အလွဲ(6)

သူငယ်ချင်းတွေက တစ်ယောက်ပြီးတစ်ယောက် တကျွန်းကျကုန်တာ။ အဲဒါနဲ့သူတို့က ကျွန်းကလေးကို စိတ်ဝင်စားရင် လာခဲ့ပါလားဆိုတာနဲ့ ကျွန်မလဲ မြန်မာပြည်က စာရင်းကိုင်အလုပ်ကလေးကို ခွင့်တစ်လယူပြီးထွက်လာခဲ့ပါတယ်။ ကျွန်မသူငယ်ချင်း တွေက အကောင်းစားလေးတွေပါ။ ကျွန်မလာမှ နှစ်ပတ်လည်ခွင့်ကိုယူမဲ့လူ၊ နေဘို့စီစဉ်ထားပေးတဲ့လူ။ ဖုံး MRT Card အိုး ဘာဆိုဘာမှ မလိုလောက်အောင် ကောင်းတဲ့သူတွေပါ။ တနေ့ကျွန်မနဲ့သူငယ်ချင်းတစ်ယောက် Bonlay MRT မှာ ရထားစီးဘို့စောင့်နေတာ။ အဲဒီတုန်းက Bonlay ကရထားလမ်းဆုံးပါ။ ရထားက တီတီမြည်နေတုန်း ကျွန်မသူငယ်ချင်းက လျှင်လျှင်မြန်မြန်နဲ့တက်သွားပါလေရော။ ကျွန်မက အသံမြည်နေလို့မတက်ရဲတာနဲ့ ဘူတာပလက်ဖောင်းမှာ ကျန်ခဲ့ပါတယ်။ သွားရမဲ့ဘူတာကို သိတာမို့ နောက်ရထားစီးပြီး လိုက်သွားမယ်လေဆိုပြီး ရပ်ကျန်ခဲ့တဲ့ ပလက်ဖောင်းဘက်မှာဘဲ ဆက်စောင့်နေခဲ့ပါတယ်။ ခဏကြာတော့ သူငယ်ချင်းက ဖုံးဆက်လာ ပါတယ်။ ဘာလို့လိုက်မလာတာလဲတဲ့။ ငါရထားစောင့်နေတယ်ဆိုတော့ ခုနရထားလာတယ်လေတဲ့ ငါမသိဘူးဆိုတော့ ရီပါလေရော။ Bonlay MRT ရထားလမ်းဆုံးပြီး ဘယ်ညာပလက်ဖောင်းနှစ်ခုစလုံး လိုင်းအတူသွားတယ်ဆိုတာပါဘဲ။ အဲဒါကြောင့် ကျန်ခဲ့တဲ့ ပလက်ဖောင်းပေါ်မှာဘဲ ပေစောင့်နေခဲ့တာလေ။ ၀ိုင်းဟားလိုက်ကြတာ လွဲပြန်ပြီပေါ့။ နောက် MRT အလွဲတစ်ခုက ကဒ်ကို ညာဘက်မှာ ရိုက်ရတာကို ကျွန်မက ဘယ်ဘက်နဲ့ရိုက်ပြီးထွက်မရဖြစ်နေတာ။ နောက်ကလူတွေကလည်း ပြုံးစိစိနဲ့ပေါ့။ ရှက်ရှက်နဲ့သူများကို ဖယ်ပေးပြီး နောက်ကနေ ရှိုးတော့မှ အော် ငါကလည်း ညံ့ပါ့လို့ ချီးမွမ်းမိတော့တယ်။ နောက်အလွဲတစ်ခုရှိသေးတယ်။မနက်ခင်းအ၀င်မှာ ကဒ်ရိုက်တာ စက်ကလက်မခံပါဘူး။ အရင်နေ့ကမှာ 50 ကြီးများတောင် ထည့်ထားတာမို့ ပိုတ်ဆံကုန်တာမဖြစ်နိုင်ပါဘူးဆိုပြီး Customer Service ကို ဘာဖြစ်တာလဲလို့မေးလိုက်တော့မှ မနေ့ညက ကဒ်ရိုက်မထွက်လို့လို့ ပြန်အဖြေပေးပါတယ်။ ငါ ကဒ်မရိုက်ရင် ဘယ်လိုထွက်လို့ရမလဲ ငါရိုက်ခဲ့ပါတယ်လို့ပြန်ပြောတော့ မင်းရိုက်တာ မမိဘူး။ ရှေ့ကလူရိုက်တာနဲ့ရောထွက်လာတာနေမှာလို့ ပြန်ပြောမှဘဲ အော် အလွဲလွဲ အချော်ချော်တွေပါလားလို့ဆိုပြီး။ တောင်းပန်ခဲ့ရပါကြောင်း။