောင်မှာ စနေခဲ့ဘူးတာမို့ အမှတ်တရ ဒီနေ့
လာကြည့်တာပါလို့ မိတ်ဆက်တော့

ဒီနှစ်မှ အဆောင်တွေ ပြန်ထားတာ လူ(၁၀၀) ခေါ်ထားပေမဲ့ (၅၀) လောက်ဘဲရောက်သေးတယ်နဲ့

အားလုံး တစ်ယောက်တစ်ပေါက် ၀ိုင်းပြောလိုက်ကြတာ ..............ဟိုးအရင်ကတည်းက
သိတဲ့လူတွေအတိုင်းပါဘဲ.........

ဒါက ကံ့ကော်သူ မျိုးဆက်သစ်တွေပေါ့
 

ကံ့ကော်သူ (၁)

ကံ့ကော်ဆောင် အမှတ်တရ dinner ကို စိမ်းလန်းစိုပြေမှာ 28.12.2013 ညဘက်မှာ လုပ်ကြတယ်။

အသက်ပြန်ငယ်သွားတဲ့ ခံစားမှုမျိုးမရပေမဲ့ အော် တို့ တက္ကသိုလ်အဆောင်မှာ ပျော်ခဲ့တယ်လို့

စိတ်ထဲ ပြန်အမှတ်ရလာတယ်။

ကံ့ကော်အမှတ်တရ ပြောကြတော့ ငါရောဘာတွေ အမှတ်ရတုန်းလို့ ပြန်စဉ်းစားလိုက်တော့

တောကနေ မြို့တက်လာခါစ အဆောင်မှာ ဟောကျူတာတွေ အဆောင်မှူးတွေကို မမ ခေါ်ရတယ်လို့

အရင်ရောက်တဲ့လူတွေက သင်ပေးတော့ အင်းးးးးးးးး တော်တော်လေး နှုတ်ခက်နေတယ်။

မမ တွေနဲ့ နှစ်ယောက်တည်း လမ်းမှာ မျက်နှာချင်းဆိုင်တွေ့ရင် မမ လို့ခေါ်ပြီးနှုတ်ဆက်ရမှာ မရဲလို့

သူတို့နဲ့ အဆောင်ကူးလမ်းကြားမှာ မတွေ့အောင် ရှောင်ရတဲ့ဒုက္ခ..........

ဒါပေမဲ့ နှစ်ပေါင်းများစွာ လူ့လောကအလယ်မှာ ကျင်လည်ခဲ့ပြီး

ကိုယ့်ထက်အသက်ရော ပညာရော မြင့်တဲ့ မမ တွေကို မမ ခေါ်ရမှာ ရှက်တတ်တဲ့သူတစ်ယောက်က

ကိုယ့်ထက် အသက်ရော ပညာပါ မသာတဲ့ လူတွေကို အစ်မလို့ခေါ်ပြီး

အလုပ်သဘောအရ ဆက်ဆံပြောဆိုလာရတဲ့အခါမှာတော့............


နောက်ထပ်အမှတ်တရ တခုကတော့..........

အဆောင်ကို ပထမနှစ်ရောက်ခါစ ဒီလိုဆောင်းတွင်းကြီးဘဲပေ့ါ

အုန်းတောဆောင်နဲ့ ကံ့ကော်ဆောင် မောင်နှမဆောင်မို့

အုန်းတောမှာ ညစာစားပွဲပေါင်းလုပ်ကြတယ်။

မိန်းခလေးယောက်ကျာင်္းလေး တစ်ယောက်ခြားထိုင်ရပြီး

Dinner ညမှာကျွေးတဲ့ ဒံပေါက်ကို မစားရဲလို့ မစားဘဲ ပြန်ခဲ့တာ မမေ့ဘူး

ခုများတော့...............

ညဘက်ကံ့ကော်ဆောင် ပြန်ရောက်ပြီး အိပ်ယာထဲ လျှောက်တွေးနေတုန်း

အဆောင်ရှေ့မှာ လာအော်ကြတာ

ကိုယ့်နံမည်လဲ အော်သံကြားရော စိတ်ထဲက ထိတ်ကနဲဖြစ်သွားတာ

ခဏနေမှ ပေါင်ကြားထဲ လက်ထည့်အိပ်နေပြီလား လို့ ဆက်အော်သံကြားလိုက်မှ

အော် ငါအဲ့လိုအိပ်တာ သူတို့တွေ ဘယ်လိုများသိသွားပါလိမ့်လို့

အူကြောင်ကြောင်တွေးဖြစ်တယ်

ချမ်းတဲ့ညတွေပေါင်ကြားထဲ လက်ထည့်အိပ်နေရာကနေ နိုးလာတိုင်း

အဲ့ဒီညကလေးကို သတိရမိတယ်။

လွမ်းစရာလေးတွေပေါ့

၂၀၁၄ အတွေး

စိတ်ရောလူပါ အနားမရတာ ဘယ်လောက်ကြာနေမှန်းတောင် မသိတော့ဘူး။
ဒီနေ့ ဘယ်တော့မှ ပြီးမှာမဟုတ်တဲ့ အလုပ်တွေကို ဘေးဖယ်ထားပြီး
စိတ်အနားပေးထားလိုက်တယ်
တော်တော်လေးနေလို့ကောင်းတယ်
ပညာရှာလိုက်
အလုပ်ရှာလိုက်
ပိုတ်ဆံရှာလိုက်
လူဝင်ဆန့်အောင် အချိန်ပေးလိုက်နဲ့
အသက်က ၅၀ နားရောက်နေပြီ
ကဲ အခုကစပြီး ဘာမှ အထူးတလည်မရှာတော့ဘူး
ရှာထားတာလေးတွေကို အရင်းတည်ပြီး
ထိုင်နေလိုက်တော့မယ်
ကောင်းတဲ့ပြောင်းလဲခြင်းအတွက် အချိန်နှောင်းတယ်ဆိုတာ မရှိပါဘူး
ပြောင်းလဲခြင်းများနဲ့ ၂၀၁၄ ကို ကြိုနေဆိုနေပါတယ်။

ပဲခူးသူ ဘလော့သို့

အင်တာနက်မြန်နှုန်းတွေ မြင့်လာတဲ့နေ့ စက်ရုပ်လူသားဘ၀က လွတ်လာတဲ့နေ့ အဲဒီနေ့ မင်းဆီကိုပြန်ခဲ့မယ်

Share photos and updates with Shwewahoo

facebook Shwewahoo is sharing photos, updates and more on Facebook. Sign up to stay in touch with Shwewahoo and all the people you care about. Shwewahoo Oo 2 groups Sign Up Go to Facebook This message was sent to shwewahoo.1967@blogger.com. If you don't want to receive these emails from Facebook in the future or have your email address used for friend suggestions, please unsubscribe. Facebook, Inc., Attention: Department 415, PO Box 10005, Palo Alto, CA 94303