အလွဲ(2) နောက်ဆက်တွဲ

ကျွန်မကတော့ သာမန်ယားနာ၊ရေမသန့်လိုဖြစ်တာပါလေဆိုပြီးစိတ်ထဲမှာ ထင်ထားပါတယ်။ တစ်လပြည့်လို့ အပြင်ထွက်ခွင့်ရချိန်မှာ ကျွန်မအိမ်ပြန်ရင်း Mammyလို့ချစ်ခင်စွာခေါ်ခဲ့တဲ့ အစ်မဆရာဝန်က စိတ်ပူပြီး အရေပြားအထူးကုဆရာဝန်ဆီကိုလိုက်ပို့ပါတယ်။ ကျွန်မတို့မြို့မှာတော့ သူကနံမည်ကြီးဆရာဝန်တစ်ဦးပါ။ ဒေါက်တာ ဂျေပရာဆပ် ။ သူက ကျွန်မလက်ကိုကြည့်ပြီး မျက်နှာကိုတဖက်လှည့်ခိုင်းပါတယ်။ ပြီးတော့ အဲဒီနေရာကို အပ်ကလေးနဲ့ထိုးတယ်။ ပြီးတော့ဘယ်လိုနေလဲလို့မေးပါတယ်။ ကျွန်မက နာတယ်လို့ မကြည့်ဘဲနဲ့ ပြန်ဖြေလိုက်ပါတယ်။ အဲဒီအခါမှာ ဆရာဝန်က ကျွန်မညာဖြေတာလို့ ပြောပါတယ်။ အဲဒီလိုပြောလိုက်တဲ့ခဏမှာ ဘာကြောင့်ဆိုတာ ကျွန်မသိလိုက်ပါတယ်။ အနာကြီးရောဂါဖြစ်ရင် အဲဒီလိုနေရာတွေမှာ ခံစားမှုမရှိမှန်း ကျွန်မစာတွေ့အရ သိထားလို့ပါဘဲ။ နာတယ်ဆိုတာလဲ အမှန်အတိုင်းပြောမိတာပါ။ ညာတယ်လို့ အပြောခံလိုက်ရတဲ့ အချိန်မှာ ရှက်တဲ့စိတ်ကြောင့် သေချင်လောက်အောင်ဖြစ်သွားပါတယ်။ အဲဒီအခြေအနေကို သိတဲ့ အစ်မဆရာဝန်က သူက သင်တန်းတက်နေလို့ပါ သင်တန်းပြီးမှ ဆက်ကုပါ့မယ်လို့ပြောပြီး ထိန်းပေး ခဲ့ပါတယ်။ ဆေးခန်းကပြန်လာပြီးကတည်းက ကျွန်မရင်ထဲမှာ ဘယ်လိုဖြစ်ပါတယ်လို့ ပြန်မပြောတတ်တဲ့ ခံစားမှုတွေပါလာခဲ့ပါတယ်။ အဲဒီဝေဒနာတွေနဲ့ ဖောင်ကြီးကိုပြန်ခဲ့ပါတယ်။ ကျွန်မအားလုံးကို သေချာပြန်စဉ်းစား ပါတယ်။ သင်တန်းမတက်ဘဲ ပြန်သွားရင်ကောင်းမလားလို့လည်းတွေးခဲ့ပါတယ်။ စလာတုန်းက RTUလို့ အားပေးထားတဲ့ ပရိတ်သတ်ကလည်းရှိနေတော့ ဖောင်ကြီးကိုပြီးအောင်တက်မယ် နောက်မှ ရောဂါကို စဉ်းစားမယ်လို့ ဆုံးဖြတ်လိုက်ပါတယ်။ ဖြစ်ချင်တော့ သင်တန်းမှာလည်း စုမှူး၊ခွဲမှူးဆိုတာတွေကရှိသေးတယ်။ နောက်ဆုံးတစ်လမှာ တပ်ခွဲမှူးကို မဲစံနစ်နဲ့ပေးတော့ ပိန်ပိန်ကလေးကို ၀ိုင်းခိုင်းချင်ကြတဲ့ သင်တန်းသူတွေကမဲပေးလို့ ဒုတပ်ခွဲမှူးအရွေးခံရပြန်ရော။ ကြွားတာမဟုတ်ပါဘူး။ သူတို့ အားကိုးတကြီးနဲ့ ၀ိုင်းရွေးထားတဲ့ (အမှန်တော့ ဘယ်သူမှ မလုပ်ချင်လုိ့မြှောက်ပေးထားတာပါ) ဒုတပ်ခွဲမှူးက ဘယ်ညာအော်ရင်း မိုးရေထဲမှာ သေနတ်ကြီးထမ်းပြီး အကြိမ်ပေါင်းများစွာ မျက်ရည်ကျရတာကိုတော့ သင်တန်းပြီးတဲ့အထိ ဘယ်သူမှ မသိလိုက်ပါဘူး။ မိုးရည်ကိုလွှမ်းသွားအောင်မှ မငိုနိုင်တာကိုး။ ကဲ ထားပါတော့။ အဲဒီသင်တန်းကြီးလည်း အောင်မြင်စွာပြီးဆုံးသွားပါပြီ။ ကျွန်မဘာတွေဆက်ဖြစ်မယ်ထင်ပါသလဲ။ ကျွန်မတို့မြို့ကလေးကိုပြန်လာပြီး အစ်မဆရာဝန်နဲ့ တိုင်ပင်ရတာပေါ့။ အဆုံးသတ်အနေနဲ့ အနာကြီး ရောဂါသည်တွေကိုလက်ခံတဲ့စခန်းတွေကိုတောင် ကျွန်မစုံစမ်းထားပြီးပြီ သူတို့အကြောင်းတွေလည်း ရှာဖွေဖတ် ရတော့တာပေါ့။ သင်တန်းပြီးလို့ တစ်ပတ်လောက်စိတ်ငြိမ်မှ နောက်ထပ်အရေပြားဆရာဝန်တစ်ယောက်ကို ပြဘို့ ကျိုးစားရပါတယ်။ အဲဒီဆရာဝန်က ပဲခူးတိုင်းအနာကြီးရောဂါတိုက်ဖျက်ရေးက အကြီးဆုံးဆရာဝန်ကြီးပါ။ ဒေါက်တာတင်ရွှေပါ။သူ့ကိုပြတဲ့အချိန်မှာ သူကလည်း သေချာစမ်းသပ်ပြီး အနာကြီးရောဂါလို့ အတည်ပြု လိုက်ပါတယ်။ အဲဒီလို အတည်ပြုလိုက်ချိန်မှာ ကျွန်မထူးပြီးမခံစားရတော့ပါဘူး။ ရှက်တာဝမ်းနည်းတာ ဘာဆိုဘာမှမဖြစ်တော့ပါဘူး။ ဆရာကဆေးသောက်ရင် ပျောက်နိုင်ကြောင်းပြောပြီး ပါလာတဲ့ အစ်မဆရာဝန်နဲ့ ဆေးသောက်ဘို့ကိစ္စဆွေးနွေး ကြပါတယ်။ အရေပြားအထူးကုဆရာဝန်ကြီးနှစ်ယေက်က ဒီရောဂါပါလို့ မှတ်ချက်ပေးပြီးမှတော့ ဒီဆေးကို စသောက်ရပြီပေါ့။ ဆေးကလည်း အနီတောင့်အကြီးကြီးတွေပါ။ နံမည်တော့မသိပါ။ သူတို့က ရောဂါကြီးကြီးသာ အမည်တပ်လိုက်တာပါ။ ကျွန်မရဲ့ ဘယ်ဘက်လက်ကောက် ၀တ်က ယားတဲ့အကွက်ကလေးကတော့ အိနြေ္ဒမပျက် နဂိုအတိုင်း ကျပ်ပြားဝိုင်းလောက်ဘဲ ရှိနေပါတယ်။စိတ်ဒါဏ်ရာတွေကတော့ ပွစာကြဲနေတာပေါ့။ ကဲ ဆေးစသောက်ပါပြီ။ အလုပ်ကိုလည်းပြန် ၀င်နေရပြီပေါ့။ သင်တန်းမှာ ပထမဆုရလို့ ရာထူးကလေးကတက်သွားလေရဲ့ စာရင်းကိုင်(2)ဆိုပါလား။ ၀န်ကြီး ဌာနကလည်းဂုဏ်တွေဘာတွေပြုပြီး TV သတင်းတောင် ပါတယ်ဆိုဘဲ။ အဲဒီလိုတဖက်က အောင်မြင်မှုဆိုတာ ရထားတယ်လို့ ထင်ရတဲ့တစ်ယောက်ဟာ အခြားတစ်ဖက်မှာ အနာကြီးရောဂါဆေးကို စသောက်နေရပြီဆိုတာ ဘယ်သူမှ မသိခဲ့ကြဘူးလေ။ ဆေးစသောက်ပြီးတစ်ပတ်အကြာမှာ ကျွန်မတစ်ကိုယ်လုံး အနာစက်ကလေးတွေ ပေါ်လာတော့တာဘဲ။ ကဲအခုမှ အနာကြီးစပြီထင်ပါရဲ့ဆိုပြီး ဆရာဝန်ဆီတစ်ခေါက်ထပ်သွားရတာပေါ့။ ဆရာဝန်က လိမ်းဆေးပေးလိုက်ပါတယ်။ ပေါက်လာတဲ့အနာတွေက များလွန်းလို့ တခါလိမ်းရင် တစ်ပုလင်းကုန်ပြီး ဆေးက အစ်စစ်အပျော့စားမို့ လက်နဲ့လိမ်းလို့မရပါဘူး။ အနားမှဂွမ်းစလေးပါတဲ့ ဒုတ်တံလေးနဲ့လိမ်းရပါတယ်။ ကျွန်မစိတ်ဓါက်ကျမှာစိုးလို့ထင်ပါရဲ့ ဆရာဝန်အစ်မက နေ့ခင်းတိုင်းသူနားချိန်တွေမှာဆေးလာလိမ်းပေးပါတယ်။ ဒီဘလော့ စရေးတဲ့နေ့က သူ့ရဲ့ (55)နှစ်မြောက်မွေးနေ့ပါ။ သေတူရှင်ဘက်ရဲဘော်တွေအဖြစ်နဲ့ ဂုဏ်ပြုထိုက်တယ်နော်။ ဆေးက လိမ်းလိုက်ရင် ရှဲဆိုပြီးအရေပြားကို စားပစ်လိုက်တယ်။ ပြီးရင်အရေပြားကဖွေးတက်သွားပြီး မှုတ်ထုတ်လိုက်ရင် အရေပြားစလေးတွေက လွင့်ထွက်သွားပါတယ်။ အဲဒီလောက် ပြင်းပါတယ်။ ဆေးလိမ်းရင်း အနာတွေက တိုးတိုးလာလို့ တစ်ပတ်လောက်ကြာတော့ ဆေးလိမ်းပေးတဲ့အစ်မက မဟုတ်တော့ဘူးထင်တယ် ငါတို့ ရန်ကုန်မှာ သွားပြစို့လိုပြောပါတယ်။ ကျွန်မကတော့ ထူးပြီးမစဉ်းစားတတ်တော့တာမို့ သူခေါ်တဲ့နောက်ကို လိုက်ခဲ့ပါတယ်။ ရန်ကုန်လမ်း(20) အောင် ဆေးခန်းကိုပါ။ ဆရာဝန်ကြီးနံမည်က ဒေါက်တာဦးအေးငြိမ်းပါ။ ဦးအေးငြိမ်းဆိုတဲ့နံမည်အတိုင်း ကျွန်မရဲ့ပူလောင်မှုတွေကို အေးငြိမ်းစေခဲ့တဲ့ ဆရာဝန်ကြီးဖြစ်ပါတယ်။ ကျွန်မကို ရာဇ၀င်သေချာမေးပြီး၊ ကျွန်မပြောတာကိုလည်း အာရုံစိုက်ပြီးနာထောင်ပါတယ်။ ကျွန်မက လိမ်ပြောတာပါလို့ ပထမဦးဆုံးအကြိမ်မှာ အပြောခံရပြီးကတည်းက နည်းနည်းလဲ စိတ်ထဲမှာ နာကျင်နေခဲ့တဲ့သူပါ။ ဒါပေမဲ့ ဆရာကြီးက အားလုံးကို စစ်ဆေးပြီးတဲ့အချိန်မှာ အနာကြီးရောဂါမဟုတ်ကြောင်း အတည်ပြုပါတယ်။ ဆေးစသောက်ဘို့ ညွှန်ကြားခဲ့တဲ့ဆရာဝန်တွေဆီကိုလည်း မှားကြောင်းချက်ချင်းကျွန်မတို့ရှေ့တင်ဖုံးဆက် ပြောပါတယ်။ ကျွန်မကိုလည်း ဆေးတွေအကုန်ဖြတ်ပြီး။ ဆေးကြောင့်ဖြစ်လာတဲ့ အနာတွေအတွက် သူဖော်ထားတဲ့ ဖယောင်းချက်အပျော့စားဆေးကိုပေးပါတယ်။ ကျွန်မဘာပြောရမှန်းမသိလို့ ကြောင်နေချိန်မှာ အစ်မဆရာဝန်က ထိုင်ကန်တော့လိုက်လေလို့ သတိပေးပါတယ်။ ကျွန်မကြမ်းပြင်မှာ သေချာထိုင်ကတော့လိုက် ပါတယ်။ အဲဒီနေ့က ကျွန်မတို့နှစ်ယောက် လွတ်လပ်ပျော်ရွှင်စွာ (36)လမ်းကကြေးအိုးသွားသောက်ပြီး ရွာပြန်လာခဲ့ပါတယ်။ အဲဒီတုန်းက ကျွန်မအသက် (24)နှစ်ပါ။ အရွယ်ကောင်းကလေးပေါ့။ မချောပေမဲ့ အနာကြီး ရောဂါသည်တော့ ဘယ်ဖြစ်ချင်ပါ့မလဲ။ ဒါပေမဲ့ 1990ခုနှစ် ဇူလိုင်လ လောက်ကစပြီး ခံစားရတဲ့စိတ်ဒုက္ခနဲ့ ရောဂါအလွဲကြီးကို နိုဝင်ဘာသင်တန်းဆင်းပြီး 1991ခုနှစ် ဖေဖော်ဝါရီလလောက်မှာမှ အောင်မြင်စွာ အဆုံးသတ်နိုင်ပါတော့တယ်။ ဆေးကြောင့်ဖြစ်တဲ့ အနာတွေကိုတော့ (1)နှစ်လောက် ဆေးထပ်လိမ်းလိုက် ရပါကြောင်း ၀မ်းမြောက်စွာနဲ့အလွဲကြီးတစ်ခုကို ရေးသားလိုက်ရပါတယ်။