အလွဲ(5)

အလွဲတွေအကြောင်းကို ပြန်စဉ်းစားလိုက်ရင် လွဲနေတုန်းခံရခက်ပေမဲ့ နောက်ပိုင်းမှာ ရီချင်သွားတာပါဘဲ။ ကျွန်မ ပြည်သစ်လုပ်ငန်းကို ရောက်သွားတော့ ၀န်ထမ်းအိမ်နေခွင့်ရပါတယ်။ တကိုယ်တော်ပေါ့။ အသက် 26နှစ်ပတ်ဝန်းကျင် မိန်းမပျိုတစ်ယောက်အနေနဲ့ တစ်ယောက်တည်းနေတာ မသင့်တော်ပေမဲ့ ကျွန်မက လွတ်လွတ်လပ်လပ်နေချင်သူမို့ တစ်ယောက်တည်းနေဖြစ်ခဲပါတယ်။ တစ်ယောက် ထဲနေလားဆိုတဲ့ အံ့သြတဲ့အမေးတွေနဲ့ အကြည့်တွေကိုရင်ဆိုင်ရင်း (4)နှစ်ခွဲကြာခဲ့ပါတယ်။ တစ်ယောက်ထဲရဲတဲ့အကြောင်း ရှိပါတယ်။ ကျွန်မနေရတဲ့ ခြံဝင်းနဲ့ကပ်လျှက်အိမ်က ဂျီတီအိုင်ကျောင်းသားတွေကို ဘော်ဒါဆောင်ဖွင့်ထားပါတယ်။ အဆောင်နေ ကျောင်းသားတွေရဲ့ ထုံးစံအတိုင်း ညဘက်မှာ ဂစ်တာတီး၊ဖဲရိုက်၊အော်ဟစ်ရန်ဖြစ်သံတွေနဲ့ အမြဲဆူညံနေတတ်ပြီး ကျွန်မ အိပ်ယာထဲ ကနေကြားနေရပါတယ်။ ကျွန်မလဲကြောက်စိတ်မရှိဘဲ အဲဒီအသံတွေကို အဖော်လုပ်ရင်း တစ်ယောက်ထဲ နေဖြစ် ခဲ့ပါတယ်။ အဲဒီအင်ဂျင်နီယာအုပ်စုထဲက ကျွန်မနဲ့ အခု တစ်ကျွန်းထဲ စံနေရသူတွေ ဘယ်လောက်များနေမယ် မသိပါဘူး။ ဒါပေမဲ့ လူတွေကိုတော့ တစ်ယောက်မှ မျက်နှာမမြင်ဘူးခဲ့ပါ။ ကျွန်မက အအိပ်မက်သူတစ်ယောက် ဖြစ်ပြီး အိပ်ယာလဲရွေးတတ်သူ။ ကုတင်နဲ့မှ အိပ်ချင်သူပါ။ ကျွန်မတစ်ယောက်ထဲ နေတဲ့အိမ်မှာ ကုတင်ကိုစလုပ်ဖြစ်ခဲ့ပါတယ်။ တစ်ယောက်ကျယ်ကျယ်ဝန်းဝန်းအိပ်နိုင်ပြီး ကျွန်မစာအုပ်တွေပါ တင်နိုင်အောင် ခပ်ကြီးကြီးခေါက်ကုတင်လေးတစ်လုံးပါ။ ကျွန်မက ည(8)နာရီအိပ်ယာဝင်တတ်ပြီး မနက်(4)နာရီ ထတတ်တာ အထက်တန်းကျောင်းသူဘ၀ကနေ ဒီကျွန်းလေးကို မရောက်ခင်အထိပါ။ ဒီကျွန်းကလေးကို ရောက်တော့မှ ကျွန်မရဲ့ အကျင့်ကောင်း တစ်ခုပျက်ခဲ့ရပါတယ်။ ကျွန်မစောစောပြန်ရောက်ပေမဲ့ ပြန်မရောက်တဲ့ အတူနေသူငယ်ချင်းတွေကို စောင့်ရင်း ကျွန်မရဲ့အိပ်ချိန်တွေက နောက်ကိုရွေ့သွားပါတော့တယ်။ ခပ်ကြီးကြီးကုတင်တစ်လုံးနဲ့ စောစောအိပ်ယာဝင်တတ်တဲ့မိန်းခလေးတစ်ဦး တနှစ်လောက် ပြည်မြို့မှာ နေတော့ နေသားကျနေပါပြီ။ တစ်ညလည်မှာတော့ ကျွန်မ အပေ့ါသွားချင်စိတ်ကြောင့် နိုးလာပါတယ်။ နယ်အိမ်တွေရဲ့ထုံးစံအတိုင်း အိမ်သာက အပြင်ဘက်မှာမို့ ထွက်ဘို့စဉ်းစားနေမိပါတယ်။ ဒါပေမဲ့ အိမ်သာနဲကပ်လျှက်ခြံစည်းရိုးဘေးမှာ ကျောင်းသားအဆောင် ရှိတာမို့ တစ်ခုခုဆိုလှမ်းအော်ရင် သူတို့လာမှာဘဲလေဆိုပြီး ထသွားဖြစ်ခဲ့ပါတယ်။ ကျောင်းသားအများစုက ရိုးသားတဲ့လူတွေ ကူညီချင် စိတ်ရှိတဲ့လူတွေလို့ ယုံကြည်စိတ်လဲ အခုထိရှိနေတုန်းမို့ပါ။ပုံမှန်အတိုင်းပါဘဲ ကျွန်မထပြီး တခါးဖွင့်ထွက်။ အပေါ့သွားပြီး