စက်ဘီး

ကျွန်မကလေးဘ၀ထဲက အလိုချင်ဆုံးပစ္စည်းတစ်ခုကို ပြပါဆိုရင် စက်ဘီးလို့ပြောရမှာပါ။ နည်းနည်းလေးအရွယ် ရောက်လာချိန်မှာ သူငယ်ချင်းတစ်ယောက်နဲ့ ပြောဖြစ်ခဲ့တဲ့စကားတစ်ခုရှိပါတယ်။ သူများမောင်းတဲ့ကားကို ဘေးကထိုင် စီးမလား။ စက်ဘီးကို ကိုယ်တိုင်နင်းပြီးသွားမလားဆိုရင် စက်ဘီးကို ကိုယ်တိုင်နင်းသွားဘို့ ရွေးချယ်မယ်လို့ပါ။ အဲဒီသူငယ်ချင်းကတော့ သူများမောင်းတဲ့ကားကို ထိုင်စီးနေချိန်မှာ ကိုယ်ကတော့ စက်ဘီး ကလေးနဲ့ဝေးနေရဆဲပါ။ ကျွန်မတို့အမေက စည်းကမ်းတင်းကျပ်တဲ့လူမျိုးထဲမှာပါပါတယ်။ တစ်သွေးတစ်သံ အမိန့်မို့ ငယ်ငယ်တုန်းက တို့အမေက ဟစ်တလာဝင်စားတာလားမသိဘူးလို့ ညီအစ်မနှစ်ယောက်ပြောခဲ့ဘူး ပေမဲ့ ဒီစည်းကမ်းတွေကြောင့် ကျွန်မတို့နှစ်ယောက် လူကောင်းကလေးတွေဖြစ်လာမို့ အဲဒါကို အမေရှိနေတုန်း သိခဲ့ရလို့ အမေ့ကိုလဲ ကျေးဇူးတွေ အခုတော့ တင်မဆုံးပေါ့။ ငယ်တုန်းကတော့ သူငယ်ချင်းတွေကြားမှာ တို့အမေက ပေးလုပ်မှာမဟုတ်ဘူးဆိုပြီး အမြဲမျက်နှာငယ်ကလေးနဲပါ့။ သူများတွေ စက်ဘီးစီးကြ၊လမ်းထွက် ကစားကြတဲ့အချိန်မှာတော့ ကျွန်မတို့ညီအစ်မက အိမ်ထဲမှာဘဲနေခဲ့ရပါတယ်။ ဒါပေမဲ့ လွတ်လပ်ရေးနေ့တော့ ရောက်လာတာပါဘဲ။ ကျွန်မတို့အမေ ဖောင်ကြီးသင်တန်းသွားရမယ်ဆိုတော့ အိုး ပျော်လိုက်တာ အဖွားနဲ့နေခဲ့ ရမှာမို့ လုပ်ချင်တာတွေ အကုန်လုပ်ပစ်လိုက်မယ်လို့ကို တွေးထားတာ။ တကယ်လဲလုပ်ခဲ့တာပါဘဲ။ ပထမဦးဆုံး လုပ်ခဲ့တာကတော့ သူငယ်ချင်းတွေနဲ့ စက်ဘီးစီးသင်တာလေ။ သိတယ်မို့လား။ အိမ်မှာ စက်ဘီးကလဲမရှိတော့ ဆိုင်ကနေ နာရီနဲ့ငှားပြီး လမ်းပေါ်မှာတချိန်လုံးပေါ့။ အမေ့သင်တန်းကလဲ ပထမလမှာ အပြင် ထွက်ခွင့်မရှိတော့ အဲဒီတစ်လအတွင်း အဌာရသ(18)ရပ် အကုန်တတ်အောင် သင်မယ်ဟဲ့ဆိုပြီး ထမင်းမစား ဟင်းမစားပေါ့။ ဒူးခေါင်းက အမာရွတ်တွေက သေရာပါရောဘဲ။ တစ်ပတ်လောက်အတွင်းမှာ စက်ဘီးစီးတတ် သွားပါတယ်။ တစ်လပြည့်လို့ အမေပြန်လာတဲ့နေ့မှာတော့ ကျွန်မတို့ညီအစ်မ အစ်ရှေ့ဝရံတာမှာ ကြိုးနဲ့တုတ်ပြီး ရိုက်ခံရတာကို အခုထိမမေ့ပါဘူး။ ကျွန်မတို့ဘာတွေလုပ်တယ်ဆိုတာ အမေမသိပေမဲ့ အမေပြန်လာရင် လက်မှတ်ထိုးခိုင်းရမဲ့ ပညာရည်မှတ်တမ်းကတော့ အမေသင်တန်းမတက်ခင် အဆင့်(5)ကနေ အဆင့်(40) ကို ရောက်သွားတာက သက်သေခံဖြစ်နေလို့ပါဘဲ။ ညီအစ်မနှစ်ယောက်စလုံးလဲ မဲသဲပြီး ဒါဏ်ရာတွေပလပွနဲ့ လူရုပ်တောင် မပေါ်ဘူးလို့အပြောခံရပါတယ်။ အဲဒီလို