အလွဲ(4)

အောင်မလေး ကယ်ကြပါဦး။ ဆိုတဲ့စကားလုံးကို ရုပ်ရှင်ထဲမှာ ၀ထ္တုတွေထဲမှာဆိုရင်တော့ ဟုတ်တာပေါ့။ အပြင်မှာ တကယ်အော်ခဲ့ဘူးတဲ့သူ ဘယ်နှစ်ယောက်ရှိမှန်းမသိပေမဲ့ ကျွန်မတကယ်အပြင်မှာ အော်ခဲ့ဖူး ပါတယ်။ ကျွန်မကျောင်းပြီးခါစ အားနေတုန်းပေါ့။ ကျွန်မကို ကျန်းမာရေးနဲ့ပတ်သက်ရင် အခုအရွယ်ထိ စောင်မ ကြည့်ရှုခဲ့တဲ့ ဆရာဝန်အစ်မက ညောင်လေးပင်မြို့မှာ ဆရာဝန် မရှိလို့လူစားတစ်လသွားရမယ်လို့ဆိုတာနဲ့ ကျွန်မလည်းအဖော်လိုက်ခဲ့ပါတယ်။ 1986 ခုနှစ်ကပါ။ မြို့ငယ်ကလေးတွေရဲ့ထုံးစံအတိုင်း ဆေးရုံက မြို့ထဲမှာ မဟုတ်ဘဲ မြို့အစွန်မှာပါ။ ပဲခူးဘက်လာရင် ညောင်လေးပင်မြို့အ၀င်မှာ ရှိပါတယ်။ ဆရာဝန်အစ်မကတော့ သူ့ ဂျူတီတွေနဲ့ ပြည့်နေပြီး ကျွန်မကအားနေတဲ့သူမို့ နေ့ခင်းတွေမှာ ဆေးရုံထဲကို လှည့်ပြီးလျှောက်ကြည့်လိုက် ပျင်းရင် စာထိုင်ဖတ်လိုက်ပေါ့။ စားဘို့ကိုတော့ မြို့ထဲက အသိတစ်ယောက်အိမ်က ထမင်းချိုင့်ပို့ပေးပါတယ်။ ကျွန်မတို့နှစ်ယောက်လည်း သူအားတဲ့အချိန် လဘက်ရည်ဆိုင် ထိုင်ကြတာပေါ့။ ကျွန်မတို့နေဘို့ကိုတော့ ဆေးရုံဘေးမှာ စတိုနဲ့ကပ်လျက် ဆေးရုံဆရာဝန်တွေထားတဲ့ အိမ်ကလေးမှာ နေရပါတယ်။ တထပ်တိုက်ပါ။ ဆေးရုံက လူနာအရေးကြီးရင်လည်း လာလာခေါ်တတ်ပြီး ညဖက်မှာတောင် မြွေကိုက်လို့ရောက်လာတဲ့ ကရင်မလေးတစ်ယောက်ကို ထကြည့်ပေးဘူးပါတယ်။ ဆရာဝန်က ချက်ချင်းထကြည့်ပေမဲ့ လာဘို့လမ်းစာရိတ် ရှာနေလို့ လမ်းမှာကြာသွားတဲ့ အဲဒီလူနာကတော့ မြွေဆိပ်တွေပြန့်ပြီး အောက်ပိုင်းကနေတစတစ သေ လာတာကို ကျွန်မ စိုက်ကြည့်ခဲ့ဘူးပါတယ်။ ချမ်းသာတဲ့ နိုင်ငံတွေမှာ လူတွေရဲ့ အသက်က သိပ်တန်ဖိုးရှိပြီး ကျွန်မတို့လို ဆင်းရဲတဲ့ နိုင်ငံတွေမှာတော့ လူ့အသက်က ကြွေသွားဘို့ သိပ်လွယ်တာဘဲလို့ ကျွန်မ ၀မ်းနည်း ခဲ့ဖူးပါတယ်။ တညနေမှာတော့ မွေးလူနာရောက်လို့လာခေါ်ပါတယ်။ ကျွန်မကိုလည်း ပျင်းရင်လိုက်ခဲ့လေလို့ ခေါ်တာနဲ့ ကျွန်မလည်း ထလိုက်သွားပါတယ်။ မွေးခန်းထဲအထိပါ။ ဆရာဝန်ကိုမြင်တော့ ဗိုက်နာနေတဲ့ အမျိုးသမီးက ဆရာမရယ် ကျွန်မကို ကယ်ပါဦးလို့အသံတိမ်လေးနဲ့ ပြောရှာပါတယ်။ အဲဒီ အစ်မဆရာဝန်က ခပ်နောက်နောက်သမားဖြစ်ပြီး လူနာအနာသက်သာအောင် စိတ်ဖော့တဲ့အနေနဲ့လိုထင်ပါတယ်။ ကယ်မယ် ကယ်မယ် သိကြားမင်းလာပြီလို့ ပါးစပ်ထဲရှိတာပြောလိုက်ပါတယ်။ ကျွန်မကအဲဒါကိုကြားပြီး ရီချင်စိတ်ကို မနည်းထိန်းထားရပါတယ်။ ဘာဖြစ်လို့လဲဆိုတော့ ဆရာဝန်က မွေးဘို့ လက်အိတ်စွတ်ရင်းပြော လိုက်တာ မို့ပါ။ သူအခုလုပ်ရတဲ့ကလေးဆွဲထုတ်ရမဲ့အလုပ်နဲ့ သိကြားမင်းကို ကျွန်မဘယ်လိုမှ တွဲမြင်လို့ မရလို့ပါ။ အနာသက်သာဘို့ လျှောက်ပြောရင်းကလေးကို အောင်မြင်စွာနဲ့လူလောကထဲကို ခေါ်လာနိုင်ခဲ့ ပါတယ်။ မီးဖွားတဲ့ကိစ္စပြီးတဲ့အချိန်က ညနေ(6)နာရီကျော် နည်းနည်းမှောင်စပြုနေတဲ့အချိန်ပေါ့။ ကျွန်မတို့ နှစ်ယောက်လည်း စကားတပြောပြောနဲ့ အိမ်ကလေးဆီကို ပြန်လာခဲ့ပါတယ်။ ညစာစားချိန်ဖြစ်ပြီး မီးမလာလို့ ဖယောင်းတိုင်ထွန်းပြီးညစာစားဘို့ ထမင်းချိုင့်ကလေးဖွင့်နေတုန်းပါ။ ကျွန်မတို့ ထမင်းစား စားပွဲက အ၀င်တံခါး ကပ်လျှက်မှာရှိပါတယ်။ စားဘို့ထည့်နေတုန်း ကျွန်မက သိကြားမင်းလို့ပြောတဲ့ကိစ္စကိုပြန်ပြောတော့ အေး ငါလဲ လူနာကညည်းနေတော့ ဘာပြောရမှန်းမသိတာနဲ့ပြောလိုက်တာလို့ပြောပြီး အဲဒီဆရာဝန်အစ်မက ထရီပါတယ်။ သူ့က အရီသန်တဲ့သူဖြစ်ပြီး စိတ်လွတ်လက်လွတ်ရယ်မောတတ်သူပါ။ အဲဒီရီသံရဲ့အဆုံးမှာတော့ ကျွန်မတို့ဘ၀စတော့တာပါဘဲ။ မှောင်တဲ့အပြင်ဘက်ကနေ အ၀င်တံခါးမကြီးကို ဒုတ်တွေနဲ့ထုထုပြီး တံခါးဖွင့် လို့ အော်နေတာ ယောက်ကျာင်္းသံရော၊ မိန်မသံတွေပါ ပါပါတယ်။ ဆေးရုံက လာခေါ်တာလုံးဝမဖြစ်နိုင်ပါဘူး။ အခုက အနုကြမ်းစီးသလိုကို ၀ုန်းဒိုင်းကြဲနေတော့တာပါ။ အစမှာတော့ ကျွန်မတို့နှစ်ယောက်ကြောင်နေပြီး ခဏနေမှ အသက်ပြန်ဝင်လာပါတယ်။ ဘာလုပ်ရမှန်းမသိတာနဲ့ အိပ်ခန်းထဲပြေးဝင် တံခါးတဆင့်ကို ထပ်ပြီး ဂျက်ချလိုက်ပါတယ်။ ဒါပေမဲ့အပြင်က တံခါးဖွင့်ဆိုပြီး ထုရိုက်အော်ဟစ်သံတွေကတော့ ဆက်ကြားနေရပါတယ်။ ကျွန်မဘာလုပ်တယ်ထင်ပါသလဲ။ လမ်းမဘက်နဲ့နီးတယ်လို့ထင်ရတဲ့ ပြတင်းခါးကိုပိတ်ရက်နဲ့ ကပ်ပြီး ကယ်ကြပါဦးလို့ တကယ်အော်ခဲ့ပါတယ်။ လည်ချောင်းတွေကွဲထွက်မတတ် အသိတရားမဲ့ကြောက်လန့်စွာနဲ့ပါ။ အပြင်ကလည်းတခါးကိုထု၊ ကျွန်မတို့နှစ်ယောက်ကလည်း အိပ်ခန်းထဲကအော်နဲ့ အချိန်ဘယ်လောက်ကြာသွား သလဲမမှတ်မိလိုက်ပါဘူး။ ကံကောင်းချင်တော့ ကျွန်မတို့ရောက်ပြီးမှ ညဘက်ဆေးရုံရှေ့အုတ်ခုံမှာ ညဘက် သီချင်းလာလာဆိုကြတဲ့ကောင်လေးတွေရှိပါတယ်။ အဲဒီတုန်းက အသက် 20အောက်မို့ထင်ပါရဲ့။ အဲဒီ သီချင်းဆိုတဲ့ကောင်လေးတွေရောက်လာမှ တံခါးကိုထုပြီးဖွင့်ခိုင်းတဲ့ လူစုက ထွက်သွားပါတော့တယ်။ ကျွန်မလေ ကြောက်လိုက်တာ ပြန်မပြောပြတတ်အောင်ဘဲ။ စိတ်ထဲကနေအဲဒီအဖြစ်အပျက်ကို တော်တော်နဲ့ ဖျောက်လို့မရတော့ပါဘူး။ သီချင်းလာဆိုတဲ့ကောင်လေးတွေမှန်းသိရပေမဲ့ တံခါးကို မဖွင့်ရဲတာကြောင့် ဆေးရုံ ၀န်ထမ်းတွေကို သွားခေါ်ပေးဘို့ အကူအညီတောင်းရပါတယ်။ သူတို့က ကျွန်မတို့အော်သံတွေကြောင့်ပြေးဝင် လာကြတာပါ။ ဆေးရုံဝန်ထမ်းတွေရောက်လာချိန်မှာတော့ ည(10)နာရီလောက်ရှိပြီမို့ မြို့ထဲအသိအိမ်သွား အိပ်ဘို့ မဖြစ်နိုင်တာနဲ့ ဆေးရုံထဲက ရုံးခန်းကလေးထဲကိုရွေ့ခဲ့ရပါတော့တယ်။ ကျွန်မတို့ဘာလုပ်ရမလဲ၊ ဘာဖြစ်တာလဲလို့ နှစ်ယောက်အဖြေရှာနေဆဲမှာဘဲ အမျိုးသမီးတစ်ယောက် (တရုတ်မပုံစံ)ဆံပင်ဖရိုဖရဲနဲ့ ကျွန်မတို့ ရှေ့ကိုရောက်လာပြီး ခွင့်လွှတ်ဘို့တောင်းပန်ပါတယ်။ ကျွန်မစိတ်တွေတော်တော်လေး ရှုပ်ထွေးကုန် ပါတယ်။ သူက ဘာကိစ္စတောင်းပန်ရတာလဲ။ အဖြစ်ကတော့ တော်တော်လေးတိုက်ဆိုင်ပြီး အဆင်မသင့်လို့ တံခါးပွင့်သွားရင် ကျွန်မတို့ကို မီးမှောင်မှောင်မှာ အသေအရိုက်ခံရမဲ့ကိန်းပါ။ လွဲပုံကဒီလိုတဲ့။ သူ့အမျိုးသားက အခြားအမျိုးသမီးတစ်ယောက်နဲ့ဖောက်ပြန်ပြီး အဲဒီဆေးရုံက စတိုတာဝန်ခံက သူ့အမျိုးသားရဲ့ သူငယ်ချင်းမို့ သူတို့အတွဲက အဲဒီအိမ်မှာ လာလာချိန်းကြတာဆိုဘဲ။ အခုလဲ ကျွန်မတို့ရောက်နေတာလဲမကြာသေးလို့ သိပ်လဲမသိကြသေးဘူး။နောက်ပြီး သူ့အမျိုးသားကလဲ အဲဒီအမျိုးသမီးနဲ့ထွက်သွားတာ မှောင်ထဲမှာ ကျွန်မတို့ နှစ်ယောက်ကလည်း ဒီအိမ်ထဲကို ၀င်လာတော့ သူ့အမျိုးသားအတွဲထင်ပြီး အိမ်ပြန်မောင်တွေ၊အကိုတွေခေါ်ပြီး ပြန်လာဖမ်းတာဆိုဘဲ အိုး တကယ့်ဖြစ်ရပ်မှန်တိုက်ဆိုင်မှု ပါလား။ အဲဒီလျှိုဝှက်ဆန်းကြယ်ထဲမှာ ကျွန်မတို့နှစ်ယောက် ဘာမသိ ညာမသိနဲ့ နေ့ခင်းကအဖြစ်ကို အကျယ်ကြီးအော်ရီမိချိန်မှာတော့ အထဲမှာ ကြည်နေပြီဆိုပြီး တံခါးကို ထုရိုက် ဖွင့်ခိုင်းတော့တာပါလား။ တကယ်လို့များတံခါးပွင့်သွားခဲ့ရင် ကျွန်မ လွန်ခဲ့တဲအနှစ်(20)ကသေပြီး အခုလို စာရေးခွင့်ရဘို့လမ်းမမြင်တော့ပါလား။ တကယ့်ကို သေစေနိုင်တဲ့ လွဲမှားမှုတစ်ခုပါလား။ အဲဒီလို အလွဲတွေလည်း အသက်(20) မတိုင်ခင်မှာ ကိုယ်တွေ့ကြုံခဲ့ပါကြောင်း။