ပြန်ဝင်လာချိန် အထိ အားလုံးအိုကေနေပါတယ်။ မီးလဲလာနေတာမို့ကြောက်စိတ်တောင် မရှိတော့ပါဘူး။ အိမ်ထဲပြန်ဝင် မီးမှိတ်ပြီး ကုတင်ပေါ် ပြန်အိပ် ဘို့ကျိုးစားပါတယ်။ ကျွန်မက တရေးနိုးပြီးရင် ပြန်အအိပ်ခက်သူမို့ပါ။ (15)မိနစ်လောက် ကြာမယ် ထင်ပါတယ်။ မှေးမှေးကျလာတော့ ကုတင်လှုပ်သွားပါတယ်။ ကျွန်မလည်း သိပ်အိပ်မပျော်သေးတာမို့ လန့်သွားပါတယ်။ ပထမဦးဆုံး စဉ်းစားမိတာကတော့ ကုတင် အောက်ကို လူဝင်နေပြီဆိုတာပါဘဲ။ ချွေးတွေပြန်လာပြီး ဘာလုပ်ရမှန်းမသိဖြစ်သွားပါတယ်။ ဘယ်လိုမှ ဆက်အိပ်နိုင်မှာ မဟုတ်ပါဘူး။ ဒီကုတင်အောက်ကို ကြည့်မှ ဖြစ်မှာပါ။ မီးကလည်းမှိတ်ထားပြီးနေပြီ။ မီးခလုတ်ကလည်း ကုတင်ပေါ်က ဆင်းပြီး(3)လှမ်းလောက်လှမ်းမှ ဖွင့်ရမဲ့အခြေအနေမှာပါ။ ကျွန်မလေ စိတ်ကို မနည်းငြိမ်အောင်ထိန်းရပါတယ်။ လက်ထဲမှာလဲ ဓါက်မီးကို ကျစ်ကျစ်ပါအောင် ဆုတ်ထား လိုက်ပါတယ်။ ည(1)နာရီလောက်ရှိပြီမို့ တဖက်ခြံက ကျောင်းသားတွေအသံလဲတိတ်နေပါတယ်။ ကြောက်စိတ်ကို ထိန်းပြီး နောက်ဆုံး မှာတော့ ကုတင်ပေါ်ကဆင်းပြီး မီးခလုတ်ကိုဖွင့် ကုတင်အောက်ကို စိုးရိမ်တကြီးကြည့်လိုက်ပေမဲ့ ကျွန်မမျှော်လင့်ထားသလို ကုတင် အောက်မှာ တစ်စုံတစ်ယောက်ကိုမှ မတွေ့ပါဘူး။ လူမရှိတာသေချာချိန်မှာတော့ သရဲများလားလို့ ထင်လာပြန်ပါတယ်။ ကြောက်စိတ် တွေနဲ့ မိုးလင်းခါနီးမှာမှ အိပ်ပျော်သွားပါတော့တယ်။ မနက်ရုံးသွားတဲ့လမ်းတစ်လျှောက်မှာလဲ အတွေးတွေမျိုးစုံနဲ့ပါ။ သူငယ်ချင်းကို ခေါ်အိပ်ရမလား။ တစ်ယောက်ထဲ ဆက်နေသင့်သလားပေါ့။ အဲဒီလိုနဲ့နေ့ခင်းထမင်းစားချိန် ရောက်လာပါတော့တယ်။ အတူ ထမင်းစားတဲ့ ၀န်ထမ်းတစ်ယောက်က မေးလာပါတယ်။ ညက ငလျင်လှုပ်တာ သိလားတဲ့။ ဘယ်အချိန် လဲလို့ပြန်မေးတော့ ညလယ် လောက်တဲ့။ သူ့အမေးကို ပြန်မဖြေနိုင်ခင်မှာ ကျွန်မ စိတ်လက်ပေါ့ပါးစွာ ထရီပစ်လိုက်ပါတယ်။ အော် တိုက်ဆိုင်ပုံများကတော့ ကျွန်မ အပြင်ထွက်ပြီး ပြန်ဝင်လာချိန်က ငလျင်လှုပ်ချိန်နဲ့သွားတိုက်ဆိုင်နေတာကိုး။ ကျွန်မမှာတော့ ကြောက်လိုက်ရတာ နောက်ဆုံးတော့ ငလျင် ငလျင်ပေါ့။ သူ့လက်ချက်လေ။ တော်သေးတာပေါ့ အကြောက်လွန်ပြီး အခြားအိမ်က လူတွေကိုပါ အော်နိုးမိရင် အခုလောက်ဆို ရာဇ၀င်တွင်မဲ့အရှက်ရလောက်ပြီ။ နောက်ဆုံးမှာတော့ ကျွန်မအိမ်အနောက်ဘက် ထွက်တဲ့ တံခါးကို အပြင်ကသော့ခတ်လို့ရအောင် လုပ်ထားလိုက်ပါတော့တယ်။ နောက်ညတွေမှာ အပြင်ထွက်ရင် သော့ခတ်လို့ရအောင်ပါ။ သော့ခတ်ပြီးထွက်လို့ ရပေမဲ့ နောက်ညတွေမှာတော့ ဂန်ဖလားကိုသာ အသုံးပြုခဲ့ပါကြောင်း။ ဟဲဟဲ ဒါပါဘဲ.........အလွဲ(5)