အရိုက်ခံရတာတောင် ရီစရာအမြဲတွေးတတ်တဲ့ညီမက အမေကတို့ကိုပြောနေတယ် လူရုပ်မပေါ်ဘူးတဲ့ တို့ နတ်ရုပ်ထွက်နေလားမသိဘူးလို့လေ။ သူကတော့ ဘ၀ကို ရီစရာတွေအဖြစ်အမြဲမြင်လေ့ရှိပါတယ်။ အမေက နင်တို့အပြင်ထွက်ရင် ပြောင်ပြောင်ရောင်ရောင်လေးဝတ်လို့ ပြောသံကြားရင် သူကတိုးတိုးလေး တို့ ဘော်ကြယ်ထိုးဝတ်ရအောင်လို့လည်း ငယ်ငယ်လေးနဲ့ပြော တတ်တယ်။ ကျွန်မကတော့ အမေအရိုက်ခံရပေမဲ့ စက်ဘီးစီးတတ်သွားတာမို့ တန်ပါတယ်လို့တွေးပြီး အမေလစ်တာနဲ့ ဆိုင်က စက်ဘီးကို ငှားစီးလေ့ရှိပါတယ်။ ကိုယ်ပိုင်တော့မရှိသေးပါ။ အသက်(20)ကျော် အလုပ် စလုပ်တော့ ကျွန်မရဲ့ ငယ်ဘ၀အိမ်မက်က ပြန်နိုးလာပါတယ်။ စက်ဘီးလိုချင်တဲ့ရောဂါလေ။ ရတဲ့ပိုတ်ဆံထဲက နေခင်းဗိုက်ဆာရင် ဈေးသက်သာတဲ့ ပလာတာတစ်ချပ်စားပြီး စုထားခဲ့ပါတယ်။ ကျွန်မအဲဒီတုန်းက ပလာတာကို မစားချင်ဘဲ စားခဲ့ရတဲ့စိတ်ကြောင့်ထင်ပါရဲ့ အခုကြီးလာတော့ ပလာတာကို လုံးဝမစားဖြစ်တော့ပါဘူး။ အဲဒီလိုနဲ့ ကျွန်မလိုချင်တဲ့ စက်ဘီးကလေးတစ်စီး ၀ယ်နိုင်သွားပါတယ်။ Pheasant တံဆိပ်နဲ့ အနီရောင်ကလေးပါ။ အိုး ပျော်ချက်ကတော့ အခုတောင်ပြန်တွေးရင် ပျော်ပါတယ်။ အဲဒီစက်ဘီးကလေးနဲ့ ကျွန်မရုံးကိုသွားတယ်။ မနက်ခင်းရုံးမသွားခင် ရွှေမော်ဓေါဘုရားကိုသွားတယ်။ ညနေ ရုံးဆင်းရင် ကျွန်မတို့မြို့က သဇင်စာအုပ်ဆိုင်ကို သွားတယ်။ လိုရာရောက်ခဲ့ပေါ့။ ကျွန်မစက်ဘီးဘယ်လောက်နင်းခဲ့သလဲဆိုရင် ခြေထောက်နဲ့ပေါင်တွေက အပေါ်ပိုင်းနဲ့ မလိုက်ဖက်စွာ တောင့်တင်းခိုင်မာလာတဲ့အထိပေါ့။ စက်ဘီးကိုနင်းချလိုက်ရတဲ့အချိန်မှာ ဖြစ်ပေါ်တဲ့ ခံစားမှုထဲမှာ မိမိကိုယ်ကိုယ် ယုံကြည်စိတ်ချမှုတွေတောင်ပါလာတယ်လို့ တခါတလေထင်ခဲ့မိတယ်။ ဒါပေမဲ့ အချိန်တန်တော့လည်း လမ်းခွဲခဲ့ရပါတယ်။ ပထမအလုပ်မှာ မပျော်လို့ နောက်အလုပ်တစ်ခု အပြောင်းမှာ အဲဒီချစ်လှစွာသော စက်ဘီးလေးကို လမ်းစာရိတ်အတွက်၊ပထမအလုပ်မှာရာထူးတိုးထားပြီးနှစ်မစေ့ခင်ထွက်လို့ ရော်ကြေးပေးဘို့အတွက်ရောင်းခဲ့ရပါတယ်။ အဲဒီနောက်ပိုင်းမှာတော့ စက်ဘီးကလေးနဲ့ကျွန်မဝေးခဲ့ရတာ အခုအထိပါ။ နှစ်ပေါင်းများစွာကြာခဲ့ပေမဲ့ ကျွန်မရဲ့စက်ဘီးအိမ်မက်ကတော့ ရှင်သန်နေဆဲပါ။ ဒီတစ်ခေါက် ရွာပြန်ရင် စက်ဘီးတစ်စီးလောက်တော့ ၀ယ်စီးပစ်လိုက်မယ်လို့ အားခဲထားပါတယ်။ ဒါပေမဲ့ ဟိုးအရင် အနှစ်(20)ကလို ပျော်ရွှင်လွတ်လပ်ပါတော့မလားလို့တော့ စိတ်ပူနေမိတယ်။ကျွန်မတို့မှာ စိတ်ဒါဏ်ရာ တွေနဲ့မွမ်းကြပ် နေခဲ့တာ ကြာခဲ့ပြီလေ။